Ekongelo Ka Losanganya L’olimu
Lomingu la Ngɔndɔ ka Dikumi 14
Min. 10: Waewoyelo. Waewoyelo w’oma l’Olimu Aso wa Diolelo. Keketsha anto tshɛ dia vɔ tenda bandɛ vidɛo Les jeunes s’interrogent. . . Comment se faire de vrais amis ? dia vɔ ndjalɔngɔlɔsa l’ɔkɛtshanyelo wa lo Losanganya l’Olimu la Ngɔndɔ ka Dikumi 28. Lo kamba l’alako wa lo lɛkɛ 8, sala bɛnyɛlɔ dihende diɛnya woho wa mbisha anto Tshoto y’Etangelo ya Ngɔndɔ ka Dikumi 15 ndo Réveillez-vous! wa Ngɔndɔ ka Dikumi 22. Lo ɛnyɛlɔ tshɛ, ɛnya toho totshikitanyi ta mbekola wekamu naka onto ona dia komiya sawo lo mbuta ate: “Dimi mbeyaka olimu anyu dimɛna.”—Enda lo biukubuku Woho wa Tatɛ ndo Tetemala lɛkɛ 12.
Min. 15: Ehomba wa l’etshumanelo.
Min. 20: “Woho Wayasha Emendji wa Wekelo wa Dibuku wa l’Etshumanelo le So.” Ɔkɛtshanyelo wa wembola l’ekadimwelo wayosalema oma le omendji wa Wekelo wa Dibuku wa l’Etshumanelo. Lo ɛtɛkɛta ayɛ wa mbɔtwɛlɔ, ɛnya lo tshena pe woho wakatɔngɔ ekongelo ka wekelo wa dibuku. (jv 237 od. 4) Talɔngɔsɔdi la ntondo di’apandjudi ahende kana asato mbuta nganɛ wambowokondja wahɔ oma lo woho wayasha omendji wa Wekelo wa Dibuku wa l’Etshumanelo le wɔ.
Osambo 65 ndo dɔmbɛlɔ dia ndjihelo.
Lomingu la Ngɔndɔ ka Dikumi 21
Osambo 206
Min. 10: Waewoyelo. Alapɔlɔ wa falanga.
Min. 35: “Tokondja Wahɔ Efula oma lo Losanganya la Distrikɛ Lele l’Ɔtɛ a Dui ɔnɛ, ‘Apandjudi wa Diolelo Wele l’Ohetoheto.’ ” Ayosalema oma le ɔnɔmbɔdi wa wekelo wa Tshoto y’Etangelo. L’ɔkɔngɔ wa mbɔtwɛlɔ ka minitɛ ɔtɔi, lɔmbɔla ɔkɛtshanyelo wa l’ampokami w’ekongelo ka losanganya la distrikɛ lo kamba la wembola wele lo sawo. Enda wonya ayɛ dimɛna. Wɛ koka kamba la kɔmatɛrɛ ya tomondo dia mbohola ampokami awui w’ohomba. Naka kokaka, mbola ampokami ngande wakambawɔ la kɛnɛ kakaweke ndo ɛlɔlɔ akɔna wambowokondja lo sala dikambo sɔ.
Osambo 194 ndo dɔmbɛlɔ dia ndjihelo.
Lomingu la Ngɔndɔ ka Dikumi 28
Min. 8: Waewoyelo. Keketsha anto tshɛ dia vɔ vusola nɔtɛ yakawɔshi lo losanganya la lânde la lushi ɔtɔi woho wa vɔ ndjalɔngɔsɔla l’ɔkɛtshanyelo wayosalema lo Losanganya l’Olimu la lomingu layaye. Ohola apandjudi dia vɔ kimɔ alapɔlɔ w’olimu wa Ngɔndɔ ka Dikumi. Lo kamba l’alako wa lo lɛkɛ 8, lɔmba kadiyɛso kɛmɔtshi dia mɛnya woho wa mbisha anto Tshoto y’Etangelo ya Ngɔndɔ ka Dikumi l’Ɔtɔi 1 ndo ɔnangɛso ɔmɔtshi ɛnya woho wa mbisha anto Réveillez-vous! wa Ngɔndɔ ka Dikumi l’Ɔtɔi 8. L’ɔkɔngɔ w’ɛnyɛlɔ tshɛ, ɛnya dui dimɔtshi di’ɔlɔlɔ diakawakambi la diɔ lo mbɔtwɛlɔ.
Min. 12: Akambo wendana l’etshumanelo kanyu. Lɔmba ampokami dia vɔ mbuta awui wakahomana la wɔ lam’akawatatshɔka kana l’amakawayakalolaka oma lo losanganya la distrikɛ, lo losanganya lakɔ, kana lo sambisha lo tshakitudi lo dihole di’olimu, la kalasa, lo lobingu kana lo waaso akina.
Min. 25: “Lowando la l’Otema Ɔtɔi!” Sala mbɔtwɛlɔ kahakoke kânga minitɛ ɔtɔi. L’odingɔ 1, sha ampokami diaaso dia vɔ kotsha kɔmatɛrɛ mɔtshi ya tomondo yendana la bandɛ vidɛo Les jeunes s’interrogent. . . Comment se faire de vrais amis ? Oma lâsɔ, ko wɛ tatɛ kɛtshanya l’ampokami dimbola tshɛ diele l’odingɔ 2-7.
