Totetemale Kondja Wahɔ oma lo Tshoto y’Etangelo la Réveillez-vous !

Wony’ɔnɛ wele abɔnɛma wa Tshoto y’Etangelo la Réveillez-vous ! ayanga komɛ, tayohomba sala la wolo di’aha sho kana wanɛ wasambishaso pandja kânga numɛlɔ ɔtɔi ka periokikɛ shɔ.

Kɔpi Yaso Hita: Naka abɔnɛma ayɛ wambokomɛ ko wɛ mbidiya kɔmandɛ kayɛ ka nshi nyɛ ka periodikɛ. Ambutshi pombaka nɔmba lofulo la periodikɛ lahombama woho w’ose nkumbo tshɛ kondjaka kɔpi kande. Naka wɛ funda lokombo layɛ lâdiko dia periodikɛ kayɛ, kete wɛ hatokisha onto l’esambishelo aha la wɛ mbeya. Lam’akoma periodikɛ, anangɛso wendana la dikambo sɔ pombaka ndjikahanya aha la tshimbatshimba lo Mbalasa ka Diolelo.

Okahanyelo wa Periodikɛ: Apandjudi pombaka sala la wolo dia wanɛ tshɛ wayasha l’akambo wa mɛtɛ ndo walanga nongolaka numɛlɔ tshɛ ka periodikɛ ndjikondja. Naka shamɛ kahɛ anto periodikɛ, kete tayokondja diaaso dia nomialomia nsaki kakawɛnya ndo tatɛ mbeka la wɔ Bible.​—⁠Enda l’Olimu Aso wa Diolelo wa Ngɔndɔ ka Dikumi 1998, lɛkɛ 8.

Sho koka ndjashikikɛ dia Jehowa ayotetemala tshɔkɔla welo tshɛ wadjaso dia mbewoya Diolelo l’ekimanyielo ka Tshoto y’Etangelo la Réveillez-vous !