Waewoyelo
◼ Ekanda wayotosha anto Ngɔndɔ ka Divwa: Ewo Katɔla Otsha lo Lɔsɛnɔ la Pondjo. Ngɔndɔ ka Dikumi: Tshoto y’Etangelo la Réveillez-vous! Naka onto ambɛnya nsaki, ko sho mbosha Biukubuku Katɔlɔmba, ndo mbidja welo wa lânde dia tatɛ wekelo wa Bible. Ngɔndɔ ka Dikumi l’Ɔtɔi: Kakɔna Katɔlɔmba Nzambi? kana Ewo Katɔla Otsha lo Lɔsɛnɔ la Pondjo. Naka onto ambotashilaka nongola ekanda ɛsɔ, kete sho kokaka mbosha dibuku dimɔtshi di’edjedja. Ngɔndɔ ka Dikumi l’Ahende: Onto Loleki Woke lo Tena Tshɛ. Ekanda ekina wakoka kahanyema: Buku di’Ɛkɔndɔ wa lo Bible; La Bible: Parole de Dieu ou des hommes?; Kokaka We Monga la Loseno la Pondjo lo Paradiso ka la Kete.
◼ Olimu Aso wa Diolelo wa Ngɔndɔ ka Dikumi wayoyokahanyema paka l’ɔkɔngɔ w’etshumanelo mbɔtɔ lo losanganya la distrikɛ.
◼ Wambohola dikumanyi dia vɔ ndjela dimɛna alako wele lo Tshoto y’Etangelo ya Ngɔndɔ ka Nɛi 15, 1991, lɛkɛ 21-23 lo kɛnɛ kendana l’onto lakatshanyema kana lakayatondja oma l’etshumanelo laya la nsaki ka kawola.
◼ Oko wakadiewoyama l’Olimu Aso wa Diolelo wa Ngɔndɔ ka Hende, 2002, abɔnɛma wa periodikɛ la bandɛ kasɛtɛ ayonyɛma, ko tshikala olimu wa mɛmbɛka mbala la mbala anto wetawɔ periodikɛ yakɔ. Bɛtɛlɛ ayɔsaka abɔnɛma wasala la mbala anto l’ɛtɛkɛta w’angɛndangɛnda oko etenyi kɛmɔtshi ka kɔmandɛ k’ekanda kasala etshumanelo mbala la mbala. Otshikitanu ɔsɔ wamboshila la salema. Ɔnkɔnɛ, ndoko ɔkɔkɔ w’onto sala nto abɔnɛma wendana la periodikɛ yaso to. Bɛtɛlɛ hatetawɔ nto abɔnɛma ɛsɔ. Lâsɔ, aya bu nto ohomba wa kamba l’ɔnɔngɔ wofundjiwɔ ‘ABTS’ lo Fishi k’Opandjudi (S-21). Ndo nto, fishi k’oyoyo (S-21) kayanga kambaka la sekeletɛlɛ ya tshumanelo lo ngɔndɔ yayaye honga l’ɔnɔngɔ ɔsɔ.
◼ Tshoto y’Etangelo ya Ngɔndɔ ka Dikumi 15, 2002, yayonga la sawo diata ɔnɛ “Akɔna Ele lo Kiɔkɔ y’Akambo wa Kɔlɔ?” Lo menda ohomba wa wombola ɔsɔ, etshumanelo tshɛ ayolongola lofulo la lâdiko la pursa 20 la numɛlɔ kɛsɔ.
◼ Bɛtɛlɛ hatɔlɛmiya kɔmandɛ k’ekanda kosadi opandjudi lo ndamɛmɛ. Omendji-walɔmbɔla pombaka nɔngɔsɔla dia diewoyelo mbishamaka la ntondo ka tomɛ Bɛtɛlɛ kɔmandɛ k’ekanda w’etshumanelo woho w’onto tshɛ lalanga kondja ekanda ande ndamɛ mbisha ɔnangɛso lendana l’awui w’ekanda kɔmandɛ kande. Tanyohɛke dikambo di’ekanda watɔlɔmbamaka paka lo yoho ya lânde.