Ekongelo ka losanganya l’olimu

Lomingu la Ngɔndɔ ka Dikumi 9

Osambo 11

Min. 8: Waewoyelo. Waewoyelo w’oma l’Olimu Aso wa Diolelo.

Min. 12: “Todje Yimba l’Elimu wa Diambo Waki Nzambi.” Sala mbɔtwɛlɔ kahakoke kânga minitɛ ɔtɔi ko wɛ ndjeta lo wembola ndo ekadimwelo. Kotola yambalo l’esato ɛmɔtshi wele lo dibuku di’oyoyo watotshutshuya dia ngɛnangɛna prɔfɛsiya k’Isaya.

Min. 25: “Ɛnɔnyi Kinunu w’Eyoyo​—⁠Kakɔna Katokongɛ lo Nshi Yayaye Na?” Ɔkɛtshanyelo wa la wangasanu tshɛ oma le omendji w’olimu. L’ɔkɔngɔ wa wadielo wa diewoyelo diele lo mukanda wakatomɛ Société dikumanyi wa Ngɔndɔ k’Esambele 3, 2000, nyosha onto tshɛ lele lo losanganya kɔpi ɔtɔi ka Nkumu ya Diolelo No. 36. Oma lâsɔ ko nyu mbeta l’ɔkɛtshanyelo wa wembola l’ekadimwelo kâmɛ l’ampokami wa sawo nɛ. Ewoya tɛdikɔ tambɔsa etshumanelo dia shidiya la kindjakindja ɛtshi kawɔ ka nkɛtɛ. Nyone woho wa kimanyiya eyoyo ndo ana dia vɔ koma apandjudi wahatabatizama. Sala ɛnyɛlɔ kɛmɔtshi ka mondo. Tɛtɛ l’ohomba w’onto tshɛ mbidja lonya l’okahanyelo ɔnɛ.

Osambo 53 ndo dɔmbɛlɔ dia ndjihelo.

Lomingu la Ngɔndɔ ka Dikumi 16

Osambo 104

Min. 10: Waewoyelo. Alapɔlɔ wa falanga. Ohola apandjudi dia lam’ayotosala esambishelo lo wikɛndɛ, tayokahɛ anto Tshoto y’Etangelo la Réveillez-vouz ! kâmɛ la Nkumu ya Diolelo No. 36.

Min. 15: “Dihomɔ Diasha Wetshelo, di’Emula Nsaki, ndo Diakeketsha.” (Odingɔ 1 la 2 oto.) Dako. Kɔndɔla lo tshena pe woho wakatatɛ Société tondja bandɛ ya video. (Enda lo dibuku Prédicateurs lɛkɛ 600-601.) Keketsha onto tshɛ dia tenda bandɛ ka video Les Témoins de Jéhovah - Un nom, une organisation ndo ndjalɔngɔsɔla lo sawo dia lo Losanganya l’Olimu la Ngɔndɔ ka Dikumi l’Ɔtɔi 30. Anto wele la bandɛ ka video kɛsɔ kokaka kimanyiya wanɛ wele bu latɔ, kana menda la wɔ kâmɛ.

Min. 20: Sho Tshɛ Kokaka Mɛnya Yimba y’Ombatshi Mboka. Ɔkɛtshanyelo lam’asa ɔnɔmbɔdi wa dibuku nde l’okimanyidi ande, oma lo Tshoto y’Etangelo ya Ngɔndɔ ka Dikumi l’Ɔtɔi 1, 1997, lɛkɛ 19. Wakɛtshanya dia mɛnya lande na kele ekɔ dikambo di’ekeketshelo dia monga l’ambatshi mboka efula l’etshumanelo ndo ngande wakoka onto tshɛ mbidja lonya dia kotsha oyango ɔsɔ. Wɛnya toho takokawɔ keketsha wanɛ wele ambatshi mboka dia vɔ tetemala ndo woho wakoka ase etshumanelo tshɛ keketsha ohetoheto wa l’esambishelo.

Osambo 131 ndo dɔmbɛlɔ dia ndjihelo.

Lomingu la Ngɔndɔ ka Dikumi 23

Osambo 150

Min. 10: Waewoyelo.

Min. 15: “Ekomelo k’Akambo wa Ngala lo Nkumbo.” Dako. (Enda lo Réveillez-vous ! wa Ngɔndɔ ka Hende 8, 1993, lɛkɛ 10-14) Oma le ekumanyi kɛmɔtshi kasha ɛnyɛlɔ k’ɔlɔlɔ oko owandji wa nkumbo. Ɔtɛkɛtshi ayɔtɛtɛ lo dionga diele ohomba monga ladiɔ otsha le ana ndo otsha le olonganyi. Nde ake epole ɔsɛkɛ l’ɛkɔkɔ w’oma lo Bible wɛnya dia ‘omi hakoke pondjo kɔmɔla olonganyi ande kana anande. Dikambo sɔ hɔtɔnɛ l’ɛlɛmbɛ wa wodja ndo hɔtɔnɛ kânga yema l’ɛlɛmbɛ waki Nzambi.’ Omi lele Okristo lakɔmɔla wadiɛnde nanyaka kɛnɛmɔ k’elimu ande w’Okristo tshɛ lo washo waki Nzambi. Ɔtɛkɛtshi ohole dia onto lele “okomwanyi” hasungana nongola waɛsɛ l’etshumanelo k’Akristo. (1 Tim. 3:3; 1Kor. 13:​1-3) Woho akɔ wamɛ, “Okristo wayakimɔ mbala efula lo nkɛlɛ ka tshambandeko ko kema la ndjatshumoya kokaka mbitshanyema oma l’etshumanelo.” Keketsha nkumbo dia minya weho w’akambo tshɛ wa ngala, w’ɔsɔkishanelo ndo wonge la dilɛmiɛlɔ lam’asawɔ ndo la ngandji kasungana Akristo monga latɔ.

