Ekongelo Ka Losanganya L’olimu

Lomingu la Ngɔndɔ ka Sato 11

Osambo 2

Min. 13: Waewoyelo. Waewoyelo w’oma l’Olimu Aso wa Diolelo. Lo kamba l’alako wa lo lɛkɛ 8, sala bɛnyɛlɔ dihende diotshikitanyi diɛnya woho wa mbisha anto Tshoto y’Etangelo ya Ngɔndɔ ka Sato 15 ndo Réveillez-vous ! wa Ngɔndɔ ka Sato 22. Lo ɛnyɛlɔ tshɛ, ɛnya toho totshikitanyi tɛnya woho wa mbekola wekamu wa naka onto ona dia komiya sawo lo mbuta ate: “Dikambo sɔ hadiɔngɛnyangɛnya.”​—⁠Enda lo dibuku Comment raisonner, lɛkɛ 16.

Min. 12: Tolamake Lomangemange Laso l’Okristo. Sawo oma le ekumanyi kɛmɔtshi kakoka. Wɛnyɛlɔ wa ngandji ka wodja wamboleka monga lo wa kalasa, l’ahole w’olimu, ndo l’ahole akina. Anto efula wakeketsha awui asɔ mbɔsaka oko ɔsɔ mbele yoho ya tondoya ekiyanu ndo pâ yahɛnyahɛnya wodja awɔ. Kânga mbele ndo sho lawɔ mbadiɛnɛ l’awui wasalema l’andja ɔnɛ, sho mbeyaka otondo wa dui wendana la lowandji la l’andja w’otondo ndo sho keketshamaka oma lo losango la Diolelo. Lam’alembetshiyaso anto akina la yêwo tshɛ bonde kahatɔtɔ l’akambo wakɛnɛmɔla ngandji k’otamanya ka wodja, sho pombaka nto mbakeketsha ndo mbaewoya elongamelo kele l’Ɔtɛkɛta wa Nzambi. Biukubuku Les Témoins de Jéhovah et l’instruction, lɛkɛ 20-24, l’ɛse k’ɔtɛ a dui wahɔnyi wata ɔnɛ “Le salut au drapeau,” nembetshiyaka lande na kahatasale sɛlɛmɔnyi y’awui wa wodja. Lembetshiya awui w’ohomba, ndo keketsha ambutshi dia vɔ vusola awui asɔ vɔ l’anawɔ la yambalo tshɛ. Sha bɛnyɛlɔ diatanema lo lɛkɛ 20 lo biukubuku yakɔ. Ka epole ɔsɛkɛ l’ohomba wa mamema Jehowa la tshondo tshɛ, etena kalɛmiyaso ewandji wa wodja.

Min. 20: ‘Nyonge Ɛngɔnyi l’Elimu w’Ɔlɔlɔ.’a Oma le omendji w’olimu. Keketsha anto tshɛ dia ndjasha efula l’olimu w’esambishelo woho wa nɔngɔsɔla Eohwelo kayosalema lo Ngɔndɔ ka Sato 28. Ɛnya woho wa kamba l’akatshi wa leeta lo yoho ya dimɛna. Lɔmba apandjudi dia vɔ mbuta woho wakawete ewotɔ awɔ, asukanyi awɔ, ambeki awɔ wa Bible, ndo anto akina wakayasha dia ndjɔtɔ lo Eohwelo k’ɔnɔnyi wetshi ndo ɔngɛnɔngɛnɔ wakawakondja oma lo dikambo sɔ. Keketsha anto tshɛ wakoka kamba oko ambatshi mboka wa tshanda lo Ngɔndɔ ka Nɛi ndo tɛwɔ dia mbɔsa adɛmandɛ wa ndodja l’ɔkɔngɔ wa losanganya.

Osambo 82 ndo dɔmbɛlɔ dia ndjihelo.

Lomingu la Ngɔndɔ ka Sato 18

Osambo 7

Min. 10: Waewoyelo. Alapɔlɔ wa falanga. Tɛkɛta dia “Waohwelo Wendana l’Eohwelo.” Keketsha anto tshɛ dia ndjela ekongelo ka wadielo wa Bible ka nshi ya Eohwelo oma lo Ngɔndɔ ka Sato 23 polo 28, oko woho wɛnyamitɔ lo biukubuku Tɔsɛdingolake Afundelo Lushi la Lushi​—⁠2002.

Min. 15: “Tonge Kâmɛ la Jehowa ndo l’Ɔnande l’Ɔngɛnɔngɛnɔ Tshɛ.” Sawo diakeketsha di’oma l’Afundelo diayoshama oma le ekumanyi kɛmɔtshi. Keketsha onto tshɛ dia mbidja welo efula tatɛ oma ko kakiye polo lo Ngɔndɔ ka Sato 28 dia mbeta anto efula dia ndjɔtɔ lo Eohwelo kâmɛ la so.

