Ekongelo Ka Losanganya L’olimu
Lomingu la Ngɔndɔ ka Dikumi 8
Min. 10: Waewoyelo. Waewoyelo w’oma l’Olimu Aso wa Diolelo. Keketsha anto tshɛ dia vɔ tendji bandɛ vidɛo Unis grâce à l’enseignement divin woho wa ndjalɔngɔsɔla l’ɔkɛtshanyelo wa lo Losanganya l’Olimu la lomingu la Ngɔndɔ ka Dikumi 22. Lo kamba l’alako wa lo lɛkɛ 8, nyosale bɛnyɛlɔ dihende dia tomondo diɛnya woho wa mbisha anto periodikɛ, kɛmɔtshi l’ekimanyielo ka Tshoto y’Etangelo ya Ngɔndɔ ka Dikumi 15, ndo kekina l’ekimanyielo ka Réveillez-vous ! wa Ngɔndɔ ka Dikumi 22.
Min. 35: “Onde Wɛ Ekɔ lo Kamba la Kɛnɛ Kakayeke lo Losanganya la Distrikɛ Laki l’Ɔtɛ a Dui ɔnɛ: ‘Embetsha w’Ɔtɛkɛta wa Nzambi?’ ” Ɔnɔmbɔdi wa Wekelo wa Tshoto y’Etangelo akɛtshanya l’ampokami kɛnɛ kakete lo losanganya la distrikɛ. L’ɔkɔngɔ wa mbɔtwɛlɔ ka minitɛ ɔtɔi, nyɔkɛtshanya kɛnɛ kakatama lushi la lushi l’edja ka minitɛ 10-12. Lo tshena pe, ɛnya awui w’ohomba wa l’ɛse k’oseka ɔtɛ a dui tshɛ wahɔnyi, oma lâsɔ ko wɛ nɔmba ampokami dia vɔ mbisha kɔmatɛrɛ lo kɛnɛ kendana la (1) woho wakawasale la wolo dia kamba la wetshelo wakawakondja, (2) woho wambowokondja wahɔ lo sala dikambo sɔ, ndo (3) kɛnɛ kambowoleka mɛna ohomba dia sala. Kamba la wembola watshutshuya onto dia kana yimba woho w’ɔkɛtshanyelo monga dimɛna. Kimanyiya anto tshɛ dia vɔ mɛna ohomba wa kamba la kɛnɛ kakaweke.
Osambo 151 ndo dɔmbɛlɔ dia ndjihelo.
Lomingu la Ngɔndɔ ka Dikumi 15
Min. 10: Waewoyelo. Alapɔlɔ wa falanga.
Min. 15: Onde Wɛ Ekɔ l’‘Otema w’Okitanyiya’? (1 Khum. 3:9) Sawo diayoshama oma le ekumanyi kɛmɔtshi, diɔ mbɔsama oma lo Tshoto y’Etangelo ya Ngɔndɔ k’Esambele 15, 1998 lɛkɛ 29-31. Ɛnya toho takokaso mɛnya otema w’okitanyiya lo kamba kamɛ l’etshumanelo.
Min. 20: Tokambe Dimɛna la Periodikɛ Yaso. Omendji w’olimu la okambi w’olimu wendana la periodikɛ wekɔ lo kɛtshanya kɛnɛ kakanyiyawɔ lo dikambo dia okahanyelo wa periodikɛ l’etshumanelo. Vɔ wambota lofulo la periodikɛ lalongola etshumanelo ngɔndɔ tshɛ ko liɛdika la lɔnɛ lakahanyema. Mɛnamaka dia kɔpi efula yekɔ lo tshikala kana mbikashema. Ngande wakoka apandjudi kamba dimɛna la periodikɛ yaso na? Anangɛso wekɔ lo kɛtshanya awui esambele wa lo Losanganya l’Olimu la lomingu la Ngɔndɔ ka Dikumi 4, 1999 l’etenyi kata ɔnɛ “Onga Ɔngɛnyi wa Periodikɛ!” Vɔ wekɔ lo vusola dikambo diele lo Tshoto y’Etangelo ya Ngɔndɔ ka Hende 15, 1998, lɛkɛ 28-29, ndo wekɔ lo sɛdingola woho wakoka etshumanelo kamba l’alako woshami lɔkɔ. Onto tshɛ ambokeketshama dia pemba kamba la mbɔtwɛlɔ ya wɔdu yele l’Olimu Aso wa Diolelo.
Osambo 156 ndo dɔmbɛlɔ dia ndjihelo.
Lomingu la Ngɔndɔ ka Dikumi 22
Min. 10: Waewoyelo. Lo kamba l’alako wa lo lɛkɛ 8, nyosale bɛnyɛlɔ dihende dia tomondo diɛnya woho wa mbisha anto periodikɛ. Kɛmɔtshi l’ekimanyielo ka Tshoto y’Etangelo ya Ngɔndɔ ka Dikumi l’Ɔtɔi 1, ndo kekina l’ekimanyielo ka Réveillez-vous ! wa Ngɔndɔ ka Dikumi l’Ɔtɔi 8.
Min. 10: Ngande Wayoyokadimola? Tɛkɛta lo tshena pe awui wa lo dibuku Comment raisonner lɛkɛ 393, lɛnɛ atanema okadimwelo wa hwe lo wombola ɔnɛ, “Ngande Wakoma Ɛmɛnyi wa Jehowa lo Mbeya Nembetshiya Afundelo?” Sala ɛnyɛlɔ kakalɔngɔswami dimɛna kɛnya woho wa kadimola lo wombola ɔsɔ lo wendelo w’oyoyo, ndo wa mbisha onto leeta la wangasanu dia nde ndjɔtɔ lo nsanganya ya l’etshumanelo.
