Ekongelo ka losanganya l’olimu
Lomingu la Ngɔndɔ ka Ntondo 8
Min. 7: Waewoyelo. Waewoyelo w’oma l’Olimu Aso wa Diolelo.
Min. 15: ‘Ngamula Osase Ayɛ.’’ Mbidja ndo awui w’oma lo Tshoto y’Etangelo ya Ngɔndɔ ka Samalo 1, 1997, lɛkɛ 29 od. 12-13. Keketsha anto tshɛ dia vɔ kamba l’oseka diaaso tshɛ diakondjawɔ dia sambisha.
Min. 23: Wɛ Kokaka Tana Tɔkɛnyɔ t’Ɔlɔlɔ. Ase nkumbo wekɔ lo kɛtshanya alako wele lo Réveillez-vous ! wa Ngɔndɔ ka Tanu 22, 1997. Ombutshi wa pami ekɔ lo ndjakiyanya dikambo dia tɔkɛnyɔ tamboyakimɔ ase nkumbo kande lɔkɔ. L’ɔkɔngɔ wa vɔ mvusola lo tshena pe ɔtɛ a dui wata ɔnɛ: “Akambo Akɔna Wotanemaka lo Tɔkɛnyɔ?’’ (lɛkɛ 4-7), vɔ wambɔsɛdingola weho wa tɔkɛnyɔ takoka monga ɔlɔlɔ ndo la wahɔ le ase nkumbo (lɛkɛ 8-10). Ka epole ɔsɛkɛ lo woho wahomba ambutshi mbisha ɛnyɛlɔ lo dikambo sɔ ndo woho wahomba ase nkumbo tshɛ kamba kâmɛ dikambo dia wahɔ wa nkumbo k’otondo.
Osambo 1 ndo dɔmbɛlɔ dia ndjihelo.
Lomingu la Ngɔndɔ ka Ntondo 15
Min. 10: Waewoyelo. Alapɔlɔ wa falanga.
Min. 15: Awala w’Ɔngɛnɔngɛnɔ Washa Jehowa Nɛmɔ. (Enda lo Tshoto y’Etangelo ya Ngɔndɔ ka Tanu 1, 2000, lɛkɛ 29-32.) Dako oma le ekumanyi kɛmɔtshi. Ɛnya di’ɔlɔngɔswɛlɔ wa fɛtɛ ekɔ dikambo diendana l’onto ndamɛ. Naka atshukanyi wambɛna ɔlɔlɔ dia sala paka dako dia diwala to ko pe, anto akina hawohombe mbaɔnyɔla nɛ dia ɔsɔ ekɔ dikambo diendana l’onto ndamɛ. Ɔsɔku mbediɔ ndo lo kɛnɛ kendana la mishiki, nɔshi, la wanu. Ohola bonde kahatahombe mbelɛ wanɛ wambotshanyemaka l’atei w’etshumanelo lo fɛtɛ yaso kana sala fɛtɛ yakɔ lawakawɔ. Dia mbewɔ efukutanu, ekɔ ɔlɔlɔ sɔna dihole diasungana, lofulo l’anto leyama ndo sɔna anto wahombama mbelɛ. Pombaka nto sala tshɛ dia nɛnya wonya wahomba fɛtɛ tatɛ ndo komɛ. Atshukanyi pombaka sɔna anto w’eshika wayɔsɛna wolo di’aha kânga dikambo ɔtɔi dia kɔlɔ ndjosalema l’ɔkɔngɔ wa vɔ mimɔ oma lo dihole dia fɛtɛ. Ka epole ɔsɛkɛ dia kema ɔlɔlɔ tshɔ lo dihole dia fɛtɛ naka hawotele. Kimanyiya anangɛso dia vɔ mbeya ɔnɛ aha etshumanelo k’otondo mbakokaso mbelɛ lo fɛtɛ yaso. Ɔtɛkɛtshi mbeyaka kotsha awui amɔtshi wakete lo ngelo kanyu dia shikikɛ kɛnɛ katande, koko nde pombaka mbewɔ dia mbidjɛ anto ɛlɛmbɛ. L’ekomelo, ɔtɛkɛtshi ayokadimola lo wembola w’ovuswelo.
