Ekongelo ka losanganya l’olimu
Lomingu la Ngɔndɔ ka Dikumi l’Ɔtɔi 13
Min. 10: Waewoyelo. Waewoyelo w’oma l’Olimu Aso wa Diolelo.
Min. 13: Ekadimwelo lo Wembola Anyu. Dako oma le ekumanyi kɛmɔtshi.
Min. 22: “Toyele Nsaki Kakɛnya Anto Diɛsɛ oma lo Nkumu ya Diolelo No. 36.” Wembola ndo ekadimwelo oma l’odingɔ 1-5. Tɛkɛta dia tɛdikɔ tambɔsa etshumanelo dia kindjakindja ɛtshi kawɔ ka nkɛtɛ tshɛ kahatakambema olimu. Vusola mbɔtwɛlɔ yele l’odingɔ 7-8 yɛnya woho wa sala waendelo w’eyoyo ndo sala ɛnyɛlɔ la mbɔtwɛlɔ tshɛ koshami. Tɛtɛ l’ohomba wa ndjela saki kakɛnya onto ndo sala tshɛ dia tatɛ wekelo wa Bible. Komiya lo kɛtshanya l’ampokami l’akambo wele l’odingɔ wa 9 la avɛsa wele lɔkɔ.
Osambo 63 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ɔtɔi 20
Min. 10: Waewoyelo. Alapɔlɔ wa falanga.
Min. 15: Ɛkɔndɔ w’awui weta l’okahanyelo wa Nkumu ya Diolelo No. 36. Sha alapɔlɔ wa woho watakindjakindjama ɛtshi kanyu ka nkɛtɛ. Onde ekɔ as’etshumanelo amɔtshi wele ɔsɔ mbaki mbala kawɔ ka ntondo ka sambisha? Kɔndɔla ɛtɛkɛta ɛmɔtshi w’amɛna wakate anto wakatasambisha. Onde apandjudi amɔtshi wakakoke tatɛ mbeka l’anto Bible? Naka eelo, kete lɔmbawɔ dia vɔ nembetshiya kana kɔndɔla woho wakawatatɛ wekelo akɔ. Ohola anto tshɛ dia ndjela saki kakɛnya anto.
Min. 20: “Totetemale la Sambisha!” Dako ndo ɔkɔnya. Amɔtshi wakɔtɔ l’ɔlɔngɔswamelo waki Jehowa ndo wakatetemala l’olimu w’esambishelo lɔsɛnɔ lawɔ l’otondo. Oma lo dionga di’ɔlɔlɔ diaki lawɔ, vɔ wakatane ɔngɛnɔngɛnɔ lo tetemala l’olimu ɔsɔ. (Enda lo dibuku Ewo, lɛkɛ 179, odingɔ 20, ndo lo Tshoto y’Etangelo ya Ngɔndɔ ka Tanu 1, 1992, lɛkɛ 21-22, odingɔ 14-15.) Lɔmba opandjudi ɔmɔ wambokamba olimu l’etete l’edja k’ɛnɔnyi efula dia nde mbuta ɛkɔkɔ wôtshutshuya dia nde tetemala l’olimu w’esambishelo.
Osambo 141 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ɔtɔi 27
Osambo 153
Min. 10: Waewoyelo. Ohola apandjudi dia kimɔ alapɔlɔ w’olimu wa Ngɔndɔ ka Dikumi l’Ɔtɔi. Lo Ngɔndɔ ka Dikumi l’Ahende tayokahɛ anto dibuku Ewo la Traduction du monde nouveau. Lembetshiya welo wakadje Ɛmɛnyi wa Jehowa dia tondja Bible l’ɛtɛkɛta efula.—Enda lo Tshoto y’Etangelo ya Ngɔndɔ ka Dikumi 15, 1997, lɛkɛ 11-12.
Min. 20: Kamba Dimɛna la Dibuku Comment raisonner. Wembola ndo ekadimwelo oma lo lɛkɛ 7-8. Ɛnya woho wakalɔngɔsɔma dibuku nɛ dia tokimanyiya woho wa sho mbeya sambisha dimɛna. Lembetshiya woho wokoki onto kamba la dibuku nɛ wonya wasambishande lo telefɔnɛ. Ɛnya woho wokokiso nyanga awui w’eshika dia tokadimola wombola ɔmɔtshi. Keketsha anto tshɛ dia vɔ ndjaekesanyiya la dibuku nɛ, mongaka ladiɔ wonya tshɛ lo tapa ndo kambaka ladiɔ mbala la mbala l’esambishelo.
Min. 15: Ngande Wakokami Nɔngɔsɔla Mbekelo Yami ya Wendelo wa Televiziɔ? Ekumanyi kɛmɔtshi ekɔ lo kɛtshanya l’ɔnangɛsɔ leke dikɛnda letsha wenya efula lo lushi lo mendaka televiziɔ. L’etatelo, ɔnangɛso la dikɛnda ekɔ lo tɛtɛ dia ndoko wâle wele lo mbetsha wenya efula lo menda televiziɔ. Nde ate ɔsɔ ekɔ paka yoho mɔtshi ya sɛnya washo ndo ndoko dikambo dia kɔlɔ diambôkomɛ. Ekumanyi ambovusola la nde akambo w’ohomba wele lo tshapita 36 ya dibuku Les jeunes s’interrogent. Nde ekɔ lo mbolembetshiya dia wendelo wa televiziɔ wa tshambandeko ndɛka wenya wele ohomba dia sala wekelo w’onto ndamɛ, tomba l’esambishelo, kana kimanyiya etshumanelo lo ehomba atɔ ɛmɔtshi. Ɔnangɛso ɔsɔ la dikɛnda ambokaloya ekumanyi losaka lo dako diande ndo ambota ate: dia wahɔ ande wa lo nyuma, nde ayotshikitanya mbekelo yande ya wendelo wa televiziɔ.
Osambo 175 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ahende 4
Osambo 189
Min. 10: Waewoyelo.
Min. 15: Ehomba wa l’etshumanelo.
Min. 20: ‘Dui Diakatama l’Etena Kadiɔ.’ Ɔkɛtshanyelo l’ampokami ndo wɛnyɛlɔ. Efula ndjaokaka dia vɔ kema l’akoka wa tatɛ sawola l’onto lo fɔnya ɔfɔnyafɔnya ɔnɛ paka vɔ môngi l’akoka amɔtshi wa laande ko vɔ tana etombelo w’ɛlɔlɔ. Lembetshiya woho wakokaso sho tshɛ tatɛ sawola l’anto lo sala la wolo, oyadi apandjudi w’eyoyo kana w’akɛnda mbeso. Vusola bɛnyɛlɔ diakashami ndo ɛnya woho wediɔ wɔdu, oma lâsɔ ko apandjudi ahende kana asato sala bɛnyɛlɔ diakɔ. Enda l’Olimu Aso wa Diolelo wa Ngɔndɔ ka Nɛi 1998, lɛkɛ 8, dia kondja mbɔtwɛlɔ kina yakoka kamba laso. Keketsha anto tshɛ dia monga la dionga di’ɔlɔlɔ woho wa vɔ tana ɔngɛnɔngɛnɔ w’efula l’olimu awɔ w’esambishelo.
Osambo 218 ndo dɔmbɛlɔ dia ndjihelo.