Ekongelo ka losanganya l’olimu
Lomingu la Ngɔndɔ ka Sato 12
Min. 10: Waewoyelo. Waewoyelo w’oma l’Olimu Aso wa Diolelo.
Min. 15: Wetshelo wa Mbeya Funda la Mbadia Washama l’Atei w’Ekambi Waki Nzambi. (Enda lo Réveillez-vous ! wa Ngɔndɔ ka Hende 22, 1994, lɛkɛ 7-9.) Dako di’ekeketshelo, oma le ekumanyi kɛmɔtshi. Ɛnya ohomba w’okambi tshɛ wa Jehowa mbeya mbadia. Keketsha wanɛ waheye mbadia la funda dia vɔ kondja wahɔ oma lo kalasa kakalɔngɔswama dikambo diawɔ. L’ekomelo ka dako, lɔmba ampokami dia vɔ mbela Réveillez-vous ! wa Ngɔndɔ ka Hende 22, 1994 lo Losanganya l’Olimu la lomingu layaye.
Min. 20: “Ngɔndɔ ka Nɛi Ekɔ Etena ka Sho ‘Kamba Efula ndo ka Ndjasha la Wolo Tshɛ.’ ” (Odingɔ 1-13) Ayoshama oma le omendji walɔmbɔla. Sawo diele la wangasanu diɛnya kɛnɛ kalangaso sala lo Ngɔndɔ ka Nɛi. Keketsha onto tshɛ la l’etshumanelo dia nde ntsha la welo ande tshɛ dia nkotsha oyango wele laso w’esambishelo salema lokama lo lokama lo ngɔndɔ kakɔ.
Osambo 147 ndo dɔmbɛlɔ dia ndjihelo.
Lomingu la Ngɔndɔ ka Sato 19
Osambo 166
Min. 8: Waewoyelo. Alapɔlɔ wa falanga.
Min. 15: Woho wa Kimanyiya Anto dia vɔ Mbeya Mbadia. (Enda lo Réveillez-vous ! wa Ngɔndɔ ka Hende 22, 1994, lɛkɛ 4-6.) Ɔkɛtshanyelo l’asa dikumanyi dihende. Nyɔtɛtɛ l’akambo wele lo kiombo ya lo lɛkɛ 6.
Min. 22: “Ngɔndɔ ka Nɛi Ekɔ Etena ka Sho ‘Kamba Efula ndo ka Ndjasha la Wolo Tshɛ.’ ” (Odingɔ 14-30) Ayoshama oma le omendji w’olimu. Dako kâmɛ la wembola ndo ekadimwelo l’ahole amɔtshi. Onto tshɛ pombaka sala ekongelo k’oshika dia sambisha efula lo Ngɔndɔ ka Nɛi. Ewoya ekongelo kendana la nsanganya y’otsha l’esambishelo kambosalema dikambo dia ngɔndɔ kakɔ. Keketsha anto tshɛ wele l’akoka wa kamba oko ombatshi mboka wa tshanda dia vɔ mbɔsa adɛmandɛ l’ɔkɔngɔ wa losanganya.
Osambo 188 ndo dɔmbɛlɔ dia ndjihelo.
Lomingu la Ngɔndɔ ka Sato 26
Osambo 204
Min. 10: Waewoyelo. Lembetshiya di’anto wakakoke mbɔsa adɛmandɛ dia kamba olimu w’ombatshi mboka wa tshanda lo Ngɔndɔ ka Nɛi. Keketsha anto tshɛ dia ndjela ekongelo ka wadielo wa Bible dikambo dia Eohwelo, katatɛ oma lo Ngɔndɔ ka Nɛi 3 polo 8, oko wɛnyamatɔ lo biukubuku Tɔsɛndingolake Afundelo Lushi la Lushi—2001. Ewoya etena kayosalema Wekelo wa Tshoto y’Etangelo wa lomingu lele Eohwelo. Tohɛke dia mbewoya anto dia dako dia lânde diayonga Lushi la Lomingu Ngɔndɔ ka Nɛi 1, diele l’ɔtɛ ate: “Akɔna Akoka Shimbamɛ?” Keketsha anto tshɛ dia tomba l’esambishelo lushi lakɔ lamɛ lɔsɔ woho wa mbeya tatɛ Ngɔndɔ ka Nɛi dimɛna.
