Ekongelo Ka Losanganya L’olimu

Lomingu la Ngɔndɔ k’Enanɛi 12

Osambo 76

Min. 7: Waewoyelo. Waewoyelo w’oma l’Olimu Aso wa Diolelo. Lo losanganya lanyu l’olimu layaye, sho keketshaka tshumanelo tshɛ dia nɔngɔsɔla ndo sala bɛnyɛlɔ lo kamba l’alako wele lo lɛkɛ 10: nyɔlɔngɔsɔlɛ bɛnyɛlɔ dihende diotshikitanyi diɛnya woho wa mbisha anto Tshoto y’Etangelo ya Ngɔndɔ k’Enanɛi 15 ndo Réveillez-vous! wa Ngɔndɔ k’Enanɛi 22. Lo ɛnyɛlɔ tshɛ, ɛnya woho wa mbekola wekamu naka onto ambota ate: “Lande na kayanyu le anto mbala la mbala na?”​—⁠Enda lo biukubuku Woho wa Tatɛ ndo Tetemala la Sawola l’Anto lo Bible, lɛkɛ 20.

Min. 20: “Toyadje Eyango wa lo Nyuma.”a Etena kakɛtshanyanyu odingɔ 5, kodje ndo awui wa keketsha w’oma lo dibuku Notre ministère, lɛkɛ 114-116 wendana l’olimu w’ombatshi mboka wa pondjo, la Kalasa k’Olowanyelo w’Ekambi ndo l’olimu wa lo Bɛtɛlɛ.

Min. 18: “Tambokondja Ehomɔ k’Oyoyo ka Tatɛ Mbeka l’Anto!” Ɔkɛtshanyelo l’ampokami. Vɔ wayosalema oma le omendji w’olimu. Lɔmba ampokami dia vɔ kahɛ onto tshɛ lakaye lo losanganya kɔpi kɛmɔtshi ka traktɛ k’oyoyo kele l’ɔtɛ a dui ɔnɛ Onde Wɛ Nangaka Mbeya Awui Efula Wendana la Bible? (lo Falase) naka kekɔ. Kodje ndo bɛnyɛlɔ dihende diɔlɔngɔswami dimɛna lo kamba l’alako wele lo kiombo yata ɔnɛ “Woho wa Mbisha Anto Periodikɛ.” Opandjudi ɔmɔtshi ɛnya woho wa mbisha anto Tshoto y’Etangelo, ndo okina woho wa mbisha anto Réveillez-vous! Lo ɛnyɛlɔ tshɛ, opandjudi kakomiya la mbisha onto lasawola lande traktɛ Mbeya Bible ​—⁠oyadi le onto lahetawɔ mbɔsa periodikɛ kana le onto laketawe. Keketsha onto tshɛ dia mbisha anto tshɛ wahomana lawɔ l’olimu w’esambishelo trakɛ k’oyoyo kɛnɛ. Le tshumanelo diahakambe la Falase lo nsanganya yawɔ, sho dikeketshaka dia kamba l’awui w’ohomba wa lo sawo nɛ ndo la traktɛ ka lo Falase, naka tɔ katatanema l’ɔtɛkɛta watɛkɛtama l’etshumanelo kanyu.​—⁠Enda mukanda wa Ngɔndɔ k’Enanɛi 10, 2001 wakawatomɛ tshumanelo tshɛ.

Osambo 191 ndo dɔmbɛlɔ dia ndjihelo.

Lomingu la Ngɔndɔ k’Enanɛi 19

Osambo 182

Min.12: Waewoyelo. Alapɔlɔ wa falanga. Ɔmbɔla sawo diele l’ɔtɛ a dui ɔnɛ: “Ekongelo ka Losanganya la Lânde la Lushi Ɔtɔi Layaye.” Ewoya datɛ diayosalema losanganya la lânde la lushi ɔtɔi layaye, keketsha anto tshɛ dia koma la wonya ndo ndjela losanganya l’otondo la yambalo tshɛ. Keketsha apandjudi dia mbelɛ anto weke esadi wa ndjasha l’akambo wa mɛtɛ ndo ambeki wa Bible.

Min. 15: Kakɔna Kâshimba? Ɔkɛtshanyelo l’ampokami ndo ɛnyɛlɔ. L’olimu aso w’esambishelo sho pomanaka l’anto watona kɛtshanya la so awui wendana la dietawɔ diawɔ. Ɔsɔ ekɔ wekamu wakoka toshimba dia sambisha losango la Diolelo. Naka tambeya kɛnɛ kashimba onto dia totɛ awui wendana la dietawɔ diande, kete dui sɔ mbeyaka tokimanyiya dia nɔngɔsɔla mbɔtwɛlɔ kayokeketsha onto dia mbisha kanyi yande. Ɛnya woho wokokiso tshikitanya mbɔtwɛlɔ kaso naka tambohomana la weho w’anto anɛ: (1) Wanɛ wahayasha l’awui w’ɔtɛmwɛlɔ, oyadi wawɔ hita. (2) Wanɛ wayela mbekelo y’ɛtɛmwɛlɔ wa nkumbo yawɔ ndo mbekelo y’ashidi. (3) Wanɛ wahalange tɛkɛta dia dietawɔ diawɔ kana vɔ kema la diewo di’efula dia mɛnya woho wasukɛ Afundelo dietawɔ diakɔ. (4) Wanɛ watokanɛ kɔlɔ l’ɔtɛ w’awui wa kashi wakawoke oma le atunyi aso. Wɛ koka tshikitanya listɛ lɔnɛ lo ndjela kɛnɛ keta l’ɛtshi kanyu ka nkɛtɛ lo mbika epole ɔsɛkɛ lo waonga waleka monga l’anto wahomana la nyu. Kɔlɔngɔsɔlɛ ɛnyɛlɔ kɛmɔtshi ka mondo kɛnya woho wa kotola yambalo y’onto oya lo dikambo dimɔtshi dia l’Afundelo.