Min. 20: Onde wɛ Sɛdingolaka Afundelo Lushi la Lushi? Dako ndo ɛkɔnya. Enda lo Tshoto y’Etangelo ya Ngɔndɔ ka Ntondo 1, 1997, lɛkɛ 11, odingɔ 12-14 yaka epole ɔsɛkɛ l’ohomba wa nkumbo sɛdingolaka Afundelo lushi la lushi. Kɔnya ase nkumbo kɛmɔtshi, wele onto l’onto akohɔ divɛsa dimɔtshi diêke esadi wakawakɛtshanya diakâkimanyiya efula ndo lande na kaki ɔkɛtshanyelo ɔsɔ la wahɔ le wɔ. Tɛtɛ dia ɔsɛdingwelo wa divɛsa dia lushi la lushi pombaka monga etenyi kɛmɔtshi ka lo ekongelo ka wekelo wa lo nkumbo wasalema l’oyango wa keketsha ase nkumbo dia vɔ mongaka la waasaso l’esambishelo.
Osambo 67 ndo dɔmbɛlɔ dia ndjihelo.
Lomingu la Ngɔndɔ ka Ntondo 22
Min. 7: Waewoyelo.
Min. 18: Yoho ya Nɔngɔsɔla Mbɔtwɛlɔ ya l’Asawo. Dako ndo bɛnyɛlɔ. Vusola awui w’ohomba wele lo biukubuku Woho wa Tatɛ ndo Tetemala . . . , lɛkɛ 2. Ɛnya woho wokokiso sɔna mbɔtwɛlɔ yaleka mbɔtɔnɛ la yoho yaso ya sambisha, la lonto laso, ndo l’ɛtshi kaso ka nkɛtɛ. Vusola mbɔtwɛlɔ mɔtshi ya wɔdu yakoka kamba lanyu kâmɛ la biukubuku Katɔlɔmba, ndo sala ɛnyɛlɔ ɔtɔi kana dihende diendana la mbɔtwɛlɔ yakɔ. (Enda l’Olimu Aso wa Diolelo wa Ngɔndɔ ka Nɛi 1997, lɛkɛ 8.) Keketsha onto tshɛ dia kamba dimɛna l’alako wele lo biukubuku Woho wa Tatɛ ndo Tetemala . . . ndo lo Olimu Aso wa Diolelo l’olimu w’esambishelo.
Min. 20: ‘Onga Ompokami w’Ɔlɔlɔ.’ Dako ndo ɔkɛtshanyelo l’ampokami. Vusola awui wele lo dibuku Manuel pour l’École du ministère théocratique lɛkɛ 27-28, odingɔ 15-17. Yoho yoleki dimɛna ya mbeya ɔnɛ tekɔ la mbekelo y’amɛna ya mpokamɛ ele mbeya polo lo yɛdikɔ yakɔna yakokaso mbohɔ kɛnɛ kakatahokamɛ. Lɔmba ampokami dia vɔ mbohɔ awui amɔtshi w’ohomba wakatɛkɛtshi wanɛ waki l’asawo lo Kalasa k’Olimu wa Teokrasi la dikɔlɔ nɛ.
Osambo 96 ndo dɔmbɛlɔ dia ndjihelo.
Lomingu la Ngɔndɔ ka Ntondo 29
Min. 10: Waewoyelo. Ohola apandjudi dia kimɔ alapɔlɔ w’Olimu wa Ngɔndɔ ka Ntondo. Ewoya ekanda wayotokahɛ anto lo Ngɔndɔ ka Hende, wɛnɛ watanema lo eombelo k’etshumanelo.
Min. 15: Eka dia Mbeya Otungi Ayɛ Dimɛna. Dako diɔsami oma lo Tshoto y’Etangelo ya Ngɔndɔ ka samalo 15, 1999, lɛkɛ 24-26, dialomialomia nsaki k’anto oya lo wekelo wa l’etshumanelo wa dibuku Y a-t-il un Créateur qui se soucie de vous ? Keketsha ɛlɔngɔlɔngɔ dia vɔ ndjâlɔngɔsɔlaka dia ndjoshaka kɔmatɛrɛ l’ɔkɛtshanyelo ɔsɔ wa lomingu la lomingu lo wekelo wa dibuku. Anto la dia sanganaka mbala la mbala, ndo monga la mposa k’efula ka mbeya akambo efula wendana l’Otungi aso wa Woke.
