Ovuswelo Wendana La Kalasa K’olimu Wa Teokrasi
Ovuswelo w’aha la mbifola abuku wendana l’awui wakekama lo Kalasa k’Olimu wa Teokrasi lo ndjela asawo wakashama tatɛ ma lo lomingu la Ngɔndɔ ka Ntondo 1 polo lo Ngɔndɔ ka Nɛi 23, 2001. Nyɔsɛ tɛtshi t’akatshi dia funda ekadimwelo anyu lɔkɔ lo ndjela lofulo la wembola wahombanyu kadimola lo yɛdikɔ ya wenya yoshami.
[Diewoyelo: L’edja kayotshama ovuswelo a lofunda, paka Bible keto kahombama munandema dia kadimola lo wembola tshɛ. Ahole wotumbi wembola ndo wele l’ekomelo ka wembola ele dia nyokimanyia woho wa nyu ntsha eyangelo anyu. Esangɔ ɛmɔtshi, numɛlɔ ya ndjɛkɛ la y’edingɔ lo oseka Tshoto y’Etangelo tshɛ hɛ̂nyama.]
Kadimola ɔnɛ Mɛtɛ kana Kashi lo wetelo ɛnɛ:
1. Kânga mbahatahombe pondjo mbetawɔ dia nsaki y’anyanya todiha washo la ntondo ka kɔlɔ ka woke kambotosalɛ onto, sho koka mbokoya ɛnyɛlɔ kaki Yɔsɛfu lo dimanyiya la kɛtshi tshɛ onto lotosale kɔlɔ ko amboyatshumoya l’ɔkɔngɔ. (Etat. 42:21; 45:4, 5) [w99 1/1 lɛkɛ. 31 od. 2-3]
2. Lâdiko wa ɔlɔndji wa waoho, dibuku dia 1 Ekondo diekɔ lo vusola paka awui watanaso l’abuku wa Samuele la Khumi ya Dikanga. [si lɛkɛ 75 od. 1]
3. Bible tɛkɛtaka paka dia ‘otunyi wa kristo’ ɔtɔi, wayoyɛnama lo nshi yayaye. [rs lɛkɛ 35]
4. Yeso akɛnya ndjâkitshakitsha kande lo mbetawɔ ɔkɛndɛ wa lânde wa ndja lanɛ la nkɛtɛ oma l’olongo ko ndjonga onto l’anyanya lele ndo l’ɛse k’andjelo. (Fil. 2:5-8; Heb. 2:7) [w99-OT 1/2 lɛkɛ 6 od. 3]
5. Woho wakɔtwɛ nkumekanga Shishakɛ wodja wa Juda ko mimba ‘ekundji wa lo luudu la Jehowa ndo ekundji wa lo luudu la nkumekanga’ akashikikɛma oma lo emindo wakawashola. (2 Ek. 12:9) [Wadielo wa Bible wa lomingu la lomingu; enda lo w88 1/2 lɛkɛ 26 od. 4.]
6. Akristo wa lo ntambe ka ntondo kobatizaka ana w’ashashi. [rs lɛkɛ 47-48]
7. Onto hahombe kambɛ Nzambi la kanyi ya ndjokondja difuto dimɔtshi. [w99 15/4 lɛkɛ 16 od. 1
8. Lo tɛkɛta dia “etsha” wa Jehowa, oko wɔkɔndwamidɔ l’Osambu 103:2, Davidi akakanyiyaka dia diangɔ diɛnama diakatonge Jehowa. [w99 15/5 lɛkɛ 21 od. 5-6]
9. Tɛmpɛlɔ yakake Sɔlɔmɔna, Zɔrɔbabɛlɛ, Herɔdɛ, ndo tabɛrnakɛlɛ kakake Mɔsɛ yakalembetshiyaka yɔ tshɛ dikambo diamɛ. [si lɛkɛ 88 od. 16]
10. Ɛlɔndji wa waoho watanaso lo 1 Ekondo komonga la wahɔ efula le etshumanelo k’Akristo ka ntondo. [si lɛkɛ 78 od. 23]
Kadimola lo wembola wayela ɛnɛ:
11. Bonde kele elombwelo kaki Jehowa kaki wolo efula le anto wa lo luudu laki Ahaba? (1 Khum. 16:31; 2 Khum. 9:7, 26) [si lɛkɛ 74 od. 34]
12. Oko wadiɛnya Mateu 24:45-51, ngande weyama wanɛ wakoma waa apɔsta? [rs lɛkɛ 38]
13. Naa wetshelo w’ohomba wendana la wolo wakokaso kondja oma lo kɛnɛ kakakomɛ Uziya, Nkumekanga ka la Judeya na? (2 Ek. 26:15-21) [Wadielo wa Bible wa lomingu la lomingu; enda lo w99-OT 1/12 lɛkɛ 20 od. 1-2.]
