Ekongelo Ka Losanganya L’olimu

DIEWOYELO: Olimu Aso wa Diolelo ayongaka l’ekongelo ka Losanganya l’Olimu lɔmɔtshi lomingu tshɛ lo Ngɔndɔ k’Esambele la k’Enanɛi. Tshumanelo kokaka tshikitanya ekongelo kakɔ lo woho wahombama dia kondja diaaso dia mbɔtɔ lo Losanganya la Distrikɛ lele l’ɔtɛ a dui ɔnɛ: “Apandjudi wa Diolelo Wele l’Ohetoheto.” Naka kokaka, nyokambe la minitɛ 15 ya lo Losanganya l’Olimu l’ekomelo lele la ntondo ka nyu mbɔtɔ lo losanganya la woke dia vusola alako w’ohomba wele lo dikatshi di’okotsha di’Olimu Aso wa Diolelo wa ngɔndɔ kɛnɛ wɔtɔnɛ la ngelo kanyu. Lo Ngɔndɔ ka Dikumi, Losanganya l’Olimu l’otondo layokongɛma lo yoho ya mbohola akambo wakatama lo losanganya la distrikɛ. Dia ndjalɔngɔsɔla lo sawo sɔ, onto tshɛ la l’atei aso kokaka mbɔsa nɔtɛ y’ohomba lo losanganya mbidja ndo awui wayondokombola ndjokamba lawɔ lo lɔsɛnɔ lande hita ndo l’olimu w’esambishelo. Oma lâsɔ sho kokaka ndjalɔngɔsɔla dia ndjolembetshiya woho wakatakambe l’alako akɔ tatɛ lam’akatɔtɔ lo losanganya. Ayonga dikambo di’ekeketshelo lam’asaso dia mboka woho wakatakondja wahɔ oma lo wetshelo wa dimɛna wakatalongola.

Lomingu la Ngɔndɔ ka Tanu 13

Osambo 37

Min. 15: Waewoyelo. Waewoyelo w’oma l’Olimu Aso wa Diolelo. Lo kamba l’alako wa lo lɛkɛ 8, sala bɛnyɛlɔ dihende diotshikitanyi diɛnya woho wa mbisha anto Tshoto y’Etangelo ya Ngɔndɔ ka Tanu 15 ndo Réveillez-vous ! wa Ngɔndɔ ka Tanu 22. Lo ɛnyɛlɔ tshɛ, ɛnya yoho mɔtshi ya mbekola wekamu naka onto ambota ate: “Dimi lekɔ l’olimu efula.”​—⁠Enda lo dibuku Comment raisonner lɛkɛ 19-20.

Min. 15: “Diaaso dia Lânde dia Keketshanya.” Dako. Lomialomia nsaki k’anto ndo lowando lawɔ dia vɔ mbɔtɔ lo losanganya la distrikɛ. Keketshawɔ dia vɔ mbɔtɔ lo tenyi tshɛ dia losanganya, tatɛ oma lo Lushi la Tanu la pindju polo Lushi la Lomingu l’ɔkɔngɔ a midi.

Min. 15: “Tosalake Nshi Tshɛ Kɛnɛ Kele Ɔlɔlɔ.”a Tɛtɛ l’ohomba w’onto tshɛ ndjela tɛdikɔ tendana l’ohangelo w’anto takɔsama dia wahɔ wakiso. Ka epole ɔsɛkɛ lo waohwelo asato wele l’odingɔ wa 2. Lembetshiya lande na kele lɔkɛwɔ l’ɔlɔlɔ lɛnya onto tshɛ lekɔ ohomba.

Osambo 115 ndo dɔmbɛlɔ dia ndjihelo.

Lomingu la Ngɔndɔ ka Tanu 20

Osambo 13

Min. 15: Waewoyelo. Alapɔlɔ wa falanga. Vusola Ekadimwelo lo wembola anyu.

Min. 12: “Tokotsha Ehomba Aso wa lo Nyuma.” Dako ndo ɔkɛtshanyelo l’ampokami. Nyɔsɛdingole ɛkɔkɔ wɛnya lande na kahomba onto tshɛ ndjela ekongelo ka losanganya la yambalo tshɛ. Tɛtɛ l’ohomba wa kamba l’awui wokaso lo dihole dia mpokamɛka tsho. Nyɔsɛdingole nɔtɛ kele ladiko kɛnya kɛnɛ kambɔlɔngɔswama dia Losanganya l’Olimu la Ngɔndɔ ka Dikumi, etena kayosalema ovuswelo w’awui w’ohomba wakatɛkɛtama lo losanganya la distrikɛ. Keketsha onto tshɛ dia mbɔsa nɔtɛ. Lɔmba anto dia vɔ mbuta akambo amɔtshi lo kɛnɛ kendana la wahɔ wakawakondja l’ekongelo ka losanganya l’ɔnɔnyi wetshi.

Min. 18: “Tonge la Shunganyi l’Ɔlɔtɔ ndo lo Yoho Yalɔngɔsɔlaso Demba.”b Ayoshama oma le ekumanyi kɛmɔtshi kayadiaka odingɔ tshɛ ko l’ɔkɔngɔ vɔ kɛtshanyema. Kimanyiya anto tshɛ dia vɔ mbeya lande na kele ekɔ ohomba dia sho mbidja yimba dimɛna lo kɛnɛ kendana l’ɛnamelo kaso ka la ntondo k’anto.

