Ekongelo Ka Losanganya L’olimu
DIEWOYELO: Olimu Aso wa Diolelo ayongaka l’ekongelo ka Losanganya l’Olimu lɔmɔtshi lomingu tshɛ Ngɔndɔ k’Esambele la k’Enanɛi. Tshumanelo kokaka tshikitanya ekongelo kakɔ lo woho wahombama dia kondja diaaso dia mbɔtɔ lo Losanganya la Distrikɛ lele l’ɔtɛ a dui ɔnɛ: “Embetsha w’Ɔtɛkɛta wa Nzambi.” Naka kokaka, nyokambe la minitɛ 15 ya lo Losanganya l’Olimu l’ekomelo lele la ntondo ka nyu mbɔtɔ lo losanganya la woke dia vusola dako diele lo dikatshi di’okotsha di’Olimu Aso wa Diolelo wa ngɔndɔ kɛnɛ. Lo Ngɔndɔ ka Dikumi, Losanganya l’Olimu l’otondo layokongɛma lo yoho ya mbohola akambo wakatama lo losanganya la distrikɛ. Dia ndjalɔngɔsɔla lo sawo sɔ, onto tshɛ l’atei aso kokaka mbɔsa nɔtɛ y’amɛna lo losanganya mbidja ndo awui wayondokombola ndjokamba lawɔ lo lɔsɛnɔ lande hita ndo l’olimu w’esambishelo. Lâsɔ sho kokaka ndjalɔngɔsɔla dia ndjolembetshiya woho wakatakambe l’alako akɔ tatɛ lam’akatɔtɔ lo losanganya. Ayonga dikambo di’ekeketshelo lam’asaso dia mboka woho wakatakondja wahɔ oma lo wetshelo wa dimɛna wakatalongola.
Lomingu la Ngɔndɔ ka Tanu 14
Min. 6: Waewoyelo ndo waewoyelo w’oma l’Olimu Aso wa Diolelo. Sɛdingola diewoyelo dia la diko ndo diendana l’etshikitanu wa lo Losanganya l’Olimu ndo kɛnɛ kambokongɛma lo Losanganya l’Olimu la lo Ngɔndɔ ka Dikumi, etena kayosalema ovuswelo w’awui w’ohomba wakatama lo losanganya la distrikɛ.
Min. 9: Kakɔna Kayoyosala lo Nshi ya Vakashi? Ekumanyi kana okambi w’olimu akɛtshanya la nkumbo kande kɛnɛ kayowosala lo nshi ya vakashi. Wekɔ lo tɛkɛta lo kɛnɛ kendana la wɔtwɛlɔ wa lo tenyi tshɛ dia losanganya la distrikɛ, di’olimu w’ombatshi mboka wa tshanda ndo ondo la mumuya kana kɛnya tɔkɛnyɔ tɔmɔtshi. Vɔ tshɛ wamboyashikikɛ dia hawohombe minya yimba l’elimu wa teokrasi oko wɔtwɛlɔ wa lo sanganya ya l’etshumanelo, otombelo wa l’esambishelo, ndo wekelo wa Bible wa lo nkumbo oyadi kânga vɔ kɛngɔlaka lo dihole dikina. Vɔ wayoyashikikɛ dia kimɔ alapɔlɔ awɔ w’esambishelo la wonya le sekeletɛlɛ oyadi lende akokawɔ tanema.
Min. 14: “Nsanganya ya Weke Yekɔ Etena k’Ɔngɛnɔngɛnɔ!” Dako oma le ekumanyi kɛmɔtshi. Lembetshiya lande na kakasalaka wodja waki Nzambi nsanganya ya weke lo nshi yakafundamaka Bible ndo lande na keyɔ l’ohomba wa woho akɔ wamɛ nshi nyɛ. Wâso anɛ tokimanyiyaka dia monga kâmɛ l’anto washa ekeketshelo ndo dia kondja mbo ya ndɛ ya lo nyuma. Tɛtɛ l’ohomba w’onto tshɛ mbɔtɔ lo losanganya la distrikɛ nshi yakɔ shato.
Min. 16: “Toyalɔngɔsɔlɛ ‘Dimɛna ndo aha l’Ofukutanu.’ ”* Kɔndɔla ɛlɔngɔswɛlɔ ɛmɔtshi wahomba salema dia nɔngɔsɔla losanganya la woke. Ka epole ɔsɛkɛ l’ohomba wa kamba la tɛdikɔ takɔsama dikambo dia wahɔ aso. Vusola weho wakokaso sho tshɛ mɛnya dilɛmiɛlɔ diaso ndo mbewɔ ekakatanu w’anyanya.
Osambo 31 ndo dɔmbɛlɔ dia ndjihelo.
Lomingu la Ngɔndɔ ka Tanu 21
Min. 10: Waewoyelo. Alapɔlɔ wa falanga.