14. Aha la nde dikonya mbekelo ka mbokoyaka, wetshelo akɔna w’ohomba efula wakondjaso lo woho wakɔ̂tsha Yeso ekolo w’apɔstɔlɔ ande na? (Joa. 13:4, 5) [w99 1/3 lɛkɛ 31 od. 1]
15. Bonde kele ɔkɔndɔ wa lo 1 Ekondo waki ohomba efula le anto wa lo nshi y’Isaya, ndo bonde kewɔ ohomba le Lokristokristo ɛlɔ kɛnɛ? (Is. 28:21) [Wadielo wa Bible wa lomingu la lomingu; enda lo w91 1/6 lɛkɛ 21 od. 2-3.]
16. Naa akambo amɔtshi wendana l’ɔtɛmwɛlɔ wa Bala wakakotola ase Isariyɛlɛ efula? [w99 1/4 lɛkɛ 29 od. 3-6]
17. Naa wetshelo w’ohomba wakokaso kondja oma l’olimu waki Hezekiya wa kokɛ ndo pamia ɛtɛkɔ k’ashi ka la Jerusalɛma? (2 Ek. 32:3, 4) [Wadielo wa Bible wa lomingu la lomingu; enda lo w96 15/8 lɛkɛ 6 od. 1-2.]
18. Ngande wakoka ɛnyɛlɔ kaki Josiya keketsha ɛlɔngɔlɔngɔ wa nshi nyɛ dia kambɛ Nzambi ndo ndjashikikɛ dia mboka ɔtɛmwɛlɔ wa kashi ɔkɔngɔ? (2 Ek. 34:3, 8, 33) [Wadielo wa Bible wa lomingu la lomingu; enda lo w90 1/8 lɛkɛ 5 od. 2.]
19. Onde ase Juda tshɛ wakatshikala la Babilɔna komonga la kɔlamelo? Ko wetshelo akɔna wakokaso kondja oma lo dikambo sɔ? (Ezera 1:3-6 [ [Wadielo wa Bible wa lomingu la lomingu; enda lo w86 15/1 lɛkɛ 8 od. 4, 7.]
20. L’ɔkɔndɔ wa lo 2 Ekondo 5:13, 14, Kakɔna kɛnya dia Jehowa akahokamɛ nkembo ya lotombo y’ekambi ande ndo ɔnɛ nde akayingɛnangɛna? (2 Ek. 5:13, 14) [Wadielo wa Bible wa lomingu la lomingu; enda lo w94 1/5 lɛkɛ 10 od. 7.]
Kotsha wetelo wayela ɛnɛ:
21. Onto lasha onyande Okristo dako pombaka ndjashikikɛ dia kɛnɛ kôlakande mbika etshina lo _________________________ la Nzambi, koko aha la _________________________ la _________________________ . (Kol. 2:8) [w99 15/1 lɛkɛ 22 od. 1]
22. Lo ta dia _________________________ hawetawɔ di’onto monga lo _________________________ . (Mat. 12:30; 2 Tes. 1:8) [rs lɛkɛ 185]
23. L’ɛnyɛlɔ k’atɛndɛ wakoka shimba lɔtɔngɔ dia lɔ mbola, _________________________ wa tshamba ndeko ndo lokeso la _________________________ kokaka shimba onto dia nde tshunda lo nyuma. (Mat. 13:19, 22) [w99 15/3 lɛkɛ 22 od. 5]
24. Oko wakate Paulo lo 1 Koreto 15:29, ‘batizama l’oyango wa monga edo,’ nembetshiyaka sɛna yoho ya lɔsɛnɔ yakonya onto dia _________________________ l’ɛnyɛlɔ ka Kristo ko l’ɔkɔngɔ _________________________ otsha lo lɔsɛnɔ la lo nyuma oko nde. [rs lɛkɛ 49]
25. Di’Okristo wa mɛtɛ tondoya lɛnɛ akahekɔ Sɔlɔmɔna, nde hahombe tɛmɔla Nzambi la _________________________ kana la _________________________ koko nde pombaka kitanyiya ɛtɛkɛta ɛnɛ waki _________________________ wata dia ‘nanga Jehowa Nzambi kande l’otema ande tshɛ.’ (Mat. 22:37; 1 Ek. 28:9) [Wadielo wa Bible wa lomingu la lomingu; enda lo w86 1/6 lɛkɛ 19 od. 17-18.]
