Ekongelo Ka Losanganya L’olimu

Lomingu la Ngɔndɔ ka Divwa 10

Osambo 86

Min. 10:Waewoyelo. Waewoyelo w’oma l’Olimu Aso wa Diolelo. Tekɔ l’ekanda k’ɔlɔlɔ k’ekanda watɛkɛtama lo wodja aso. Tambokeketsha tshumanelo dia sala kɔmandɛ.

Min. 13:Ehomba wa l’etshumanelo.

Min. 22:“Onde Wɛ Kotshaka Olimu Ayɛ Dimɛna Dimɛna?”* L’ɔkɔngɔ wa kɛtshanya odingɔ wa 1-3, wɛ l’ampokami, sala wɛnyɛlɔ ehende wa lo tshena pe dia mɛnya woho wa mbisha anto periodikɛ, ntondo l’ekimanyielo ka Tshoto y’Etangelo ya Ngɔndɔ ka Divwa 15, oma lâsɔ ko l’ekimanyielo ka Réveillez-vous! wa Ngɔndɔ ka Divwa 22. L’ɔkɔngɔ wa nyu kɛtshanya odingɔ wa 4, sala ɛnyɛlɔ lo ndjela alako woshami, lo kamba la dibuku Ewo.

Osambo 124 ndo dɔmbɛlɔ dia ndjihelo.

Lomingu la Ngɔndɔ ka Divwa 17

Osambo 92

Min. 15:Waewoyelo. Alapɔlɔ wa falanga. “Ekɔ lo Index.” Ɛnya woho wa tana mbɔtwɛlɔ yɛnya woho wa mbisha anto dibuku Création.

Min. 15:Kakɔna Kakatasale Ɔnɔnyi Wetshi? Dako oma le omendji w’olimu. Tɛkɛta awui w’ohomba w’oma lo alapɔlɔ w’etshumanelo wa l’ɔnɔnyi w’olimu wa 2001. Andola anto tshɛ l’akambo w’ɔlɔlɔ wakasalema. Kotola yambalo lo kɛnɛ kakatshe etshumanelo lo wɔtwɛlɔ wa lo nsanganya, lo etete kawɔ l’olimu w’esambishelo ndo lo woho walɔmbɔlawɔ wekelo wa Bible. Sha alako wakoka mbakimanyiya dia vɔ nyomoleka kamba dimɛna l’akambo asɔ. Ɛnya eyango w’eshika wakokawɔ ndjadjɛ l’ɔnɔnyi wayaye.

Min. 15:Ekadimwelo lo Wembola Anyu. Dako. Ohola anto dikambo di’ekongelo ka lomingu la lomingu k’etshumanelo kanyu kendana la nsanganya y’otsha l’esambishelo. Lembetshiya woho wakoka onto tshɛ lɔtɔ lo nsanganya shɔ sala dia asawo wa lɔkɔ monga l’etombelo w’amɛna. Keketsha apandjudi dia sukɛ tɛdikɔ tɔsɔ.

Osambo 129 ndo dɔmbɛlɔ dia ndjihelo.

Lomingu la Ngɔndɔ ka Divwa 24

Osambo 97

Min. 15:Waewoyelo. Lo kamba l’alako wele l’etenyi kele l’ɔtɛ a dui wata ɔnɛ: “Woho wa Mbisha Anto Periodikɛ,” kamba la bɛnyɛlɔ dihende, kɛmɔtshi l’ekimanyielo ka Tshoto y’Etangelo ya Ngɔndɔ ka Dikumi 1 ndo kekina l’ekimanyielo ka Réveillez-vous! wa Ngɔndɔ ka Dikumi 8.