Min. 20: “Ambutshi—Nyɔkɔkɔmiya Mbekelo y’Ɔlɔlɔ l’Etema w’Ananyu.” Dako ndo ɛkɔnya le ambutshi wele l’ana wele la lonyuma l’ɔlɔlɔ. Ambutshi wekɔ lo mbuta akambo w’ɔlɔlɔ wakawatshe dia kimanyiya anawɔ woho wa vɔ ndjasha l’olimu w’esambishelo. Dja ndo tokanyi tele lo dibuku Nkumbo lɛkɛ 55-59 naka wonya wekekɔ.
Osambo 149 ndo dɔmbɛlɔ dia ndjihelo.
Lomingu la Ngɔndɔ ka Hende 5
Osambo 168
Min. 5: Waewoyelo.
Min. 15: ‘Onga Ɔnɛ Lakitanyiya l’Ɔngɛnɔngɛnɔ.’ Ɛnya kɛnɛ katosha nto ɔngɛnɔngɛnɔ l’olimu waki Nzambi, oko wadiɛnya dibuku Étude perspicace des Écritures, vɔlimɛ 2, lɛkɛ 46, odingɔ 2-4.
Min. 25: Ɔsɔnwɛlɔ Wakatasɔnɛ Weyama le Lɛɛta dia Vɔ Tosakɛka aha la Todja Dikila. Dako oma le ekumanyi kɛmɔtshi kakoka, diɔ diayoshama lo ndjela kɛnɛ kele lo mukanda wa Ngɔndɔ ka Dikumi l’Ahende 1, 2000, ndo lo plan kakatome Société. Tɛtɛ dia yoho yoleki dimɛna yakokaso ndjâkokɛ di’aha vɔ tokaloya dikila aha la lolango laso ele ndodja kartɛ k’oyoyo ka “Instructions Médicales prévisionnelles/Décharge.” L’ɔkɔngɔ wa nsanganya ya la dikɔlɔ nɛ, apandjudi tshɛ wambobatizama wayolongola kartɛ shɔ, koko AHA ndjilondja la dikɔlɔ diakɔ. Lo dikambo dia nkumbo tshɛ, etshumanelo pombaka monga la ekanda k’ɔlɔlɔ ka kartɛ yakɔ: “Instructions médicales prévisionnelles/Décharge,” ndo document d’identité médical dikambo di’ana. Kartɛ shɔ tshɛ pombaka ndjolodiama ndo ndjodjama tosinyatirɛ oma le anto tshɛ wendana la dikambo sɔ paka l’ɔkɔngɔ wa Wekelo wa Dibuku wa l’Etshumanelo wa lomingu layela, l’ekimanyielo k’ɔnɔmbɔdi wa wekelo wa dibuku naka ekɔ ohomba. Wanɛ wasinya oko ɛmɛnyi la dia mɛna la washo awɔ woho wasinya kanga kartɛ. Alako waki Société pombaka ndjelama dimɛna dimɛna la ntondo ka ndodja kartɛ kɛsɔ. Naka opandjudi ɔmɔtshi ambonɔ otsha lo wodja okina nde pombaka tosala kartɛ kekina lɛnɛ otshwende. Ɛnɔmbɔdi wa wekelo wa dibuku la dia ndjâshikikɛ dia wanɛ tshɛ wele l’olui awɔ wambokimanyiyama woho wa ndodja kartɛ ka “Instructions médicales prévisionnelles/Décharge.” L’ɔkɔngɔ wa losanganya lɔnɛ, ambutshi wayolongola document d’identité médical dikambo di’anawɔ. Naka apandjudi wahatabatizama nangaka, ko vɔ funda awui awɔ hita ndo wendana l’anawɔ ko mbɔtɔnganyiya kɛnɛ kofundjiwɔ lo kartɛ la eongelo kawɔ ndo la dietawɔ diawɔ vamɛ.
Osambo 190 ndo dɔmbɛlɔ dia ndjihelo.
Sala mbɔtwɛlɔ kahakoke kanga minitɛ ɔtɔi ko wɛ ndjeta lo wembola ndo ekadimwelo.