Osambo 41 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ɔtɔi 4
Min. 10: Waewoyelo. Lo tshena pe, vusola alako wele lo dikatshi di’okotsha di’Olimu Aso wa Diolelo wa Ngɔndɔ ka Ntondo 2002, wɛnya woho wa mbisha anto biukubuku Katɔlɔmba la dibuku Ewo. Sala ɛnyɛlɔ ka mbɔtwɛlɔ ɔtɔi.
Min. 13: Hatoke Lokumu l’Ɔlɔlɔ Sɔnyi. (Romo 1:16) Dikɛnda dimɔtshi amboya le she la dikambo dimɔtshi. Nde halange ndjaeyanya oko Ɔmɛnyi wa Jehowa la wɔma wa nde mɔnyɔma oma le asekande. Ombutshi wa pami ambosha ɔnakɔ losaka lo woho wahandawoshe dikambo sɔ. Nde ambɔkɔndɔlɛ kɛnɛ kakasale Petero mbala kɛmɔtshi l’ɔtɛ wa wɔma wa anyande. (Mat. 26:69-74) Ombutshi wa pami ɔsɔ ambowosha dako diayela nɛ ate: Sho hatohombe pondjo mboka sɔnyi lo woho weso Akristo. (Mako 8:38) Ekɔ dimɛna efula dia wɛ ndjaeyanya lo kalasa oko Ɔmɛnyi. Embetsha efula wayɔlɛmiya dietawɔ diayɛ ndo hawotoyanga dia kɔtshiya l’akambo wɛnayɛ dia wekɔ kɔlɔ, naka vɔ mbeya dikambo sɔ. Mbala mɔtshi ko akɛnda wele la lɔkɛwɔ la kɔlɔ hawotokotshutshuya l’akambo awɔ wa kɔlɔ. Asekayɛ akina wa la kalasa wayoshihodia esadi eto lande na kahayayasha lo waembɔnelo, lo tɔkɛnyɔ tahayayalɔngɔsɔdi dia tshɔ, kana l’elimu ekina wa l’ɔkɔngɔ wa kalasa. Naka wonya wekekɔ, kete ombutshi nde la dikɛnda sɔ wakɛtshanya awui w’ohomba wa l’ɔtɛ a dui wahɔnyi wata ɔnɛ: “Faites la déclaration publique de votre amitié avec Dieu,” lo dikuku Les jeunes s’interrogent, lɛkɛ 315-318. Ɔlɔngɔlɔngɔ kana osekaseka ɔsɔ ambɛnya woho wamondɔngɛnangɛna dako dia dimɛna sɔ.
Min. 22:Nyokitanyiya Nzambi ndo Nyotone Diabolo. (Jak. 4:7) Lo kamba la wembola wele lanɛ l’ɛse, ekumanyi kɛmɔtshi alɔmbɔlɛ ɔkɛtshanyelo wa l’osalosalo tshɛ wendana la losanganya la lânde la lushi ɔtɔi lakasalema l’ɔnɔnyi w’olimu wetshi. Lɔmba ampokami dia vɔ mbuta woho wakawakambe l’awui wakaweke. (Wɛ kokaka tawasha totenyi woho wa vɔ mbeya tayalɔngɔsɔdi la ntondo.) Ka epole ɔsɛkɛ lo tenyi dia losanganya nɛ: (1) “Tokitanyiya Nzambi l’Atei w’Andja Ɔnɛ Wele lo Lɔhɔmbɔ.” Lande na kahombaso sɛna wolo dia mbewɔ tolonga t’andja ɔnɛ? (2) “Tonge l’Okitanyiya Wɔtɔnɛ la Lolango Laki Nzambi l’Atei wa Nkumbo Kaso.” Bonde kele l’atei w’ɔlɔngɔswamelo waki Jehowa ekɔ ohomba efula dia keketsha diɔtɔnganelo dia lam’asa ase nkumbo? Ngande wakokaso sala dikambo sɔ? (3) “Tokimanyiya Ambeki w’Eyoyo dia Vɔ Tshikala Nge lo Wedi wa Jehowa.” Ngande wakokaso kimanyiya eyoyo dia vɔ tondoya ehemba wendana la mbetawɔ kawɔ? (4) “Kɛnɛ Kalembetshiya Tona Diabolo.” Kakɔna kahombama mɛtɛ dia sho shika tanga la ntondo ka Diabolo? Ngande wakoka ɛlɔtɔ wa ta wa lo nyuma woshilami lo Efeso 6:11-18 tokokɛ? (w92 15/5 21-23) (5) “Akɛnda Washika Tanga Dimɛna la Ntondo ka Kanga Kɔlɔ” ndo “Akɛnda Wakitanyiya Awui wa Nzambi Dikambo dia Wahɔ Awɔ.” Naa tolonga tɔmɔtshi takamba la Satana tahomba akɛnda mbewɔ? Ngande watshɔkwama akɛnda lo kitanyiya Jehowa? (w90 1/8 13-14, od. 15-17) (6) “Okitanyiya Wɔtɔnɛ la Lolango Laki Nzambi Mbelaka Ɛlɔlɔ.” Lembetshiya woho wakitanyiya Ɛmɛnyi wa Jehowa ewandji wa lɛɛta, ewandji w’olimu, ewandji wa nkumbo ndo wanɛ walɔmbɔla etshumanelo k’Akristo. Naa waonga wayotokimanyiya dia sala dikambo sɔ?
Osambo 185 ndo dɔmbɛlɔ dia ndjihelo.