Ekongelo Ka Losanganya L’olimu

Lomingu la Ngɔndɔ ka Dikumi l’Ɔtɔi 11

Osambo 183

Min. 10: Waewoyelo. Waewoyelo w’oma l’Olimu Aso wa Diolelo. Lo kamba l’alako wa lo lɛkɛ 8, sala wɛnyɛlɔ ehende wotshikitanyi wɛnya woho wa mbisha anto Tshoto y’Etangelo ya Ngɔndɔ ka Dikumi l’Ɔtɔi 15 ndo Réveillez-vous! wa Ngɔndɔ ka Dikumi l’Ɔtɔi 22. Lo wɛnyɛlɔ ɔmɔtshi lembetshiya oma lɛnɛ akondjama akuta wakɛndjakɛndja olimu aso wakambema l’andja w’otondo.​—⁠Enda lo lɛkɛ 2 la Tshoto y’Etangelo ndo lo lɛkɛ 5 la Réveillez-vous!

Min. 15: Wanɛ Wakasukɛka Ɔtɛmwɛlɔ wa Mɛtɛ lo Nshi ya Ntondo ndo Wanɛ Wosukɛ Nshi Nyɛ. Sawo diɔsami oma lo Tshoto y’Etangelo ya Ngɔndɔ ka Dikumi l’Ɔtɔi 1, 2002, lɛkɛ 26-30, lo Falase.

Min. 20: “Kimanyiya Omendji Ayɛ wa Wekelo wa Dibuku.”a Ayoshama oma le ekumanyi kele omendji wa Wekelo wa Dibuku wa l’Etshumanelo. Etena kakɛtshanyanyu odingɔ 3, kanyodje ndo awui wele lo dibuku Notre ministère, lɛkɛ 70. Andola etshumanelo lo toho tɔmɔtshi ta shikaa tasukɛwɔ ɔlɔngɔswɛlɔ wa wekelo wa dibuku, ndo l’ɔlɔlɔ tshɛ kotola yambalo yawɔ l’akambo wahombawɔ ndjalowanya.

Osambo 114 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ɔtɔi 18

Osambo 78

Min. 10: Waewoyelo. Alapɔlɔ wa falanga. Nyɔkɛtshanya awui wele lo kiombo yata ɔnɛ “Awui w’Amɛna Efula wa Mbadia”

Min. 10: Wembola w’oma le Ambadi. Sawo diayoshama oma le ekumanyi kɛmɔtshi kakoka.

Min. 25: “Ewandji wa Nkumbo​—⁠Nyonge l’Ekongelo k’Ɔlɔlɔ k’Akambo wa lo Nyuma.” L’ɔkɔngɔ wa wɛ sala mbɔtwɛlɔ ka lo tshena pe l’odingɔ 1-3, kɛtshanya l’ampokami awui wele l’odingɔ 4-13. Naka etena kekekɔ, kete adia odingɔ 7, 8, 11, ndo 12. Kɔnya ombutshi ɔtɔi kana ambutshi ahende. Kakɔna kakakimanyiya nkumbo yawɔ dia monga l’ekongelo k’ɔlɔlɔ k’elimu wa lo nyuma? Dikambo sɔ akalɔmbɛ dia vɔ mbidja welo wa ngande? Woho akɔna wakawakondja wahɔ oma lo welo wakawadje ɛsɔ? Kumiya lo mbisha kɔmatɛrɛ ka lo tshena pe k’odingɔ 14.

Osambo 31 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ɔtɔi 25

Osambo 16

Min. 10: Waewoyelo. Atshukanyi wakamba kamɛ l’olimu w’esambishelo wɛnya woho wa kamba l’alako wa lo lɛkɛ 8 dia mbisha anto Tshoto y’Etangelo ya Ngɔndɔ ka Dikumi l’Ahende 1 ndo Réveillez-vous! wa Ngɔndɔ ka Dikumi l’Ahende 8. Omi ayosha Tshoto y’Etangelo, ndo wadi ayosha Réveillez-vous!

Min. 15: “Tewoya Akambo wa Mɛtɛ Wendana la Yeso.”b Dja ndo awui w’oma lo dibuku Kalasa k’Olimu, lɛkɛ 278. Keketsha anto tshɛ dia vɔ mbela abuku awɔ wa Kalasa k’Olimu lo Losanganya l’Olimu la lomingu layaye dia ndjɔkɛtshanya etenyi kele l’ɔtɛ a dui ɔnɛ: “Kalasa Katokimanyiya dia Sala Elimu Woleki Ohomba lo Lɔsɛnɔ.”

Min. 20: “Toyasha la Ngandji Tshɛ le ‘Ana wa Tshike.’ ” Ɔtshiya la sawo dia minitɛ shato di’oma lo dibuku Étude Perspicace, Vɔlimɛ 2, lɛkɛ 459 diendana la woho wɔsa Jehowa ana wa tshike. Oma lâsɔ ko wɛ nɔmbɔla etenyi ka tshikala l’ekimanyielo ka wembola ndo k’ekadimwelo. Ka epole ɔsɛkɛ lo toho ta shikaa takoka anto akina kimanyiya ndo keketshaka ana wa tshike. L’odingɔ 3-4, kosale kɔmatɛrɛ ya lo tshena pe y’oma lo Réveillez-vous! wa Ngɔndɔ ka Dikumi 8,1995, lɛkɛ 8-9.

Osambo 142 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ahende 2

Osambo 213

Min. 8: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Dikumi l’Ɔtɔi. Vusola lo tshena pe mbɔtwɛlɔ kɛmɔtshi kakoka kamba lanyu dia mbisha anto dibuku Onto Loleki Woke.​—⁠Enda l’Olimu Aso wa Diolelo, wa Ngɔndɔ ka Samalo 1998, lɛkɛ 8.

Min. 12: Ehomba wa l’etshumanelo.

Min. 25: “Kalasa Katokimanyiya dia Sala Elimu Woleki Ohomba lo Lɔsɛnɔ.” Ɔkɛtshanyelo wa l’ampokami wayosalema oma le omendji wa kalasa. Lomialomia nsaki k’anto lo kɛnɛ kendana l’ekongelo k’oyoyo ka kalasa kayotatɛ Ngɔndɔ ka Ntondo. Kotola yambalo y’anto l’akambo wele l’“Ekongelo ka Kalasa k’Olimu wa Teokrasi 2003,” lo dikatshi di’okotsha di’Olimu Aso wa Diolelo wa Ngɔndɔ ka Dikumi 2002. Ɛnya kɛnɛ kalɔmbama dia fundja lokombo lo Kalasa k’Olimu wa Teokrasi kɛsɔ, oko wodiɛnyishawɔ lo lɛkɛ 282 la dibuku Kalasa k’Olimu ndo keketsha wanɛ wahatafundja nkombo dia vɔ sala dikambo sɔ, naka wambokotsha kɛnɛ kalɔmbama.

Osambo 127 ndo dɔmbɛlɔ dia ndjihelo.

[Nɔte ka l’ɛse ka dikatshi]