Ekongelo Ka Losanganya L’olimu
Lomingu la Ngɔndɔ ka Dikumi l’Ɔtɔi 12
Osambo 170
Min. 8: Waewoyelo. Waewoyelo w’oma l’Olimu Aso wa Diolelo.
Min. 15: “Toyaɛkɛ le Jehowa dia Kondja Wolo.”* Lo tshena pe, lembetshiya awui w’oma lo Tshoto y’Etangelo ya Ngɔndɔ ka Dikumi 1, 1999, lɛkɛ 28, odingɔ 6-8.
Min. 22: “Sho Kondjaka Ɛlɔlɔ lo Yɛdikɔ Yɛdimi la Weolo Wadjaso.” Dako ndo ɔkɛtshanyelo oma lo dikatshi di’okotsha. Diɔ diayoshama oma le ekumanyi kɛmɔtshi. Ɛnya woho wakokanyu kamba l’akambo akɔ l’etshumanelo kanyu. Edingɔ ndo avɛsa woshilami koka mbadiema naka wonya wekɔ.
Osambo 191 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ɔtɔi 19
Osambo 172
Min. 8: Waewoyelo. Alapɔlɔ wa falanga.
Min. 15: “Onde Nyu Mbekaka lo Nkumbo?”* Naka wonya wekɔ, nyadia edingɔ ɛmɔtshi wasungana ndo avɛsa woshilami ato. Wɛ koka nɔmba ewandji wa nkumbo kana anto akina l’atei w’ampokami dia vɔ mbuta woho wakawayele alako asɔ kana woho wakawɛnyi nkumbo mɔtshi wakamba l’alako akɔ. L’ekomelo, keketsha nkumbo tshɛ dia yɔ tetemala la salaka wekelo wa lo nkumbo mbala la mbala.
Min. 22: “Tohamia Akoka Aso w’Ekanelo ka Yimba.”* Ekumanyi kɛmɔtshi avusole l’osalosalo tshɛ, awui wakatama lo losanganya la lânde la lushi ɔtɔi l’ɔnɔnyi w’olimu wetshi.
Osambo 195 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ɔtɔi 26
Osambo 177
Min. 15: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Dikumi l’Ɔtɔi. Lo kamba l’alako wele l’etenyi kele l’ɔtɛ a dui ɔnɛ “Woho wa Mbisha Anto Periodikɛ,” kamba la bɛnyɛlɔ dihende diakalɔngɔswami dimɛna, kɛmɔtshi l’ekimanyielo ka Tshoto y’Etangelo ya Ngɔndɔ ka Dikumi l’Ahende 1, ndo kekina l’ekimanyielo ka Réveillez-vous ! wa Ngɔndɔ ka Dikumi l’Ahende 8. Oma lâsɔ ko wɛ mɛnya woho wa tana mbɔtwɛlɔ ka kamba latɔ lam’ashaso onto dibuku Onto Loleki Woke lo Tena Tshɛ kana dibuku dikina diahomba kahanyema lo Ngɔndɔ ka Dikumi l’Ahende. Enda lo Index des publications de la Société Watch Tower la tshina di’ɔtɛ wa dui “Presentations” ndo lo ɔtɛ a dui wahɔnyi wata ɔnɛ “Liste par Publication.” Sha ɛnyɛlɔ ɔtɔi kana dihende.
Min. 15: “Lende Akokami Tana Wonya?” Sawo ndo ɔkɛtshanyelo l’ampokami. Dja ndo awui w’ohomba w’oma lo Tshoto y’Etangelo ya Ngɔndɔ ka Dikumi 1, 2000 lɛkɛ 29, odingɔ 9-10, lo ɔtɛ a dui wahɔnyi wata ɔnɛ: “Woho Watana Anto Amɔtshi Waaso wa Mbeka.” Lɔmba ampokami dia vɔ mbuta toho t’amɛna tatanawɔ etena dikambo di’akambo w’ohomba efula lo tshindja elimu wele bu ohomba l’ɔkɔngɔ. Tɛtɛɛ l’ohomba w’onto l’onto ndjaombɛ etena dikambo dia wekelo w’onto ndamɛ, wekelo wa lo nkumbo, nsanganya ya l’etshumanelo, olimu w’esambishelo, ndo dikambo dia wadielo wa Bible wa lushi la lushi.
