Ovuswelo Wendana La Kalasa K’olimu Wa Teokrasi

Ovuswelo waha mbifola abuku wendana l’awui wakekama lo Kalasa k’Olimu wa Teokrasi lo ndjela asawo wakashama oma lo lomingu la Ngɔndɔ ka Divwa 2 polo Ngɔndɔ ka Dikumi l’Ahende 23, 2002. Nyɔsɛ tɛtshi t’akatshi dia funda ekadimwelo anyu lo ndjela lofulo la wembola wahombanyu kadimola lo yɛdikɔ ya wenya woshami. [Diewoyelo: L’edja kayotshama ovuswelo wa lofunda, paka Bible keto kahombama munandema dia kadimola lo wembola tshɛ. Ahole wotumbi wembola wele l’ekomelo ka wembola ele dia nyokimanyiya woho wa nyu ntsha eyangelo anyu. Esangɔ ɛmɔtshi, numɛlɔ ya ndjɛkɛ la y’edingɔ lo oseka Tshoto y’Etangelo tshɛ hɛnyama.]

Kadimola ɔnɛ Mɛtɛ kana Kema lo ditelo diayela nɛ:

1. Kana yimba lo waonga wa diambo waki Jehowa ekɔ nna di’ohomba efula dia sho ndjasukanya la nde. (Osam. 143: 5) [w00 15/10 lɛkɛ 4 od. 6]

2. Okakatanyelo w’etamba ehende watɛkɛtama l’Ezekiyele 37: 15- 24 wekɔ lo kotshama lo nshi yaso nyɛ la woho ɔnɛ wele lo 1919 akitami w’esɔ wa kɔlamelo wakatshumanyema kamɛ l’ɛlɔmbwɛlɔ ka Kristo, ‘nkumekanga’ ndo ‘onami’ awɔ. [Wadielo wa Bible wa lomingu la lomingu; enda lo w88 15/9 lɛkɛ 25 od. 13.]

3. Kânga mbele amɔnyɔdi wa Bible wakadje tâmu lo kɛnɛ kendana la mɛtɛ ka dibuku dia Danyɛlɛ, emindo wakayoshola wa arkɛɔlɔgɛ l’edja k’ɛnɔnyi ambɛnya hwe dia kɛnɛ katawɔ bu mɛtɛ. [si lɛkɛ 138 od. 4]

4. Etena kokaso dikambo dimɔtshi oma le onto l’oshika kana onto layata dia nde ekɔ l’ewo k’efula, sho bu ndoko l’ɔkɔkɔ w’oshika wa mbuta ɔnɛ dikambo sɔ diekɔ kashi. [w00 1/12 lɛkɛ 29 od. 7-8]

5. Etelo k’ɔnɛ “amvutshi wa totshitshɛ” mɛnyaka woho wele abuku 12 wa komelo wa l’Afundelo w’ase Hɛbɛru bu ohomba efula. [si lɛkɛ 143 od. 1]

6. Amɔsɛ aki ɔmɔtshi l’atei w’“Ana w’apami w’amvutshi” etena kakawete Jehowa ndo kakandotome dia tosambisha la Juda ndo l’Isariyɛlɛ. (2 Nkum. 2: 3) [si lɛkɛ 148 od. 1]

7. Obadiya 16 akatɛkɛta dia wodja w’Edɔmɛ wayolanyema pondjo l’ɔtɛ wa lohetsho lawɔ otsha le ase Juda. (Ob. 12) [Wadielo wa Bible wa lomingu la lomingu; enda lo w89 15/4 lɛkɛ 30, kiombo.]

8. “Ɔtɛkɛta wa pudipudi” watawɔ lo Zefaniya 3:9 mendanaka nto la eokelo k’ɔlɔlɔ k’akambo wa mɛtɛ wendana la Nzambi ndo l’asangwelo ande. [Wadielo wa Bible wa lomingu la lomingu; enda lo w01-OT 1/3 lɛkɛ 18 od. 18.]

9. Ɔkɔkɔ wakayakiyanya Yeso efula l’ekambɔ ka Ngɛtɛsɛmanɛ aki nɛ dia nde akakanyiya woho wele nyɔi kakandahombe mvɔ oko ondjakanyi ayosha Jehowa ndo lokombo Lande l’ekila sɔnyi. (Mat. 26:38; Luka 22:44) [w00 15/11 lɛkɛ 23 od. 1]

10. Lo ɛtɛkɛta wa prɔfɛsiya “ase Filistiya” wanɛ wakakome oko “atshiha a wauhu lu Juda” oko wofundamidiɔ lo Zekariya 9: 6, 7, nembetshiyaka anto wa l’olui w’ɛkɔkɔ ekina wanɛ wambetshama ɛlɔ kɛnɛ oma le ‘ɔhɔmbɔ wa kɔlamelo ndo wa kɛsɔ’ ndo wambolongola lowandji lahombama. (Mat. 24:45) [Wadielo wa Bible wa lomingu la lomingu; enda lo w95-OT 1/7 lɛkɛ 23 od. 14.]