Min. 17: “Hokamɛ Kele Kokondja Wetshelo w’Efula.” Dako ndo ɔkɛtshanyelo l’ampokami. Lembetshiya lande na kele wetshelo washama lo nsanganya ya weke wekɔ mbo ya ndɛ ya lo nyuma y’ohomba efula yele laso ohomba. Lembetshiya dia ɔlɔngɔswɛlɔ wa weho wa nsanganya ya woho ɔnɛ nɔmbaka wenya ndo welo w’efula. Lɔmba ampokami dia vɔ mbuta kɛnɛ kakoka onto l’onto sala dia ndamɛ ndjakondjɛ wahɔ w’efula ndo kondjɛ anto akina. Tɛtɛ l’ɛkɔkɔ wɛnya lande na kahomba onto tshɛ la l’atei aso mbidjasɛ l’ahole aso etena katatɛ etenyi tshɛ ka losanganya.
Min. 18: “Tosale Ɔlɔlɔ ko Tayokondja Lotombo!”* Lembetshiya lande na kakotolaso yambalo y’anto efula etena kɔtɔso lo nsanganya ya weke. Ɛtɛkɛta w’ɛlɔlɔ w’oma le wanɛ watenda keketshaka esambishelo ka Diolelo koko ɛtɛkɛta wa kɔlɔ koka ndawoya anto. Ta akambo w’eshika wahombaso sala dia mɛnya ɔnɛ tekɔ la waonga w’Okristo watotshutshuya dia ndjakiyanya dikambo di’anto akina.
Osambo 105 ndo dɔmbɛlɔ dia ndjihelo.
Lomingu la Ngɔndɔ ka Tanu 28
Min. 8: Waewoyelo. Ohola apandjudi dia kimɔ alapɔlɔ wa Ngɔndɔ ka Tanu. Vusola akambo wele lo sawo diele l’ɔtɛ a dui ɔnɛ: “Ahombaso Sala Naka Tshoto y’Etangelo Yatakome?”
Min. 20: Kamba Dimɛna la Annuaire 2001. Dako ndo ɔkɛtshanyelo l’ampokami. Vusola “Totaux 2000” ka lo lɛkɛ 31. Nyɔkɛtshanya dia “Mukanda w’oma le Olui-Walɔmbɔla,” wele lo lɛkɛ 3-5. Lɔmba ampokami amɔtshi dia vɔ kɔndɔla dui dimɔtshi dia lo Annuaire w’oyoyo diakaleke mbakeketsha ndo keketsha mbetawɔ kawɔ. Keketsha nkumbo dia vɔ mbadia kamɛ Annuaire w’otondo, oko wasala nkumbo ka Bɛtɛlɛ ka l’andja w’otondo ɔnɔnyi tshɛ. Lɔmbawɔ dia vɔ mbuta woho wokoki kamba la Annuaire dia kimanyiya ambeki wa Bible dia vɔ ngɛnangɛna ɔlɔngɔswamelo wa Jehowa ndo diɛsɛ dia monga l’atei awɔ.
Min. 17: “Ɔtɛkɛta wa Nzambi . . . Wekɔ la Nkudu.”* Sala ndo bɛnyɛlɔ dihende diakalɔngɔswami dimɛna dia mɛnya woho wele mbɔtwɛlɔ ya tshena pe kokaka kotola yambalo l’Ɔtɛkɛta waki Nzambi.
Osambo 79 ndo dɔmbɛlɔ dia ndjihelo.
Lomingu la Ngɔndɔ ka Samalo 4
Min. 12: Waewoyelo ndo ɛkɔndɔ w’awui wakete l’esambishelo.
Min. 15: “Toyasha Tshɛ l’Olimu wa Dinela.”* Etena kasɛdingɔma odingɔ wa 4, dja ɛnyɛlɔ k’oma lo Tshoto y’Etangelo ya Ngɔndɔ ka Divwa 15, 1996, lɛkɛ 19, odingɔ 10 lo mɛnya kɛnɛ kasala anto amɔtshi dia nyomofudia olimu awɔ.
Min. 18: “Tambokindjakindja Mbilo Kaso Esangɔ Efula!”* Oma le omendji w’olimu. (Tshumanelo diele la mbilo yambokambema paka lo pai kokaka mvusola ɔtɛ wa sawo wele l’Olimu Aso wa Diolelo wa Ngɔndɔ ka Nɛi 1998 wata ɔnɛ: “Periodikɛ Mbewoyaka Diolelo.”) Lembetshiya kɛnɛ kakoka salema l’etshumanelo kanyu dia kahanya lofulo l’efula la periodikɛ etena kakambanyu lo mbilo kanyu. Kɔndɔla ɛkɔndɔ wele l’Annuaire 1997, lɛkɛ 204, ndo wa lo Tshoto y’Etangelo ya Ngɔndɔ ka Hende 15, 1996, lɛkɛ 26. Tɛtɛ l’ohomba wa tetemala la sambisha lo luudu la luudu lo yoho y’efula ndo wa mɛnana la wanɛ wahatanema lawakawɔ ndo sala wendelo w’eyoyo aha la mbetsha nshi efula.
Osambo 142 ndo dɔmbɛlɔ dia ndjihelo.
* Sala mbɔtwɛlɔ kahakoke kanga minitɛ ɔtɔi ko wɛ ndjeta lo wembola ndo ekadimwelo.