Min. 15: Akɛnda Wekɔ lo Ntombola Jehowa. Ɔkɛtshanyelo l’ampokami. Tshumanelo efula diekɔ l’akɛnda washa lonya l’olimu w’esambishelo. Sunganaka dia vɔ sala olimu ɔsɔ kânga mbele mbala efula vɔ ndeka sambisha epalanga w’anto. (Osam. 148:12, 13; Mat. 21:15, 16) Naka ambutshi ndo apandjudi akina ndjasha le akɛnda lo mbaetsha kana mbakeketsha, kete vɔ wayonga l’ɔngɛnɔngɛnɔ efula l’olimu w’esambishelo. Lɔmba ampokami dia vɔ mbuta toho takokawɔ kamba kamɛ l’akɛnda lo soko la soko kana lo waendelo w’eyoyo. Lɔmba ambutshi dia vɔ kɔndɔla kɛnɛ kasalawɔ dia kimanyiya anawɔ dia vɔ mbeka woho wa mbisha anto periodikɛ, kamba la Bible lo mbɔtwɛlɔ yawɔ, ndo tɛkɛta l’eshikikelo l’asoko w’anto. Tɛtɛɛ l’ohomba wa mandolaka ana. Kɔnya opandjudi ɔtɔi kana ahende w’akɛnda dia vɔ mbuta kɛnɛ kangɛnangɛnawɔ l’olimu w’esambishelo ndo lande na kakingɛnangɛnawɔ.
Osambo 198 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ahende 3
Osambo 179
Min. 8: Ehomba wa l’etshumanelo.
Min. 17: Akambo Wele lo Dibuku Comment raisonner. Ɔkɛtshanyelo l’ampokami. Tɔsɛdingole bɛnyɛlɔ diayela nɛ diɛnya woho wele akambo wotshikitanyi wele lo dikubu sɔ tokimanyiyaka efula dia nembetshiya wetshelo wa lo Bible: Dilembetshiyelo, diele oko “Diolelo” (lɛkɛ 335) kana “nyuma” (lɛkɛ 135); wɛdikelo wa dikadimwelo dia Bible diotshikitanyi dia mɛnya l’ahole akɔna ndo woho akɔna wakamba Bible la lokombo la Nzambi (lɛkɛ 195-196) kana akambo wa mɛtɛ wendana l’ifɛrnɔ (lɛkɛ 123-124); akambo wɛnya awui wetawɔso watotshikitanya l’ɛtɛmwɛlɔ ekina (393-395) kana mɛnya woho wokoki onto mbeya ɔtɛmwɛlɔ wa mɛtɛ (lɛkɛ 316-318); ɔkɔndɔ w’akambo wakete mɛnyaka kiɔkɔ ya Nɔɛlɛ (lɛkɛ 161-164) kana lomangemange l’Akristo wa ntondo (lɛkɛ 266-269); akambo wa siansɛ shikikɛka wetshelo w’etongelo (lɛkɛ 72-74) kana mɛnya etombelo wa kɔlɔ w’oma lo kaandji kana mfɔka (lɛkɛ 114-118). Keketsha apandjudi dia vɔ kamba l’ehomɔ ka dimɛna efula ka wetshelo kɛnɛ mbala tshɛ katanema diaaso l’esambishelo.
Min. 20: “Ɛtshɔkɔ Wakondjaso lo Mɛnya Lowando Laso lo Ngandji ka Jehowa—Etenyi 1.”* Lam’akɛtshanyanyu odingɔ wa 3-6, lɔmba apandjudi dia vɔ kɔndɔla akambo wakeketsha wakahomana lawɔ l’esambishelo ka lo luudu la luudu, ka lo toshinga, lo waendelo w’eyoyo, ndo lo nɔmbɔla wekelo wa Bible.
Osambo 200 ndo dɔmbɛlɔ dia ndjihelo.
* Sala mbɔtwɛlɔ kahakoke kânga minitɛ ɔtɔi ko wɛ ndjeta lo wembola ndo ekadimwelo.