Ekongelo Ka Losanganya L’olimu

Lomingu la Ngɔndɔ ka Dikumi l’Ahende 9

Osambo 193

Min. 12: Waewoyelo. Waewoyelo w’oma l’Olimu Aso wa Diolelo. Lo kamba l’alako wa lo lɛkɛ 8, sala wɛnyɛlɔ wɛnya woho wa mbisha anto Tshoto y’Etangelo ya Ngɔndɔ ka Dikumi l’Ahende 15 ndo Réveillez-vous! wa Ngɔndɔ ka Dikumi l’Ahende 22.

Min. 15: “Tosambisha Losango la Diolelo.”a Naka nyambokoma l’odingɔ 3, ko wɛ mbisha yema y’alako wɛnya woho wa mbadiaka mbala kakɔ ɔtɔi oma lo Bible etena kasambishaso lokumu l’ɔlɔlɔ.​—⁠km 12/01 lɛkɛ. 1, od. 3.

Min. 18: Nyɔtɔ Elowa l’Elimu Tshɛ w’Ɔlɔlɔ. Dako ndo ɔkɛtshanyelo l’ampokami. Diɔ diayoshama oma l’ekumanyi kɛmɔtshi. Sɛdingola ɔkɔndɔ ndo ohamelo w’etshumanelo kanyu ndo welo wakadjama di’etshumanelo kakɔ mbatema. Talɔngɔsɔdi la ntondo di’anto amɔtshi waki l’etena kakɔ mbuta akambo amɔtshi wakeketsha wakawɛnyi. Nyɔsɛdingole akambo wɛnya di’etshumanelo koka nyomohama nto ndo keketsha anto tshɛ dia vɔ sukɛ elimu wa l’etshumanelo l’ohetoheto.

Osambo 119 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ahende 16

Osambo 29

Min. 10: Waewoyelo. Alapɔlɔ wa falanga. Ewoya tɛdikɔ ta lânde tambɔsama lo kɛnɛ kendana l’olimu w’esambishelo lo Ngɔndɔ ka Dikumi l’Ahende 25 ndo Ngɔndɔ ka Ntondo 1.

Min. 15: Wanɛ Wele la Shɛnɔdi Wayoshihodia. (Dan. 12:​3, 10) Sala wɛnyɛlɔ ɔmɔtshi. Onto ɔmɔtshi layasha l’awui wa Bible amombola ate: “Ngande wakokami ndjashikikɛ dia nyu shihodiaka dimɛna kɛnɛ ketsha Bible?” Opandjudi alembetshiya woho wa kamba la shambu ya tatɛ l’ɛtɛ w’awui etena kasalaso eyangelo w’awui wa lo Bible. (w96 1/7 lɛkɛ 19-20) Lo kamba l’ɛnyɛlɔ ɔtɔi kana dihende di’oma lo dibuku, Comment raisonner, lɛkɛ 403-408, nde ɛnya woho wambotoyokoma lo shihodia sangwelo diaki Nzambi diendana la nkɛtɛ lo sɛdingola dimɛna dimɛna avɛsa w’oma l’Afundelo. Opandjudi ambolembetshiya dia shambu yakɔ yamɛ mbakoka kamba laso dia sho shihodia dimɛna wetshelo ekina w’oma lo Bible ndo ambɔlɔmba dia vɔ mbeka Bible.

Min. 20: “Tohɔ Esombe Wele la Kɔlamelo.”b Dja ndo kɔmatɛrɛ y’oma lo Tshoto y’Etangelo ya Ngɔndɔ k’Enanɛi 1, 1994, lɛkɛ 29. Tɛkɛta dia yɛdikɔ yambɔsama dikambo dia wanɛ wele la dikɔmɔ dia vɔ kimɔka alapɔlɔ awɔ w’olimu wele kânga la minitɛ 15 tsho. Lɔngɔsɔla di’anto amɔtshi angana kɔndɔla awui wɛnya ɔnɛ diɔtɔnganelo dia l’esombe wele la kɔlamelo mbelaka ɛtshɔkɔ efula oyadi l’esombe ɛsɔ kana le anto watshɔ dia towawenda.

Osambo 154 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ahende 23

Osambo 148

Min. 10: Waewoyelo. Lo kamba l’alako wele lo lɛkɛ 8, ɛnya woho wa mbisha anto Tshoto y’Etangelo ya Ngɔndɔ ka Ntondo 1 ndo Réveillez-vous! wa Ngɔndɔ ka Ntondo 8. Keketsha anto tshɛ dia vɔ vusola awui wele lo “Wembola w’oma le Ambadi” watanema lo Tshoto y’Etangelo ya Ngɔndɔ k’Esambele 1, 2000, lɛkɛ 30-32 ndo Ngɔndɔ ka Dikumi l’Ɔtɔi 1, 2000, lɛkɛ 30-31 ndo awui wa lo biukubuku Comment le sang peut-il vous sauver la vie? dia vɔ ndjalɔngɔsɔla l’ɔkɛtshanyelo wayosalema lo Losanganya l’Olimu la lomingu la Ngɔndɔ ka Ntondo 6.

Min. 15: Ehomba wa l’etshumanelo.

Min. 20: “Onde Wɛ Mbishaka Lonya di’Alapɔlɔ wa Mɛtɛ w’Olimu Fundama?”c Etena kakɛtshanyanyu odingɔ 2, dja ndo kɔmatɛrɛ y’oma lo dibuku Notre ministère, lɛkɛ 106-108.

