Ekongelo ka Losanganya L’olimu
Lomingu la Ngɔndɔ ka Dikumi l’Ahende 11
Min. 10: Waewoyelo. Waewoyelo w’oma l’Olimu Aso wa Diolelo. Naka dibuku Onto Loleki Woke la dibuku Écoutez le grand Enseignant wekɔ lo eombelo k’etshumanelo, kete ɛnya woho wakoka apandjudi kamba la wɔ dimɛna l’esambishelo lo nshi ya vakashi. Keketsha anto tshɛ dia vɔ tendji bandɛ ka video kele l’ɔtɛ a dui ɔnɛ La Bible : Un récit historique exact, des prophéties dignes de foi lawakawɔ dia ndjâlɔngɔsɔla oya lo Losanganya l’Olimu la lomingu la Ngɔndɔ ka Dikumi l’Ahende 25. Wanɛ wele la bandɛ video shɔ kokaka kimanyiya wanɛ wele bu la yɔ kana vɔ menda la wɔ kâmɛ.
Min. 15: “Tôngake la Wɔma wa Jehowa Lushi Tshɛ.”* Dja ndo elembetshiyelo wakashama lo Réveillez-vous ! wa Ngɔndɔ ka Ntondo 8, 1998, lɛkɛ 26, wɛnya elɛwɔ mboka Jehowa wɔma. Tɛtɛ lo wahɔ wakondjaso lo mboka Jehowa wɔma.
Min. 20: “Tɔsɛngiya t’oma le Anyayɛ ndo Diɛsɛ Diele Layɛ dia Sambisha.” Dako ndo ɛkɔnya. Lɔmba anto wakasɛngiyama oma le anyawɔ dia vɔ mbuta woho wakawasale dia tetemala l’olimu w’esambishelo kânga mbakawasɛngiyamaka.
Osambo 78 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ahende 18
Min. 15: Waewoyelo. Alapɔlɔ wa falanga. Ewoya yɛdikɔ ya lânde yambɔsama lo dikambo dia losanganya l’otsha l’esambishelo Ngɔndɔ ka Dikumi l’Ahende 25 ndo Ngɔndɔ ka Ntondo 1. Kadimola wombola ɔnɛ: Onde ekɔ dimɛna dia sala fɛtɛ yahatumbi oma lo Lokristo la mɛtɛ naka hatoyisale l’oyango wa sukɛ ɔtɛmwɛlɔ ɔmɔtshi?—Enda lo dibuku Comment raisonner, lɛkɛ 164-166.
Min. 12: “Kalasa k’Olimu wa Teokrasi ka lo 2001.” Dako oma le ɔnɔmbɔdi wa kalasa. Keketsha anto tshɛ dia vɔ tetemala la wadielo awɔ wa Bible wa lomingu la lomingu ndo kotsha ɛkɛndɛ wawashawɔ lo kalasa l’etete.
Min. 18: “Onde Wɛ Sambishaka la Dihonga?”* Lembetshiya avɛsa wele lo sawo nɛ. Kamba la dibuku Notre ministère, lɛkɛ 86-87 dia mɛnya woho wakokaso monga la dihonga di’efula ndo nyomoleka ndjasha l’esambishelo.
Osambo 124 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ahende 25
Min. 10: Waewoyelo. Lɔmba ampokami dia vɔ mbuta awui tshɛ weke ka pomana la wɔ l’olimu awɔ w’esambishelo. Ohola ekanda wayotokahɛ anto lo Ngɔndɔ ka Ntondo.
Min. 10: Ehomba wa l’etshumanelo.
Min. 25: “Tokondja Wetshelo oma lo Bandɛ Video La Bible: Un récit historique exact, des prophéties dignes de foi.” Ɔkɛtshanyelo l’ampokami. Lembetshiya woho wakokaso kamba la bandɛ video kɛnɛ dia keketsha anto akina. (Annuaire 1999, lɛkɛ 51-52) Lo Ngɔndɔ ka Hende tayɔsɛdingola bandɛ ka hende l’ɔnɔngɔ wa bandɛ shato nyɛ yatɛkɛta dikambo dia Bible, tɔ kekɔ l’ɔtɛ a dui ɔnɛ: La Bible: le livre le plus ancien toujours d’actualité.