Ekɛ oshidi l’ekadimwelo wa mɛtɛ wa lo wetelo wayela ɛnɛ:
26. Ɔkɔndɔ wa lo 2 Khumi ya Dikanga 17:5, 6 kɔndɔlaka woho ɔnɛ wele (Tingilatɛ-Pilɛsɛrɛ; Shalamanɛsɛrɛ V; Esarɛ-Hadɔna) akɔtwɛ diolelo di’Isariyɛlɛ dia lo lɛkɛ la nɔrdɛ dia waoho dikumi ndo akadinge Samariya ɛnɔnyi esato w’etondo, ko ndjɔkɔsha Asuriya lo (740; 607; 537) N.T.D. [Wadielo wa Bible wa lomingu la lomingu; enda lo w88 15/2 lɛkɛ 27 od. 1.]
27. Lo kɔndɔla akambo wakatombe la Jerusalɛma l’ɔkɔngɔ w’anto tɔlama lo fumbe la Babilɔna, 2 Khumi ya Dikanga tshapita 25 tɛkɛtaka dia (Danyɛlɛ; Ezekiyɛlɛ; Jeremiya) oko ofundji wa dibuku sɔ ndo mɛnyaka nto dia nde akashidiya funda dibuku diakɔ oya lo (580; 537; 455) N.T.D. (2 Khum. 25:27) [Wadielo wa Bible wa lomingu la lomingu; enda lo si lɛkɛ 65 od. 3.]
28. Oko wadiɛnya Etumbelu 4:11, Jehowa Nzambi ‘sɔnaka kanga lomi, kanga ehoke, kanga tshungu’ lo woho ɔnɛ wele nde (mbele l’onongo wa dikɔmɔ diele l’anto; mbasɔna anto wotshikitanyi dia mbasha waɛsɛ; nde aketawɔ di’anto monga la dikɔmɔ sɔ l’alemba). [w99 1/5 lɛkɛ 28 od. 2]
29. Etena k’ɛnɔnyi 70 katɛkɛtawɔ lo 2 Ekondo kakakomɛ lo (537; 607; 677) N.T.D. [si lɛkɛ 85 od. 35]
30. Ahole ahende watɛkɛtawɔ dia fɛtɛ ka eotwelo lo Bible (mɛnyaka dia fɛtɛ yakikɔ amɛna; mɛnyaka dia yɔ komonga amɛna; hayolembetshiya ndoko dikambo lo kɛnɛ kendana la fɛtɛ ya eotwelo). (Etat. 40:20-22; Mat. 14:6-10) [rs lɛkɛ 32]
Ɔtɔnganyiya wetelo wayela ɛnɛ l’avɛsa wele lanɛ l’ɛse:
Etum. 21:22, 23; Tuk. 25:11; Romo 12:2; 2 Pet. 3:15, 16; Eny. 16:13, 14
31. Ekɔ ohomba mbetawɔ mbidja welo dia tshikitanya tokanyi taso ndo dia ndodja yimba yaso l’akambo wa mɛtɛ waki Nzambi. [w99 1/4 lɛkɛ 30 od. 2]
32. Lam’ashaso onto dako, ekɔ ohomba sɔna ɛtɛkɛta w’amɛna. [w99 1/15 lɛkɛ 23 od. 1]
33. Jehowa akɛnya dia onto kokaka mɛmba onongo naka nde ambosakana la womoto lele la diemi ko diɔ diambotomba. [rs lɛkɛ 40]
34. Shɛngiya yaki Satana Diabolo yekɔ lo tshutshuya wedja otsha lo dikambo dimɔtshi diayoyakonya dia vɔ ndɔshana la Nzambi. [rs lɛkɛ 186]
35. Tshikitanya Afundelo dia mbaɔtɔnganyiya la tokanyi taso hita kokaka tela mpokoso ka pondjo. [rs lɛkɛ. 58]