Min. 20: “Nyɛsɔ Sho Tshɛ Tɔlɛmiya Jehowa Nde l’Ɔnande.” Dako di’ekeketshelo di’oma l’Afundelo, diayoshama oma le ekumanyi kɛmɔtshi. Keketsha anto tshɛ dia vɔ ndjasha efula lo ndjela waaso wele lawɔ l’olimu wa lânde wayokambema lo Ngɔndɔ ka Nɛi ndo lo mbidja welo wa lânde dia mbeta anto efula oya lo Eohwelo.
Min. 15: Toyalɔngɔsɔlɛ Woho wa Kahɛ Anto Periodikɛ Yaso. Lo Ngɔndɔ ka Nɛi, tayosha anto Tshoto y’Etangelo la Réveillez-vous ! Vusola awui wele lo lɛkɛ 8, odingɔ 3 ndo wa 10 wa l’Olimu Aso wa Diolelo wa Ngɔndɔ ka Dikumi l’Ɔtɔi 1996. Ka epole ɔsɛkɛ lo (1) sawo dimɔtshi, (2) dikambo dimɔtshi diasungana nyu sawola, (3) wombola wemula nsaki k’onto, ndo (4) divɛsa diakoka kamba laso dimɛna lam’ashaso onto periodikɛ tshɛ keke esadi wa ntomba. Totshe tshɛ dia kamba la biukubuku Katɔlɔmba kana dibuku Ewo dia tatɛ mbeka Bible la wanɛ wɛnya nsaki. Komiya l’ɛnyɛlɔ kakalɔngɔswama dimɛna kɛnya woho wakoka sala dikambo sɔ mbala ka ntondo kahomanaso l’onto.
Osambo 207 ndo dɔmbɛlɔ dia ndjihelo.
Lomingu la Ngɔndɔ ka Nɛi 2
Osambo 220
Min. 9: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Sato. Vusola “Waohwelo Wendana la Eohwelo.”
Min. 18: “Ngandji Totshutshuyaka dia Sho Sambisha.”
Ka epole ɔsɛkɛ l’avɛsa wele lo sawo nɛ. Dja ndo tokanyi tele lo Étude perspicace, Vɔlimɛ 2, lɛkɛ 633, odingɔ 3. Lɔmba opandjudi ɔmɔtshi wambosambisha la waasaso l’edja k’ɛnɔnyi efula dia nde kɔndɔla woho wakôtshutshuya ngandji kokande Nzambi dia nde tetemala l’olimu w’esambishelo. Lɔmba apandjudi tshɛ dia vɔ tomba l’olimu w’esambishelo lo Ngɔndɔ ka Nɛi ndo lo ngɔndɔ kina tshɛ yayela.
Min. 18: “Tokimanyiya Akina dia Vɔ Mbɔtɔka lo Nsanganya.” Dikatshi di’okotsha di’Olimu Aso wa Diolelo wa Ngɔndɔ k’Esambele 1996, odingɔ 14-16, mbishaka alako akina wɛnya woho wa nɔmbɔla ambeki wa Bible oya l’ɔlɔngɔswamelo. Ɛnya woho wakokaso kamba la biukubuku Katɔlɔmba (wekelo 5, odingɔ 7) ndo la dibuku Ewo (tshapita 5, odingɔ 22) dia keketsha onto kɔlɔ̂mɔ dia nde mbɔtɔka lo nsanganya. Dia mɛnya nganɛ wakoka salema dikambo sɔ, sala ɛnyɛlɔ kakalɔngɔswama dimɛna. Opandjudi wakoka akeketsha ombeki ɔmɔtshi wa Bible la waasaso tshɛ dia nde kana yimba dimɛna lo kɛnɛ kendana la wɔtwɛlɔ wa lo nsangaya.
Osambo 47 ndo dɔmbɛlɔ dia ndjihelo.
Sala mbɔtwɛlɔ kahakoke kânga minitɛ ɔtɔi ko wɛ ndjeta lo wembola la ekadimwelo.