Min. 20: Lɔngɔsɔlaka Nsanganya Dimɛna. Dako ndo ɔkɛtshanyelo l’ampokami. Wahɔ wakondjaso oma lo nsanganya nemanɛka efula la welo wadjaso dia ndjilɔngɔsɔla. Vusola alako w’ohomba wakashama lo Tshoto y’Etangelo ya Ngɔndɔ ka Sato 1, 1998, lɛkɛ 28-29, odingɔ 8-11. Lɔmba ampokami dia mbisha kɔmatɛrɛ yɛnya woho wɔsawɔ tɛdikɔ la ntondo ndo woho watanawɔ etena kahombama dia nɔngɔsɔla nsanganya dimɛna.

Osambo 211 ndo dɔmbɛlɔ dia ndjihelo.

Lomingu la Ngɔndɔ ka Dikumi 30

Osambo 167

Min. 8: Waewoyelo. Ohola apandjudi dia kimɔ alapɔlɔ awɔ w’olimu wa Ngɔndɔ ka Dikumi.

Min. 12: Ɛkɔndɔ w’awui weta lam’asalema okahanyelo wa Nkumu ya Diolelo No. 36. Mbola apandjudi wotshikitanyi dia mbuta etombelo wakeketsha wambowokondja l’okahanyelo wa Nkumu ya Diolelo No. 36. Lɔmba ombatshi mboka wa pondjo ndo wa tshanda dia vɔ mbuta lowando lele lawɔ lo mɛna woho watahame olimu lo nshi y’okahanyelo nyɛ ndo diaaso diele lawɔ dia kamba kâmɛ l’apandjudi efula.

Min. 25: Les Témoins de Jéhovah - Un nom, une organisation. Ɔkɛtshanyelo kâmɛ l’ampokami. Kamba la wembola wele lo lɛkɛ 3 l’etenyi kele l’ɔtɛ ate: “Dihomɔ Diasha Wetshelo, di’Emula Nsaki, ndo Diakeketsha.” Sha alako lo woho wakokaso kamba la kasɛtɛ ka video kɛnɛ dia kimanyiya wanɛ wayasha dia mbeya ɔlɔngɔswamelo wakiso dimɛna. Kɔndɔla ɔkɔndɔ ɔtɔi kana ehende wa tomondo.​—⁠Enda lo Tshoto y’Etangelo ya Ngɔndɔ ka Dikumi 1, 1992, lɛkɛ 30-31.

Osambo 15 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ɔtɔi 6

Osambo 198

Min. 15: Waewoyelo. Vusola woho watakɛndakɛnda okahanyelo wa Nkumu ya Diolelo No. 36. Tɛkɛta dikambo dia tenyi dia l’ɛtshi kanyu ka nkɛtɛ diambokambema olimu ndo kɛnɛ kahombama dia shidiya kindjakindja ɛtshi kanyu ka nkɛtɛ la ntondo ka Ngɔndɔ ka Dikumi l’Ɔtɔi 17.

Min. 20: Kakɔna Ketawɔso Na? Ɔnangɛso ɔmɔtshi asale diendelo di’oyoyo le onto lakambola ate: “Kakɔna kalakanya Ɛmɛnyi wa Jehowa kâtshikitanya l’ɛtɛmwɛlɔ ekina na?” Wakɛtshanya awui wele lo kiombo ya lo lɛkɛ 4 la Tshoto y’Etangelo ya Ngɔndɔ ka Dikumi 1, 1998. Lembetshiya woho waheye ndo watona ɛtɛmwɛlɔ ekina atshina wa wetshelo wa mɛtɛ wa lo Bible ko mbetshaka akambo waki ana w’anto.

Min. 10: Wembelo Ekɔ Etenyi k’Ohomba ka l’Ɔtɛmwɛlɔ Aso. Ɔnɔmbɔdi ɔmɔtshi wa dibuku ekɔ lo sawola l’apandjudi ahende lo dikambo dia wembelo w’esambo lo nsanganya ya l’etshumanelo. Nde akɛnyi di’oko vɔ hawembe lo yoho ya dimɛna efula. Nde ekɔ lo sɛdingola la wɔ awui amɔtshi w’oma lo Tshoto y’Etangelo ya Ngɔndɔ ka Dikumi l’Ɔtɔi 1, 1999, lɛkɛ 22-24 (lo Falase). Vɔ wasɛdingole ɛtɛkɛta wa l’osambo ɔmɔtshi wayembama lo Wekelo wa Tshoto y’Etangelo wa lomingu lakɔ, oko wakawadiɛnya lo Tshoto y’Etangelo ya Ngɔndɔ k’Esambele 1, 1999 lɛkɛ 30, odingɔ 12. Lo membaka lo yoho ya dimɛna, sho ndjâkimɔka dia tombola Jehowa oma k’ɛs’otema.

Osambo 223 ndo dɔmbɛlɔ dia ndjihelo.