Ekongelo Ka Losanganya L’olimu

Lomingu la Ngɔndɔ k’Esambele 8

Osambo 201

Min. 15: Waewoyelo. Waewoyelo w’oma l’Olimu Aso wa Diolelo. Kamba l’alako wa lo lɛkɛ 4, ndo lɔngɔsɔla bɛnyɛlɔ dihende diotshikitanyi dia mɛnya woho wa mbisha antoTshoto y’Etangelo ya Ngɔndɔ k’Esambele 15 ndo Réveillez-vous! wa Ngɔndɔ k’Esambele 22. Lo ɛnyɛlɔ tshɛ, ɛnya yoho yotshikitanyi ya mbekola wekamu w’ɔnɛ “Lanɛ Sho Tokôngaka Akristo.”​—⁠Enda lo biukubuku Woho wa Tatɛ ndo Tetemala la Sawola l’Anto lo Bible lɛkɛ 11.

Min. 10: Ekadimwelo lo Wembola Anyu. Sawo diayosalema oma le ekumanyi kɛmɔtshi. Nde ayɔtɔnganyiya awui wa lɔkɔ la kɛnɛ keta l’etshumanelo. Naka dikambo dia lo wombola ɔnɛ hadiendana l’etshumanelo kanyu, kete nde koka sɛdingola sawo diele l’ɔtɛ a dui ɔnɛ “Tɔlɛmiya Dihole di’Ɔtɛmwɛlɔ wa Jehowa” diele l’Olimu Aso wa Diolelo wa Ngɔndɔ ka Hende 1998, lɛkɛ 1.

Min. 20: Toyalɔngɔsɔlɛ dia Sambishaka lo Tshakitudi. Ɔkɛtshanyelo l’ampokami l’awui wele lo dibuku Notre ministère lɛkɛ 93-94. Kamba l’awui wele lo lɛkɛ la ntondo la dikatshi di’okotsha di’Olimu Aso wa Diolelo wa Ngɔndɔ ka Ntondo 2002, lo mɛnya lo tshena pe toho tohende kana tosato ta sambisha ɔngɛndangɛnda, osukanyi, ose nkumbo, kana osekayɛ ɔmɔtshi lo tshakitudi.

Osambo 139 ndo dɔmbɛlɔ dia ndjihelo.

Lomingu la Ngɔndɔ k’Esambele 15

Osambo 144

Min. 10: Waewoyelo. Alapɔlɔ wa falanga.

Min. 15: Ehomba wa l’Etshumanelo.

Min. 20: Ɛkɔkɔ wa Shikaa Wɛnya Ohomba wa Kamba la Bible l’Olimu Aso w’Esambishelo. Sawo ndo ɔkɛtshanyelo l’ampokami. Yeso akeyaka Afundelo ndo akataka awui w’oma lɔkɔ mbala la mbala etena kakandetshaka. (Luka 24:​27, 44-47) Awui wakandetshaka kondja oma le nde ndamɛ. (Joa. 7:​16-18) Ekɔ ohomba dia sho lawɔ kambaka l’Ɔtɛkɛta wa Nzambi. Vɔ wekɔ la nkudu koleki oseka dikambo tshɛ diakokaso mbuta. (Joa. 12:​49, 50; Heb. 4:12) Anto wele l’etema w’ɔlɔlɔ kotɔmaka oma l’ekeketshelo ndo oma l’elongamelo kasha Afundelo. Yadjɛ oyango wa mbadiaka kânga divɛsa ɔtɔi dia Bible lo mbɔtwɛlɔ yayɛ ya l’asawo. Ɛnya dia wakadje avɛsa lo mbɔtwɛlɔ yayokamba laso dia mbisha anto periodikɛ ka ngɔndɔ kɛnɛ. Lɔmba ampokami dia vɔ mbuta woho wakawakambe la Bible l’esambishelo ndo etombelo wakonge la dikambo sɔ le wɔ vamɛ ndo le wanɛ wakawasambisha.

Osambo 215 ndo dɔmbɛlɔ dia ndjihelo.

Lomingu la Ngɔndɔ k’Esambele 22

Osambo 47

Min. 10: Waewoyelo. Ombutshi ɔmɔtshi wasambisha kamɛ l’ɔnande ekɔ lo mɛnya woho wa kamba l’alako wa lo lɛkɛ 4 dia mbisha anto Tshoto y’Etangelo ya Ngɔndɔ k’Enanɛi 1, ndo Réveillez-vous! wa Ngɔndɔ k’Enanɛi 8. Ɔmɔtshi ɛnya woho wa mbisha anto Tshoto y’Etangelo ndo okina woho wa mbisha anto Réveillez-vous! Keketsha ambutshi dia mbetshaka anawɔ yema yema lo kɛnɛ kendana l’olimu w’esambishelo.