Min. 30:Tôke Nzambi Ngandji Koko Aha Diangɔ Dia l’Andja Ɔnɛ. (1 Joa. 2:​15-17) Dako ndo ɔkɛtshanyelo l’ampokami dia mvusola ekongelo ka losanganya l’otshimbedi la l’ɔnɔnyi w’olimu wetshi. Lɔmba apandjudi dia vɔ mbuta awui w’ohomba wakaweke ndo woho wakawakondja akoka wa kamba l’awui akɔ l’onto ndo l’onto kana lo nkumbo. (Wɛ koka tawasha totenyi ta vɔ tayalɔngɔsɔdi la ntondo.) Tɛkɛta dikambo dia tenyi dia losanganya nɛ: (1) “Ngandji Kokaso Nzambi Totshutshuyaka l’Olimu Aso.” Ngandji kɛsɔ tokimanyiyaka dia ndɔsha tokanyi ta kɔlɔ takoka tɛwɔla olimu aso, oko ɔsɔnyi, ndjaoka oko sho bu l’akoka kana wɔma w’onto. (2) “Wanɛ Wôka Jehowa Ngandji Mpetshaka Kɛnɛ Kele Kɔlɔ.” (w99 1/10 28-31) Dia sho monga la diɔtɔnganelo dia dimɛna la Jehowa sho pombaka mpetsha kɛnɛ kele kɔlɔ, aha tsho kɛnɛ kɛnama hwe dia kekɔ kɔlɔ koko ndo kɛnɛ kele kɔlɔ koko haleke mɛnama dia kekɔ kɔlɔ. (3) “Toyele Mboka ka Ngandji Koleki Ɔlɔlɔ.” (w92 15/7 27-30) 1 Koreto 13:​4-8 mɛnyaka bonde kakikɛso munga y’anto akina la solo dia lotutsha, kewɔso dia monga la yimba ya ndjâkana ndo ya shɛmanedi, lɔtɛndɔ, ndo katshikalaso la kɔlamelo otsha le ɔlɔngɔswamelo waki Nzambi. (4) “Diangɔ dia l’Andja Ɔnɛ​—⁠Ngande Wadiɔsaso?” Sho hatohombe nanga diangɔ dia l’andja ɔnɛ, hatohombe nkɔ lo saki ya demba, ndo hatohombe kesama la saki ya washo, kana funa diangɔ diele laso. (5) “Ndjakakitola l’Andja Ɔnɛ Ekɔ Tshondo y’Ekokelo.” 2 Koreto 6:​14-17 mɛnyaka woho wele dietawɔ dimɔtshi, mbekelo kana ditshelo dimɔtshi mbeyaka tokonya di’aha sho mbetawɔma le Nzambi. Sho pombaka sɛdingola ndo mbewɔ tolonga tatamba Diabolo. (6) “Alaka Waki Nzambi le Wanɛ Wawoka Ngandji.” (w86 15/6 5-6) Ɛtshɔkɔ wa Jehowa tokotshɛka ɔngɛnɔngɛnɔ lo nsɛnɔ yaso ndo tɔngɔnyaka lo nyuma.​—⁠1 Tim. 6:​17-19.

Osambo 133 ndo dɔmbɛlɔ dia ndjihelo.

Lomingu la Ngɔndɔ ka Dikumi 1

Osambo 106

Min. 10:Ehomba wa l’etshumanelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Divwa.

Min. 15:Ngande Wakokami Nyomoleka Kamba Dimɛna la Kalasa? Ekumanyi kɛmɔtshi la wadɛnde kana okambi w’olimu la wadɛnde wekɔ lo tɛkɛta l’ɔnawɔ lakɔtɔ kalasa. Vɔ wekɔ lo ndjakiyanya nɛ dia ɔna hayasha dimɛna la kalasa. Vɔ wekɔ lo vusola la nde alako wa lo dibuku Les jeunes s’interrogent, tshapita 18, ndo wekɔ lo kɛtshanya kɛnɛ kahomba ɔna sala dia nɔngɔsɔla ekambelo kande. Ambutshi wekɔ lo tɛtɛɛ l’ohomba wa mbeka mukanda dimɛna woho wa monga l’akoka wahombama dia tetemala kamba olimu w’ekila.

Min. 20:“Onde Dikambo sɔ Hadiotoshimbe dia Sambisha?”* Tɛtɛɛ l’ohomba wa monga la wɛdimo lo kɛnɛ kendana l’olimu wa l’emunyi ndo l’ohomba wa mbetsha wahɔ wa Diolelo lo dihole dia ntondo. Lɔmba ewandji wa nkumbo ɛmɔtshi wa l’etshumanelo dia vɔ mbuta woho watondoyawɔ ekakatanu wahomana lawɔ dia kotsha ehomba wa l’emunyi wa nkumbo yawɔ aha la minya yimba l’ehomba wa lo nyuma wa nkumbo yawɔ.

Osambo 137 ndo dɔmbɛlɔ dia ndjihelo.

* Sala mbɔtwɛlɔ kahakoke kânga minitɛ ɔtɔi ko wɛ ndjeta lo wembola la ekadimwelo.