Kadimola lo wembola wayela ɛnɛ:

11. Ngande wakoka ɔkɛndɛ aso wa sambisha mbɛdikama l’ɔkɛndɛ waki l’Ezekiyɛlɛ oko wakinde sɛtɛdi? (Ezek. 33: 1- 11) [Wadielo wa Bible wa lomingu la lomingu; enda lo w88 1/1 lɛkɛ 28 od. 13.]

12. Waa na wɔtɔnɛ ɛlɔ kɛnɛ la weka wa weomu wakɛnyi Ezekiyɛlɛ lo dɔ? (Ezek. 37: 5- 10) [Wadielo wa Bible wa lomingu la lomingu; enda lo w88 15/9 lɛkɛ 24 od. 12.]

13. Djembetelo yakɔna yaleka shikikɛ dia dibuku dia Zekariya diakasambiyama oma le nyuma ka Nzambi? (Zek. 9: 2-4) [si lɛkɛ 169 od. 5]

14. Osomba wakɛnyi Ezekiyɛlɛ lo dɔ alembetshiyawɔ na? (Ezek. 48: 15- 17) [Wadielo wa Bible wa lomingu la lomingu; enda lo w99-OT 1/3 lɛkɛ 27 od. 22.]

15. Lo ndjela kɛnɛ kofundami l’Isaya 2: 2-4 ngande wakokaso mbuta di’akambo weta lo wodja w’Isariyɛlɛ ɛlɔ kɛnɛ hawokotsha prɔfɛsiya ya lo Bible? [rs lɛkɛ 217 od. 2]

16. Wetshelo akɔna wakondjaso lo woho wakasale Danyɛlɛ lam’akadjanga nkumekanga dia lo yɛdikɔ ya nshi 30 anto hawokoke nɔmba Nzambi kana onto okina paka nkumekanga? (Dan. 6: 7- 10) [Wadielo wa Bible wa lomingu la lomingu; enda lo dp lɛkɛ 125 od. 25-8.]

17. Lo sambisha losango lakɔna laki Jehowa lele atshikadi wekɔ lo mbɔsama oko tambwɛ l’atei wa wedja? (Mika 5: 8) [Wadielo wa Bible wa lomingu la lomingu; enda lo w81 15/7 lɛkɛ 23 od. 10.]

18. Kakɔna kalembetshiya etelo k’ɔnɛ, “we akatundula ete w’andoshi andi wa ta la akonga a[wɔ vamɛ],” katanaso lo Habakuka 3:14? [Wadielo wa Bible wa lomingu la lomingu; enda lo w00 1/2 lɛkɛ 22 od. 15; w81 1/8 lɛkɛ 29 od. 6-7.]

19. Tshɛkɛta “ondo” yokambiwɔ layɔ lo Zefaniya 2:3 alangayɔ nembetshiya? [Wadielo wa Bible wa lomingu la lomingu; enda lo w01 1/3 lɛkɛ 10 od.8.]

20. Lo ndjela Zekariya 8: 6, ngande wambosala Jehowa akambo wɛnama oko akambo wa wolo efula lo washo w’anto tatɛ l’ɛnɔnyi 1919? [Wadielo wa Bible wa lomingu la lomingu; enda lo w96-OT 1/1 lɛkɛ 23 od. 18-19.]

Kotsha ditelo diayela nɛ:

21. Sho tɛkɛtaka la Jehowa l’ekimanyielo ka ․․․․․․․․, diele ekɔ nto yoho mɔtshi ya tɛmɔla Nzambi; lo wedi ande, yoho yoleki dimɛna yatɛkɛtande la so k’oma lo tshimbo y’․․․․․․․․. (Osam. 65:2; 2 Tim. 3: 16) [w00 15/10 lɛkɛ 5 od. 2-3]

22. Yeso Kristo kokaka mbɔsama oko Mikaɛlɛ lo mbɛdika Jude 9 la 1 Tesalonika 4: 16, lɛnɛ ele Yeso Kristo akadjanga la “․․․․․․․․”; dia eolwelo tatɛ; ndo nto, lokombo Mikaɛlɛ lalembetshiya “․․․․․․․․ ․․․․․․․․,,” mɛnyaka dia nde mbasala tshɛ dia lowandji laki Jehowa nyindjama ndo nde mbayolanya atunyi waki Nzambi. [rs lɛkɛ 212 od. 1-2]

23. “Edjelo k’olembe wa nongosola la mpika Jerusalema ntu” kakashama lo ․․․․․․․․, aki l’etatelo ka mingu 69 y’ɛnɔnyi yakakomɛ lam’akɛnama Mɛsiya lo ․․․․․․․․. (Dan. 9: 25) [Wadielo wa Bible wa lomingu la lomingu; enda lo dp lɛkɛ 190 od. 20-lɛkɛ 191 od. 22.]