Osambo 151 ndo dɔmbɛlɔ dia ndjihelo.
Lomingu la Ngɔndɔ ka Ntondo 1
Osambo 171
Min. 8: Waewoyelo. Naka etshumanelo kanyu kayotshikitanya wenya wa nsanganya l’ɔnɔnyi ɔnɛ w’oyoyo, kete lɔmba onto tshɛ dia tetemala la mbɔtɔka lo nsanganya lo ndjela ekongelo k’oyoyo. Nyewoya ambeki wa Bible ndo anto akina wayasha etshikitanu tshɛ wambosalema, ndo nyotate kamba l’akatshi wa leeta wɔtɔnɛ l’ekongelo k’oyoyo. Sha alapɔlɔ w’olimu wa Ngɔndɔ ka Divwa wa lo wodja w’otondo ndo wa l’etshumanelo kanyu. Ohola apandjudi tshɛ dia kimɔ alapɔlɔ w’olimu wa Ngɔndɔ ka Dikumi l’Ahende.
Min. 17: Woho wa Nɔngɔsɔla Waendelo w’Eyoyo. Papa kɛmɔtshi ekɔ lo kɛtshanya la nkumbo kande woho wakokawɔ nyomokondja etombelo w’ɔlɔlɔ l’olimu awɔ w’esambishelo. Nde ekɔ lo tɛtɛ dia mɛnya bonde katɔkɔkɔmiya Afundelo dia ndjela nsaki tshɛ kɛnya onto. Lo kamba l’alako wa lo Tshoto y’Etangelo ya Ngɔndɔ k’Esambele 1, 1999 lɛkɛ 32, odingɔ 18, vɔ woyalɔngɔsɔla dia sala waendelo w’eyoyo. Vɔ tshɛ wambetawɔ dia wekɔ l’anto wakawasambisha wahombawɔ ntshɔ dia towaenda nto. Onto l’onto ekɔ lo kɔndɔla kɛnɛ kakandɛnyi mbala ka ntondo kakandasawola l’onto, ndo ase nkumbo akina tshɛ wowokimanyiya la tokanyi ndo l’avɛsa wakokande kamba lawɔ lo wendelo w’oyoyo. Vɔ wambotana awui amɔtshi lo biukubuku Katɔlɔmba wakokawɔ tokamba la wɔ dimɛna. Ambutshi walɔmbɛ ɔna ɔmɔtshi dia nde sala ɛnyɛlɔ ka woho wayondotɔtɛkɛta lam’ayondotshɔ dia tenda onto nto. Vɔ wambɔsɔna wonya shikaa wahombawɔ ndjosala waendelo w’eyoyo lomingu layaye.
Min. 20: “ ‘Embetsha w’Ɔtɛkɛta Waki Nzambi’ Losanganya la Distrikɛ Laki Ɛmɛnyi wa Jehowa la l’Ɔnɔnyi wa 2001.” Sawo nɛ dia lo dikatshi di’okotsha diayɔlɔmbɔma oma le sekeletɛlɛ la wembola ndo ekadimwelo. Tɛtɛ l’ohomba w’onto l’onto talɔmbi dikimɔ le owandji w’olimu kekende wonya woho wa vɔ kondja diaaso dia mbɔtɔ nshi yakɔ shato ya losanganya la woke, mbidja ndo Lushi la Tanu. Lɔmba onto tshɛ dia kamba la tɛdikɔ taki Société.
Osambu 212 ndo dɔmbɛlɔ dia ndjihelo.
* Sala mbɔtwɛlɔ kahakoke kânga minitɛ ɔtɔi ko wɛ ndjeta lo wembola la ekadimwelo.