Min. 17: Ayoyokadimola Naka Onto Ambokombola lo Kɛnɛ Kendana la wa Mizilma? Dako ndo ɛnyɛlɔ. Kamba la dibuku L’humanité à la recherche de Dieu, tshapita 12 ndo lembetshiya lo tshena pe dia mɛnya diɔtɔnganelo diele lam’asa Bible la Coran. (Enda lo kiombokombo yele lo lɛkɛ 285.) Ɛnya otshikitanu wele lam’asa wetshelo wa waa Mizilma lo kɛnɛ kendana la anima (lɛkɛ 297-300) la kɛnɛ kalembetshiya Bible lo dikambo diakɔ. (Enda lo nɔtɛ ka l’ɛse ka dikatshi ka lo lɛkɛ 299.) Lo kamba la dibuku Comment raisonner, lɛkɛ 27-31 ndo ɛnya woho wa nembetshiya onto lêke esadi wa ndjasha l’akambo wa mɛtɛ kɛnɛ kata Bible lo dikambo di’anima.

Min. 18: Woho Akɔna Wakokami Mbewɔ Wâle wa l’Internet? Sawo ndo ɔkɛtshanyelo l’ampokami wendana l’awui wele lo Réveillez-vous! wa Ngɔndɔ ka Ntondo 22, 2000, lɛkɛ 19-21. Ɛnya tolonga tele la ntondo k’onto lakamba l’Internet wonya tshɛ, ndo lembetshiya woho wa mbewɔ tolonga tɔsɔ. Lɔmba ampokami dia mbuta ɛlɔlɔ wambowokondja lo kamba la dako sɔ. Naka nyu kema l’Internet lo mbilo kanyu, kete lam’alangayɛ, wɛ koka mbɔtɔnganyiya alako wa lo sawo nɛ l’awui weta lo ngelo kanyu.

Osambo 61 ndo dɔmbɛlɔ dia ndjihelo.

Lomingu la Ngɔndɔ k’Esambele 29

Osambo 54

Min. 10: Waewoyelo. Ohola apandjudi dia kimɔ alapɔlɔ w’olimu wa Ngɔndɔ k’Esambele.

Min. 10: “Ekongelo ka Losanganya l’Otshimbedi Layaye.” Dako. Ewoya datɛ diayosalema losanganya l’otshimbedi la mbala kayaye. Keketsha anto tshɛ dia mbɔtɔ lo losanganya lɔsɔ ndo liyela la yambalo tshɛ. Keketsha apandjudi wahatabatizama dia kana yimba lo kɛnɛ kahombama dia vɔ batizama. Katodje welo wa lânde dia mbeta ambeki wa Bible.

Min. 25: “Tambomamatanyema Kâmɛ.”a Lam’ayonyɔkɛtshanya odingɔ 3, dja ndo awui wele lo Réveillez-vous! wa Ngɔndɔ ka Nɛi 22, 2000, lɛkɛ 9-10. L’odingɔ 4, dja ndo awui wele lo Tshoto y’Etangelo, ya Ngɔndɔ ka Nɛi 1, 1995, lɛkɛ 27-28, odingɔ 4-6.

Osambo 81 ndo dɔmbɛlɔ dia ndjihelo.

Lomingu la Ngɔndɔ k’Enanɛi 5

Osambo 38

Min. 10: Waewoyelo.

Min. 20: “Totshumanya Anto w’oma l’Ɛtɛkɛta Tshɛ.”b Dja ndo awui wele lo Tshoto y’Etangelo ya Ngɔndɔ ka Nɛi 1, 2002, lɛkɛ 24. Naka kokaka, lembetshiya lo tshena pe kɛnɛ kasalema dia kimanyiya anto wa lo mbilo kanyu watɛkɛta ɔtɛkɛta okina, ndo ɛnya ɛnyɛlɔ kele l’odingɔ 4.

Min. 15: Awui wendana l’etshumanelo kanyu. Lɔmba ampokami dia mbuta awui amɔtshi wakakeketsha wakete lam’akawɔtɔ lo losanganya la distrikɛ, lam’akawakambe olimu w’ombatshi mboka wa tshanda, kana lam’akawasha lonya l’elimu ekina wa lo nyuma l’etena kakiwɔ lo vakashi.

Osambo 184 ndo dɔmbɛlɔ dia ndjihelo.

[Nɔte ka l’ɛse ka dikatshi]