Min. 18: “Tɛnya Kɔlamelo y’Okristo Etena Katshanyema Owotɔ Aso Ɔmɔtshi oma l’Etshumanelo.”b (Odingɔ 1-8) Sawo nɛ diayosalema oma l’ekumanyi kɛmɔtshi kele l’akoka lo kamba la wembola woshawɔ. Ɔdingɔ tshɛ wayadiemaka la dui dia wolo oma le ɔnangɛso ɔmɔtshi lele ombadi w’ɔlɔlɔ.

Osambo 136 ndo dɔmbɛlɔ dia ndjihelo.

Lomingu la Ngɔndɔ k’Enanɛi 26

Osambo 189

Min. 10: Waewoyelo. Lo kamba l’alako wele lo lɛkɛ 10, lɔmba ombatshi mboka ɔmɔtshi wa pondjo kana wa tshanda dia mɛnya woho wa mbisha anto Tshoto y’Etangelo ya Ngɔndɔ ka Divwa 1 ndo opandjudi ɔmɔtshi wa l’etshumanelo ɛnya woho wa mbisha anto Réveillez-vous! wa Ngɔndɔ ka Divwa 8. Keketsha apandjudi tshɛ dia vɔ mbidjaka divɛsa dimɔtshi lo mbɔtwɛlɔ kawɔ.

Min.17: “Onga Onto Leya Mbewoya Anto Akambo!”c L’ekomelo, keketsha apandjudi dia vusola tshapita yele l’ɔtɛ a dui ɔnɛ: “Woho wa Ndowanya Diewo dia Sawo” lo dibuku Kondja Wahɔ oma lo Kalasa k’ Olimu wa Teokrasi, lɛkɛ 62-65, naka diekɔ.

Min. 18: “Tɛnya Kɔlamelo y’Okristo Etena Katshanyema Owotɔ Aso Ɔmɔtshi oma l’Etshumanelo.”d (Odingɔ 9-14) Sawo nɛ diayosalema oma le ekumanyi kɛmɔtshi kakoka lo kamba la wembola woshawɔ. Odingɔ tshɛ wayadiema la dui dia wolo ma le ɔnangɛso ɔmɔtshi lele ombadi w’ɔlɔlɔ.

Osambo 125 ndo dɔmbɛlɔ dia ndjihelo.

Lomingu la Ngɔndɔ ka Divwa 2

Osambo 84

Min. 10: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ k’Enanɛi. Lembetshiya lo tshena pe, sawo diele l’ɔtɛ a dui ɔnɛ: “Adiaka Kâmɛ l’Anayɛ,” diele lo Tshoto y’Etangelo ya Ngɔndɔ ka Tanu 1, 1999, lɛkɛ 25.

Min. 20: Yalɔngɔsɔla Ntondo ka Wɛ Tshɔ. Dako ndo ɛnyɛlɔ. Kongɛ awui dimɛna tokimanyiyaka dia kondja etombelo w’ɔlɔlɔ l’esambishelo. Lâsɔ, la ntondo ka tomba: (1) Onga l’ekanda wayonga layɛ ohomba. (2) Yashikikɛ dia wɛ ekɔ l’ekanda k’ɔlɔlɔ ka nɔtɛ ya luudu la luudu ndo la bikɛ kana kidiyɔ. (3) Naka wɛ ekɔ l’ohomba wa tomba la dikalo, kete lɔngɔsɔladiɔ dimɛna la ntondo ka tshɔ. (4) Kana yimba dikambo di’anto wayoyokalola dia tenda. (5) Lɔngɔsɔla sawo diayangayɛ tosawola l’anto. Naka wɛ mbayɔlɔmbɔla losanganya l’otsha l’esambishelo, kete onga la mbilo efula ya kahɛ anto. Kɛtshanya l’apandjudi ahende kana asato toho tayotokoka mbisha dibuku Ewo l’olimu w’esambishelo lo Ngɔndɔ ka Divwa. Sala ɛnyɛlɔ ɔtɔi ndo kamba la divɛsa dimɔtshi lo sawo dianyu.​—⁠Enda awui wele l’Olimu aso wa Diolelo, wa Ngɔndɔ k’Esambele 1997, lɛkɛ 4, ndo Ngɔndɔ ka Samalo 1996, lɛkɛ 8.

Min.15: Ehomba wa l’etshumanelo. Kana wɛ nɔmba as’etshumanelo dia kɔndɔla awui wakahomana la wɔ l’esambishelo ka lo tshakitudi, mbala mɔtshi lam’akawasambishaka lokumu l’ɔlɔlɔ lo parkingɛ, lo mituka wɛmba anto tshɛ, l’ahole wa fɔni, lo pitadi, l’ahole wasondjawɔ diangɔ, l’ahole wemala kawolo, kana l’ahole akina watanema anto efula. Lɔngɔsɔla kɛnyɔ ɔtɔi kana tɔkɛnyɔ tohende.

Osambo 99 ndo dɔmbɛlɔ dia ndjihelo.

[Nɔte ka l’ɛse ka dikatshi]