Osambo 165 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ahende 30

Osambo 152

Diewoyelo: Tshumanelo hadiohombe sɛkɔla Losanganya lawɔ l’Olimu la lomingu la Ngɔndɔ ka Dikumi l’Ahende 30, mbut’ate lisala la ntondo ka datɛ diele l’ekongelo onyake naka omendji w’otshimbedi ayowaembola lomingu lakɔ. Tshumanelo tshɛ pombaka sɛdingola dikatshi di’okotsha diatɛkɛta awui wa losanganya la distrikɛ paka woho wokongɛmi awui akɔ.

Min. 10: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Dikumi l’Ahende. Naka etshumanelo kanyu kayotshikitanya wenya wa mbɔtɔka nsanganya l’ɔnɔnyi wayaye, kete keketsha anto tshɛ la ngandji tshɛ dia vɔ mbɔtɔka lo nsanganya mbala la mbala lo ndjela ekongelo k’oyoyo ka wenya. Ewoya ekanda wayotosha anto Ngɔndɔ ka Ntondo, ndo ka epole ɔsɛkɛ l’abuku wele lo eombelo k’etshumanelo.

Min. 15: Tɔsɛdingole Dibuku Adorez Dieu. Dako ndo ɔkɛtshanyelo l’ampokami. Lembetshiya yɛdikɔ yambɔsama ya kamba la dibuku di’oyoyo sɔ oko dibuku diahende dia wekelo. (km 6/00 lɛkɛ 4 od. 5-6) Lɔmba ampokami dia vɔ mbisha kɔmatɛrɛ l’awui wele l’okanda ɔsɔ wangɛnangɛnawɔ. Ɛnya dia tenyi dimɔtshi dia lo dibuku nɛ kambaka la wembola ndo l’avɛsa dia tshutshuya ombeki dia nde kana yimba dimɛna l’Ɔtɛkɛta wa Nzambi. Kamba l’ɛnyɛlɔ kele lo lɛkɛ 47-49, odingɔ 13.

Min. 20: “Losanganya la Distrikɛ l’Ɛmɛnyi wa Jehowa la l’Ɔnɔnyi 2003 Lele l’Ɔtɛ a Dui ɔnɛ: ‘Totombole Nzambi.’”d Etenyi kɛnɛ kayosalema oma le sekeletɛlɛ ka l’etshumanelo. Ntondo ka nyu ndjɔsɛdingola awui wa lo dikatshi di’okotsha, tadisha mukanda wa Ngɔndɔ ka Dikumi l’Ahende 15, 2002 wendana la losanganya la woke. Ka epole ɔsɛkɛ l’ɔkɛndɛ wele la sekeletɛlɛ oko wende ɔnɔmbɔdi wa l’etshumanelo wendana l’akambo wa losanganya la woke. Keketsha anto tshɛ la wangasanu dia vɔ tatɛ ndjalɔngɔsɔla kɔlɔmɔ dia mbɔtɔ lo losanganya lɔsɔ.

Osambo 147 ndo dɔmbɛlɔ dia ndjihelo.

Lomingu la Ngɔndɔ ka Ntondo 6

Osambo 67

Min. 5: Waewoyelo.

Min. 23: Ekimanyielo dia Kitanyiya Ɔlɛmbɛ Waki Nzambi Wendana la Dikila. Dako diayoshama oma le ekumanyi ka manamana, diɔ mbɔsama oma l’ekongelo kakatome filialɛ. Sekeletɛlɛ pombaka monga l’ekanda k’ɔlɔlɔ k’akatshi wayela anɛ dia kahɛ anto: Instructions médicales/pas de sang. Apandjudi wambobatizama wayokoka nongola kartɛ kɛnɛ l’ɔkɔngɔ wa losanganya la la dikɔlɔ nɛ, koko AHA kilodja la dikɔlɔ diakɔ. Kartɛ kɛsɔ pombaka ndodjama ndo ndjodjama tosinyatirɛ paka l’ɔkɔngɔ wa Wekelo wa Dibuku wa l’Etshumanelo wa lomingu layela, l’ekimanyielo k’omendji wa wekelo wa dibuku naka ekɔ ohomba. Ambutshi mbeyaka mbɔsa Document d’identité médical dikambo di’anawɔ. Apandjudi wahatabatizama koka funda awui awɔ hita ndo wendana l’anawɔ ko mbɔtɔnganyiya kɛnɛ kofundjiwɔ lo kartɛ la eongelo kawɔ ndo la dietawɔ diawɔ vamɛ.

Min. 17: “Wɛ Pombaka Menda Bandɛ Vidɛo No Blood​—⁠Medicine Meets the Challenge.” Etenyi kɛnɛ kayoshama oma l’ekumanyi kɛmɔtshi kakoka. Tatɛ kɛtshanya mbala kakɔ ɔtɔi awui wele lo bandɛ vidɛo No Blood wɛ l’ampokami lo kamba la wembola wele lo kiombo yele lo lɛkɛ 7. L’ekomelo, adia odingɔ wa komelo wa lo kiombo shɔ. Naka nyu bu la bandɛ vidɛo kɛnɛ, kete nyu koka kamba l’awui wele lo biukubuku Comment le sang peut-il vous sauver la vie?, lɛkɛ 5-17, 19, 29.

Osambo 79 ndo dɔmbɛlɔ dia ndjihelo.

[Nɔte ka l’ɛse ka dikatshi]