Min. 25: “Unis grâce à l’enseignement divin—Ɔsɛdingwelo wa Nkumbo k’Anto l’Ɔnango ka Mɛtɛ Kele Kamɛ.” Ɔkɛtshanyelo l’ampokami. Kamba l’odingɔ wa ntondo ndo wa komelo dia mbɔtshiya ndo komiya sawo. Dia sala ɔkɛtshanyelo wa dimɛna wa bandɛ vidɛo, oka wembola tshɛ woshami. Naka anto amɔtshi wa l’etshumanelo wakatɔtwɛ nsanganya ya weke lo wedja ekina, kete lɔmbawɔ dia vɔ mbuta woho wakawayaoke lo menda oyango ndo kamɛ kele l’ɔlɔngɔswamelo aso lo wedja tshɛ. Oma lâsɔ, ko wɛ shila awui amɔtshi wasalanganya otema wele l’Annuaire 1994 lɛkɛ 7-9, ndo l’Annuaire 1995 lɛkɛ 8-11. (Naka anto tshɛ wa l’etshumanelo komenda bandɛ vidɛo kɛnɛ, kete nyu mbeyaka ndjela awui wele lo dibuku Prédicateurs, lɛkɛ 254 odingɔ 1-3; lɛkɛ 269, 278-282.) Lo Ngɔndɔ ka Dikumi l’Ahende tayonyomenda bandɛ vidɛo Jusqu’aux extrémités de la terre.
Osambo 47 ndo dɔmbɛlɔ dia ndjihelo.
Lomingu la Ngɔndɔ ka Dikumi 29
Osambo 164
Min. 12: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Dikumi. Lo Ngɔndɔ ka Dikumi l’Ɔtɔi tayosha anto biukubuku Katɔlɔmba kana dibuku Ewo. Sala ɛnyɛlɔ ka mbɔtwɛlɔ ka tshena pe kɛnɛ: “Lo nshi nyɛ yele anto bu l’ekondjelo ka dimɛna, anto efula wekɔ la pâ dia ndjakotshiyɛ ehomba wa lo lɔsɛnɔ. Onde wɛ fɔnyaka dia mandji y’anto yayokandola dikambo sɔ lo yoho yayɔngɛnyangɛnya onto tshɛ, mbut’ate aha la shɔnɔdi? [Tshikande akadimole.] Dimi lakatane daka nɛ diele l’ekeketshelo k’efula lo Bible.” Adia Osambu 72:12-14. L’ɔkɔngɔ ko wɛ mbosha biukubuku Katɔlɔmba kana dibuku Ewo, ndo sha yema ya kɔmatɛrɛ kasungana oma l’okanda woshayɛ onto.
Min. 15: Ehomba wa l’etshumanelo.
Min. 18: “Onde Wɛ Ndjaleshaka Dimɛna lo Nyuma?”* Lɔmba ampokami dia vɔ mbisha kɔmatɛrɛ y’oma lo Tshoto y’Etangelo ya Ngɔndɔ ka Nɛi 15, 1997, lɛkɛ 28-31, wate lande na ndo woho akɔna wahombaso sala la wolo dia ndjaleshaka dimɛna lo nyuma.
Osambo 181 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ɔtɔi 5
Osambo 167
Min. 10: Waewoyelo.
Min. 18: Ɔlɔngɔswɛlɔ wa Nsanganya lo Nkumbo. Ombutshi wa pami ekɔ lo sawola la nkumbo kande woho wakoka onto tshɛ mbishaka kɔmatɛrɛ yakoka lo nsanganya. Lo kamba l’alako wa lo Tshoto y’Etangelo ya Ngɔndɔ k’Esambele 1, 1999, lɛkɛ 29, odingɔ 9, vɔ wekɔ lo nɔngɔsɔla kɔmatɛrɛ ya ntosha lo Wekelo wa Tshoto y’Etangelo wa lomingu lakɔ. (1) Ose nkumbo tshɛ ambɔsɔna wombola ɔtɔi kana ehende wayondotosha kɔmatɛrɛ. (2) L’ɔkɔngɔ wa nyomovusola odingɔ wele la wombola wɔsɔnyiwɔ, vɔ wohemba mbisha ekadimwelo l’ɛtɛkɛta awɔ vamɛ. (3) Vɔ wambɔsɔna avɛsa amɔtshi woleki ohomba, wambenda woho wɔtɔnɛ avɛsa akɔ la sawo, ndo wamboshila la kongɛ kɛnɛ kayowohomba mbuta dia mɛnya ohomba w’avɛsa akɔ lo wekelo ɔsɔ. Vɔ tshɛ wekɔ la mposa ka tosha kɔmatɛrɛ lo losanganya.
Min. 17: “Oyango Akɔna Wele Laso?”* Tɛtɛɛ l’ohomba wa kimanyiya ambeki wa Bible dia vɔ mɛna ohomba wa mbɔtɔka lo nsanganya ya l’etshumanelo. Kamba ndo l’ɛnyɛlɔ kɛmɔtshi kakalɔngɔswami dimɛna kɛnya woho wa sala dikambo sɔ, lo kamba la tshapita 17, odingɔ 6-8, wa dibuku Ewo.
Osambo 186 ndo dɔmbɛlɔ dia ndjihelo.
* Sala mbɔtwɛlɔ kahakoke kânga minitɛ ɔtɔi ko wɛ ndjeta lo wembola ndo ekadimwelo.