Osambo 169 ndo dɔmbɛlɔ dia ndjihelo.

Lomingu la Ngɔndɔ ka Tanu 27

Osambo 208

Min. 12: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Tanu. Lo kamba l’alako wa lo lɛkɛ 8, opandjudi ɔmɔtshi w’opalanga ɛnya woho wa mbisha anto Tshoto y’Etangelo ya Ngɔndɔ ka Samalo 1 ndo opandjudi weke dikɛnda ɛnya woho wa mbisha anto Réveillez-vous ! wa Ngɔndɔ ka Samalo 8. L’ɔkɔngɔ w’ɛnyɛlɔ tshɛ, ɛnya woho wakokaso kamba lo yoho ya wɔdu la divɛsa dimɔtshi lam’ashaso onto periodikɛ.

Min. 15: “Onde Etshumanelo Kanyu Kekɔ l’Ɛtshi ka Nkɛtɛ ka Woke?” Dako ndo ɔkɛtshanyelo l’ampokami diayoshama oma le omendji w’olimu. (Tshumanelo diele la bɛtshi dia nkɛtɛ dia totshitshɛ mbeyaka vusola sawo diata ɔnɛ “Kamba Dimɛna la Wenya Ayɛ” diele l’Olimu Aso wa Diolelo wa Ngɔndɔ ka Samalo 1999.) Tɛkɛta dia woke w’ɛtshi ka nkɛtɛ k’etshumanelo kanyu ndo woho wakanyakikambe ɔnɔnyi wetshi. Lembetshiya woho wa kamba l’alako wakashama lo ngelo kanyu. Vusola tɛdikɔ tambɔsama dia kindjakindja ɛtshi ka nkɛtɛ kahaleke kambema lo nshi y’otsha la ntondo.

Min. 18: “Onde Sho Kambaka la Biukubuku Katɔlɔmba dia Tatɛ Wekelo?” (Dia ɔkɛtshanyelo ɔnɛ onto tshɛ pombaka ndja la dikatshi di’okotsha di’Olimu Aso wa Diolelo wa Ngɔndɔ ka Ntondo 2002.) Tatɛ lo sala ɛnyɛlɔ, opandjudi ɔmɔtshi wakayalɔngɔsɔdi dimɛna ɛnya woho wa tatɛ wekelo, lo kamba l’ɛnyɛlɔ kele l’odingɔ wa 3. Oma l’asɔ, ɛnya ɛtɛ w’awui wa lo biukubuku, ndo lembetshiya woho wasungana ɛtɛ akɔ w’awui dia tatɛ wekelo wa Bible. Ɛnya ohomba wa vusolaka mbɔtwɛlɔ yakashama lo dikatshi di’okotsha di’Olimu Aso wa Diolelo wa Ngɔndɔ ka Ntondo 2002. Mbola ampokami dia vɔ mbuta mbɔtwɛlɔ yakawɛnyi dia yɔ tondjaka etombelo w’amɛna. Komiya lo vusola ɛnyɛlɔ kakanyasadi ntondo.

Osambo 93 ndo dɔmbɛlɔ dia ndjihelo.

Lomingu la Ngɔndɔ ka Samalo 3

Osambo 178

Min. 15: Waewoyelo. Lɔmba ampokami dia vɔ mbuta ɛngɛnɔngɛnɔ ndo wahɔ wakawakondja lo kamba oko ambatshi mboka wa tshanda kana wa pondjo lo Ngɔndɔ ka Sato, ka Nɛi, kana ka Tanu.

Min. 15: Woho Wakamba la Dibuku Comment raisonner la Dikadimwelo Dikina dia Bible. Sawo dia lo tshena pe ndo ɔkɛtshanyelo l’ampokami. Adia odingɔ wa 2 lo lɛkɛ 8 la dibuku Comment raisonner, ndo lembetshiya lande na ndo ngande wahombaso kamba mbala la mbala la Bible l’esambishelo. Tɛkɛta dia listɛ lɛnya woho wokangiwɔ nkombo ya dikadimwelo dia Bible lele lo lɛkɛ 6, ndo lembetshiya lande na kakambaso l’ɛtɛkɛta w’oma lo dikadimwelo dikina dia Bible. Tɛkɛta dia waohwelo watanema lo Tshoto y’Etangelo ya Ngɔndɔ ka Dikumi 1, 1997, lɛkɛ 24, odingɔ 2, ndo lɛkɛ 28, odingɔ 15. Lo kamba l’ɛtɛ w’awui ɛnɛ “Succession Apostolique,” “Images,” ndo “Trinité” lo dibuku Comment raisonner, lɔmba ampokami dia vɔ mɛnya woho wele wɛdikelo wa dikadimwelo efula dia Bible kimanyiyaka dia ndakanya akambo wa mɛtɛ.

Min. 15: “Mbetawɔ Kaso Totshutshuyaka l’Elimu w’Ɔlɔlɔ.”c Lam’akɛtshanyanyu odingɔ wa 2, kɔnya lo tshena pe Ɔmɛnyi ɔmɔtshi wele l’ohetoheto. Lɔmba apandjudi dia vɔ mɛnya woho wele sambisha anto akina mɛnyaka ndo keketshaka mbetawɔ kawɔ.

Osambo 56 ndo dɔmbɛlɔ dia ndjihelo.

[Nɔte ka l’ɛse ka dikatshi]