24. Joele 2: 31, lɛnɛ atawɔ dia wonya ayokadimɔ wodjima, mbɔtɔnɛka la Mateu 24: 29, 30, lɛnɛ ɛnyama dia ․․․․․․․․ ayoya oko Ɔna onto la ․․․․․․․․. [si lɛkɛ 147 od. 13]

25. Prɔfɛsiya ka ․․․․․․․․ kendana la Asuriya ndo la kapitalɛ katɔ ․․․․․․․․, mɛnyaka losembwe la Jehowa ndo woho wahemende lâdiko dia tshɛ ndo toshaka eshikikelo dia Jehowa ayosha anto tshɛ wa kɔlɔ kɛnɛ kɛdimi lawɔ. [si lɛkɛ 160 od. 11]

Ekɛ oshidi l’ekadimwelo wa mɛtɛ wa lo ditelo diayela nɛ:

26. Dibuku dia Ezekiyele tɛtɛka dia Jehowa ekɔ (lokaho; la ndjakitshakitsha; ekila) ndo dɔ mbewoyaka dia (woho wakoka onto pamia lɔkɛwɔ lande; okidiamelo wa lokombo la Jehowa; monga osukanyi w’ɔlɔlɔ) ekɔ dikambo dioleki oseka dikambo dikina tshɛ ohomba. [si lɛkɛ 137 od. 33]

27. Ezekiyɛlɛ, lakasɛnaka l’etena kamɛ nde la Danyɛlɛ, shikikɛka dia Danyɛlɛ aki onto la mɛtɛ lo mboshila kamɛ l’anto wele oko (Nɔa ndo Jɔbɔ; Mɔsɛ ndo Jashua; Elidja ndo Elisha). [si lɛkɛ 138 od. 2]

28. Lo ndjela Danyɛlɛ 2: 34, 35, 45, dive diakawɛdjawɛdja lohingu ndo lietɛ otoko ekɔ (Aramangɛdɔna; nsango ya wolo y’elombwelo yasambisha ekambi waki Nzambi; Diolelo dia Mɛsiya). [si lɛkɛ 142 od. 20, 23]

29. Wodja wa ɛndjɔ wa didjidji watɛkɛtama lo Joele 1: 4-6 mɛnyaka (wodja w’Isariyɛlɛ; Akristo w’akitami w’esɔ; alembe w’ase Rɔma). (Etsha 2: 1, 14- 17) [Wadielo wa Bible wa lomingu la lomingu; enda lo w98-OT 1/5 lɛkɛ 15 od.9.]

30. “Diulelu dia On’andi la ngandji” diatɛkɛtama lo Kolosai 1: 13 ekɔ (Diolelo dia Mɛsiya; Woho wôlɛ Kristo etshumanelo k’Akristo tatɛ oma lo Pɛntɛkɔsta ka l’ɔnɔnyi 33 T.D., polo ndo nshi nyɛ; Ɛlɔmbwɛlɔ k’Ɛnɔnyi Kinunu Kaki Kristo). [rs lɛkɛ 341 od. 4]

Ɔtɔnganyiya ditelo diayela nɛ l’avɛsa anɛ:

Hos. 6:6; Joe. 2:32; Zek. 4:​6, 7; 13:3; Romo 12:2

31. Sho pombaka mbewɔ dia mbekelo kana akambo wa l’andja ɔnɛ monga la shɛngiya l’ekanelo kaso ka yimba. [w00 1/11 lɛkɛ 21 od. 5]

32. Kɛnɛ kangɛnyangɛnya Nzambi, aha lokema l’elambo wa l’ɛlɔmɔ, koko ngandji ka kɔlamelo koki etshina oma lo monga l’ewo kande. [Wadielo wa Bible wa lomingu la lomingu; enda lo si lɛkɛ 145 od. 16.]

33. Mbeya, nɛmiya, ndo ndjaɛkɛ tshɛ le Nzambi ekɔ ohomba efula di’onto kondja panda. [Wadielo wa Bible wa lomingu la lomingu; enda lo w89 15/3 lo kiombo ya lo lɛkɛ 30.]

34. Lolango laki Nzambi lekɔ lo kotshama aha lo wolo wele l’anto koko lo wolo wa nyuma kande, nyuma kakimanyiya ekambi ande dia tondoya ekakatanu wele oko akona ndo kakimanyiya dia tetemala l’olimu waki Nzambi. [si lɛkɛ 169 od. 2]

35. Kɔlamelo yele l’ekambi waki Nzambi otsha l’ɔlɔngɔswamelo ande ndeka la fwa diɔtɔnganelo tshɛ diakoka anto monga ladiɔ, kânga diɔtɔnganelo diele lam’asa ana w’otema ɔtɔi. [si lɛkɛ 171 od. 24]