Ekongelo Ka Losanganya L’olimu

Lomingu la Ngɔndɔ ka Hende 11

Osambo 6

Min. 12: Waewoyelo. Waewoyelo w’oma l’Olimu Aso wa Diolelo. Keketsha onto tshɛ dia mbadia kana vusola awui wa l’Etatelo 6:1 polo lo 9:19 ndo menda bandɛ vidɛo ka Noé: il marchait avec Dieu dia ndjalɔngɔsɔla dikambo di’ɔkɛtshanyelo wayosalema lo Losanganya l’Olimu la lomingu la Ngɔndɔ ka Hende 25.

Min. 20: “Tosambisha Ɔtɛkɛta wa Nzambi Efula.”a (Odingɔ 1-13) Oma le omendji walɔmbɔla. Ɔkɛtshanyelo wa la wangasanu wendana la kɛnɛ kakombolaso sala lo Ngɔndɔ ka Sato ndo l’ɔkɔngɔ wa ngɔndɔ kɛsɔ. Onto tshɛ la dia kamba l’alamanaka wa lo dikatshi di’okotsha dia menda ekongelo kɛnande ɔlɔlɔ kamba latɔ l’olimu w’esambishelo lo Ngɔndɔ ka Sato. Keketsha anto tshɛ wakoka kamba olimu w’ombatshi mboka wa tshanda lo ngɔndɔ kakɔ. Lam’akɛtshanyanyu odingɔ wa 7-8, lɔmba wanɛ wakakambe oko ambatshi mboka lo nshi y’Eohwelo kakete dia mbuta ɛtshɔkɔ wakawakondja. Ewoya dia wanɛ walanga kondja fɔrmilɛrɛ y’ambatshi mboka wa tshanda koka ndjikondja l’ɔkɔngɔ wa losanganya la la dikɔlɔ nɛ.

Min. 13: “Woho wa Mbisha Anto Periodikɛ.” Lɔmba apandjudi dia vɔ mbuta woho wambowokondja ekimanyielo oma lo dikambo di’oyoyo nɛ dia l’Olimu Aso wa Diolelo dia vɔ ndjalɔngɔsɔla dimɛna dia mbɔtɔnganyiya asawo l’awui wa kandji watomba lo tena dia wolo nɛ. Etombelo akɔna wakakondja anto amɔtshi lo keketsha ndo lo kimanyiya anto dia tana ekadimwelo w’oma lo Bible lo wembola watshindja wɔɔngɔ? Kamba la bɛnyɛlɔ dihende dia tomondo dia mɛnya woho wa mbisha anto Tshoto y’Etangelo ya Ngɔndɔ ka Hende 15 ndo Réveillez-vous ! wa Ngɔndɔ ka Hende 22. Naka periodikɛ nyɛ yatatombe, kete nyokambe la nyɛ yɔtɛkɛtshiwɔ l’Olimu Aso wa Diolelo wa Ngɔndɔ ka Ntondo 2002.

Osambo 49 ndo dɔmbɛlɔ dia ndjihelo.

Lomingu la Ngɔndɔ ka Hende 18

Osambo 95

Min. 8: Waewoyelo. Alapɔlɔ wa falanga.

Min. 12: “Anto Woleki Ngɛnangɛna Lanɛ la Nkɛtɛ.”b Lo tshena pe ɛnya “Wanya Wakonya l’Ɔngɛnɔngɛnɔ,” lo Tshoto y’Etangelo ya Ngɔndɔ ka Dikumi 15, 1997, lɛkɛ 6 (lo Falase).

Min. 25: “Tosambisha Ɔtɛkɛta wa Nzambi Efula.”c (Odingɔ wa 14-23) Oma le omendji w’olimu. Vusola tɛdikɔ ta lânde tambɔsama l’etshumanelo dia fudia olimu w’esambishelo lo Ngɔndɔ ka Sato. Ewoya ekongelo k’otondo ka nsanganya y’otsha l’esambishelo ngɔndɔ kakɔ. Ka epole ɔsɛkɛ l’ohomba wa salanganya wanɛ waya ngɔndɔ shamalo ko hawosambisha ndo wa kimanyiya ana l’ambeki wa Bible dia vɔ koma apandjudi wahatabatizama. Ewoya nkombo ya wanɛ wayokamba oko ambatshi mboka wa tshanda lo Ngɔndɔ ka Sato, ndo keketsha anto efula dia vɔ ndjasɛdingola lo dɔmbɛlɔ dia kana vɔ lawɔ koka kamba oko ambatshi mboka.

