Waewoyelo

◼ Ekanda wayotosha anto Ngɔndɔ ka Dikumi l’Ahende: Onto Loleki Woke lo Tena Tshɛ. Ekanda ekina wakoka kahanyema: Buku di’Ɛkɔndɔ wa lo Bible kana La Bible: Parole de Dieu ou des hommes?, kana Kokaka We Monga la Loseno la Pondjo lo Paradiso ka la Kete. Ngɔndɔ ka Ntondo: Dibuku tshɛ diele la ndjɛkɛ 192 diakatombe la ntondo k’ɔnɔnyi 1988 diatanema lo eombelo k’etshumanelo koka kahanyema. Tshumanelo diele kema l’abuku w’edjedja wele la ndjɛkɛ 192, mbeyaka kahanya dibuku L’humanité à la recherche de Dieu. Ngɔndɔ ka Hende: Tayokahanya dibuku di’oyoyo diele l’ɔtɛ a dui ɔnɛ: Approchez-vous de Jéhovah. Ngɔndɔ ka Sato: Ewo Katɔla Otsha lo Lɔsɛnɔ la Pondjo. Weolo wa lânde wayodjama dia tatɛ mbeka l’anto Bible.

◼ Akatshi wa leeta wa Eohwelo w’ɔnɔnyi wa 2003 wayotomama lo tshumanelo tshɛ ntondotondo l’ɔtɛkɛta watɛkɛtama l’etshumanelo kakɔ. Akatshi wa leeta wa Eohwelo wayotanema lo Falase, lo Kiluba, lo Kisahidi, lo Lingala, lo Monokutuba, l’Oluba, l’Ɔtɛtɛla ndo l’Uruund.

◼ Lam’alanganyu tambonyewoya dia Eohwelo ka l’ɔnɔnyi 2004 kayosalema Lushi la Lomingu, Ngɔndɔ ka Nɛi 4, l’ɔkɔngɔ wa ɛɔtwɛlɔ ka wonya. Datɛ sɔ diambewoyama la ntondo di’anangɛso talɔngɔsɔdi ahole wa ndjosala losanganya lakɔ kana tafute mvudu nkina lo ahole wele tshumanelo efula mbɔtɔka lo Mbalasa ka Diolelo kakɔ ɔtɔi. Dikumanyi pombaka tokanyi l’akanga wa mvudu dimɛna di’aha vɔ ndjâfukutanya l’elimu ekina etena kɛnɛ kewɔ lo sala Eohwelo lo ki. Lo menda ohomba wa dikambo sɔ, lam’asɔnawɔ ɔnɛ layosha dako di’Eohwelo, olui wa dikumanyi wayɔsɔna ekumanyi kɛmɔtshi ka manamana lo dihole dia mengɔnyaka kana mbɔsaka paka onto lakɔ lâmɛ ɛnɔnyi tshɛ. Naka ekumanyi kɛmɔtshi kakoka kele okitami w’esɔ ekɔ l’etshumanelo kanyu kete nde mbeyaka mbishaka dako sɔ.

◼ Apandjudi tshɛ wambobatizama wayonga lo Losanganya l’Olimu lomingu la Ngɔndɔ ka Ntondo 6, wayolongola kartɛ ka Instructions médicales/Attestation prévionnelle ndo Documents d’identité médicaux dikambo di’anawɔ.

◼ Tshumanelo efula diekɔ lo nɔmba lofulo l’efula la dibuku Tirez Profit de l’École du ministère théocratique. Tambolanga nyohola dia dibuku di’oyoyo nɛ pombaka mbishama paka le anto wele ambeki lo Kalasa k’Olimu wa Teokrasi, koko aha le anto wele watafundja nkombo lo kalasa kɛsɔ. Kam’ayodiokoma l’ɔtɛkɛta walɔmbwama nsanganya l’etshumanelo tshɛ, tayonyotomɛdiɔ.

◼ Otshikitanu ɔmɔtshi wambosalema lo yoho yahomba nɔmbwamaka Kalasa k’Olimu wa Teokrasi lo wendelo w’omendji w’otshimbedi. Tatɛ oma lo Ngɔndɔ ka Ntondo 2003, l’ɔkɔngɔ w’osambo ndo wa dɔmbɛlɔ dia ndjihwelo, kalasa kayɔlɔmbwamaka l’edja ka minitɛ suke la 25. Ayonga sawo dia minitɛ tshanu diendana la dionga dimɔtshi di’ɔtɛkɛtshi, ko sawo dia wetshelo dia minitɛ dikumi ndo awui w’ohomba wa lo Bible l’edja ka minitɛ dikumi. Sawo No. 2, 3, ndo 4 hatoshamaka. Kalasa kɛsɔ kayoyelana la Losanganya l’Olimu layosalema l’edja ka minitɛ akumi asato. L’ɔkɔngɔ w’osambo, nyayoyela etenyi ka minitɛ akumi asato kayoshama oma le omendji w’otshimbedi, oma lâsɔ k’osambo ndo dɔmbɛlɔ dia ndjihelo.

◼ Ekanda w’Eyoyo Watanema:

Falase: La Prophétie d’Isaïe, lumière pour tous les humains II​—⁠L’Alɛta a Weke.

Kiluba ndo Ɔtɛtɛla: Onde Wɛ Ekɔ l’Anima Wahavu? (Traktɛ No. 25).

Kisahidi: Tɛmɔla Nzambi Ɔtɔi ka Mɛtɛ.

Lingala ndo Oluba: Tɛmɔla Nzambi Ɔtɔi ka Mɛtɛ; Onde Wɛ Ekɔ l’Anima Wahavu? (Traktɛ No. 25).

Monokutuba: Jehowa: Ênde Na? (Traktɛ No. 23); Yeso Kristo: Ênde Na? (Traktɛ No. 24).

◼ Bandɛ Vidɛo Yatanema:

Ɔtɛkɛta w’Akanga Mpoke w’ase Amɛrikɛ: Buku di’Ɛkɔndɔ wa lo Bible (Vɔlimɛ 2 ndo 3).