Min. 20: Wahɔ akɔna wakondjayɛ oma lo Annuaire? Sawo ndo ɔkɛtshanyelo l’ampokami. Ntondotondo, ka epole ɔsɛkɛ l’awui woleki ohomba wele lo “Mukanda w’oma le Olui-Walɔmbɔla,” lo lɛkɛ 3-5. Oma lâsɔ ko wɛ nɔmba ampokami dia vɔ mbuta alapɔlɔ ndo awui wakawɛnyi lo Annuaire wakawakondja ekeketshelo ndo wakeketsha mbetawɔ. Keketsha anto tshɛ dia vɔ shidiya wadielo awɔ w’Annuaire ndo kamba lawɔ dia kimanyiya ambeki wa Bible woho wa vɔ mbekesanɛ l’ɔlɔngɔswamelo waki Jehowa.

Osambo 45 ndo dɔmbɛlɔ dia ndjihelo.

Lomingu la Ngɔndɔ ka Sato 25

Osambo 12

Min. 14: Waewoyelo. Ewoya dia akakoke anto ndodja adɛmandɛ wa ka mba oko ambatshi mboka wa tshanda lo Ngɔndɔ ka Nɛi. Lo kamba l’alako wa lo lɛkɛ 8, ekumanyi kɛmɔtshi asale ɛnyɛlɔ ka woho wa mbisha anto Tshoto y’Etangelo ya Ngɔndɔ ka Nɛi 1 ndo dikɛnda dimɔtshi asale ɛnyɛlɔ kɛnya woho wa mbisha anto Réveillez-vous ! wa Ngɔndɔ ka Nɛi 8. L’ɔkɔngɔ w’ɛnyɛlɔ tshɛ, ɛnya awui wakotola yambalo lo ɛnyɛlɔ kakɔ.

Min. 15: Ehomba wa l’Etshumanelo.

Min. 16: Kamba la Dibuku Comment raisonner dia Mbisha Ekeketshelo. Ɔkɛtshanyelo l’ampokami. Anto tshɛ wekɔ l’ohomba w’ekeketshelo koludi la ngandji tena la tena. Ɔnkɔnɛ, sho tshɛ pombaka mɛna ohomba wa ‘monga l’ɛtɛkɛta w’esambelo’ otsha le anto akina, mbidja ndo wanɛ wele la pâ efula wahomana laso l’esambishelo. (1 Tes. 5:14) Lo kamba la dibuku Comment raisonner, lɔmba ampokami dia vɔ mbuta ekeketshelo k’oma l’Afundelo kahombawɔ mbisha anto wadiɛnɛ l’akambo wɔtɛkɛtshiwɔ lo lɛkɛ 119-122. Lɔmba di’onto tshɛ pembaka dia keketsha onto ɔmɔtshi wonya tshɛ wonga ohomba.​—⁠Ngal. 6:⁠10.

Osambo 131 ndo dɔmbɛlɔ dia ndjihelo.

Lomingu la Ngɔndɔ ka Nɛi 1

Osambo 27

Min. 7: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Sato.

Min. 18: “ ‘Apami Wele oko Weshasha’ Namaka Ɛkɔkɔ Waki Nzambi la Lotutsha Tshɛ.” Dako oma le ekumanyi kɛmɔtshi. Diɔ diekɔ lo dikatshi di’okotsha. Lembetshiya avɛsa woshidiwɔ. Ɛnya ɛlɔlɔ wakoka tomba lo membola wanɛ wahayosambisha ndo lo kimanyiya wanɛ wele la dikɔmɔ dia vɔ sala kɛnɛ kewɔ l’akoka wa ntsha. Elami woludi la ngandji mandolaka welo tshɛ wadja ɛkɔkɔ l’otema ɔtɔi dia tetemala la kamba olimu waki Jehowa.

Min. 20: “Fudia Ɔngɛnɔngɛnɔ Ayɛ l’Esambishelo.”b Lam’ayonyɔkɛtshanya odingɔ 5, lɔmba ampokami dia vɔ mbisha tokanyi t’eshika ta kamba latɔ dia kondja etombelo w’ɔlɔlɔ l’ɛtshi kawɔ ka nkɛtɛ. Sala ɛnyɛlɔ ɔtɔi kana pende dia mɛnya woho wakokaso tatɛ sawola l’onto dia mbosambisha lo tshena pe. Keketsha anto tshɛ dia tana waaso wa sambisha lomingu lɔnɛ.

Osambo 15 ndo dɔmbɛlɔ dia ndjihelo.

[Nɔte ka l’ɛse ka dikatshi]