Osambo 143 ndo dɔmbɛlɔ dia ndjihelo.

Lomingu la Ngɔndɔ ka Hende 25

Osambo 174

Min. 15: Waewoyelo. Sala bɛnyɛlɔ dihende dia tomondo diɛnya woho wa mbisha anto periodikɛ. Kɛmɔtshi l’ekimanyielo ka Tshoto y’Etangelo ya Ngɔndɔ ka Sato, 1 ndo kekina l’ekimanyielo ka Réveillez-vous ! wa Ngɔndɔ ka Sato, 8. Kɛmɔtshi kayosalema oma le dikɛnda. Ohola apandjudi dia vɔ kimɔ alapɔlɔ w’olimu wa Ngɔndɔ ka Hende.

Min. 15: “Esambishelo Kashama oma lo Bandɛ Vidɛo.” Ɔkɛtshanyelo l’ampokami. Polo ndo lanɛ, tambovusola bandɛ vidɛo yaso enanɛi l’ekongelo ka Losanganya l’Olimu. L’ɔkɔngɔ wa nyu kɛtshanya bɛnyɛlɔ dioshami lo sawo, lɔmba apandjudi dia vɔ mbuta etombelo w’ɔlɔlɔ wakawakondja lo mɛnya anto akina bandɛ vidɛo shɔ.

Min. 15: “Onto Tshɛ Koka Kondja Wetshelo oma lo Bandɛ Vidɛo ka Noé: il marchait avec Dieu.” Eta mbala kakɔ ɔtɔi l’ɔkɛtshanyelo w’awui wa lo bandɛ vidɛo ka Noé wɛ l’ampokami lo kamba paka la wembola wele lo kiombokombo ya lo lɛkɛ 7. Naka nyu bu la bandɛ kɛsɔ kana dihole dia kienda, kete nyohembe kadimola wembola lo kamba la it-2 407-409 ndo la w90 15/4 lɛkɛ 11-13.

Osambo 215 ndo dɔmbɛlɔ dia ndjihelo.

Lomingu la Ngɔndɔ ka Sato 4

Osambo 207

Min. 5: Waewoyelo.

Min. 12: Ehomba wa l’etshumanelo.

Min. 12: Kamba la Dibuku Ewo dia Tatɛ Mbeka l’Anto Bible. Lo Ngɔndɔ ka Sato sho nangaka mbidja weolo wa lânde dia tatɛ mbeka l’anto Bible. Kɔndɔla lo tshena pe ɔkɔndɔ wa l’Olimu Aso wa Diolelo, wa Ngɔndɔ ka Divwa 1998, lɛkɛ 4, odingɔ 8. Naka onto ɔmɔtshi eke koditatɛka mbeka lo dibuku Ewo, kete nyɛnya woho wakasalema dikambo sɔ. Ohola onto tshɛ awui wa lo sawo diele l’ɔtɛ a dui ɔnɛ “Woho wa Mbisha Anto Dibuku Ewo,” diele l’Olimu Aso wa Diolelo wa Ngɔndɔ ka Ntondo 2002. Lo kamba la dibuku Ewo, sala ɛnyɛlɔ ɔtɔi l’atei wa bɛnyɛlɔ diele lo lɛkɛ 6 la dikatshi d’okotsha l’ɛse k’ɔtɛ a dui wata ɔnɛ “Woho wa Mbeka l’Onto Mbala Kakɔ Ɔtɔi.”

Min. 16: “Lande na Kahombaso Tetemala Sambisha?”d Kokumiya lo kɔnya opandjudi ɔtɔi kana ahende wambosambisha l’edja k’ɛnɔnyi efula. Lɔmbawɔ dia vɔ mbuta nsaki yele lawɔ lo kɛnɛ kendana la kɛnɛ kakatshutshuya dia tetemala l’olimu ɔnɛ ndo wahɔ wakawakondja oma lɔkɔ.

Osambo 223 ndo dɔmbɛlɔ dia ndjihelo.

[Nɔte ka l’ɛse ka dikatshi]