Waewoyelo

◼ Ekanda wayotosha anto Ngɔndɔ ka Ntondo: Dibuku tshɛ diele la ndjɛkɛ 192 diakatombe la ntondo k’ɔnɔnyi 1988 mbeyaka mbishama. Tshumanelo diele kema l’abuku w’edjedja wele la ndjɛkɛ 192 mbeyaka mbisha anto dibuku Y a-t-il un créateur qui se soucie de vous? kana La Bible: Parole de Dieu ou des hommes ? Ngɔndɔ ka Hende: Tayosha anto dibuku di’oyoyo diele l’ɔtɛ a dui ɔnɛ Approchez-vous de Jehovah. Ngɔndɔ ka Sato: Ewo katɔla lo Lɔsɛnɔ la Pondjo. Weolo wa lânde wayodjama dia tatɛ mbeka l’anto Bible. Ngɔndɔ ka Nɛi ndo ka Tanu: Tayosha anto Tshoto y’Etangelo la Réveillez-vous!. Lam’akalolaso dia tembola anto wayasha l’akambo wa mɛtɛ, mbidja ndo wanɛ watɔtɔka lo Eohwelo kana lo nsanganya nkina y’Akristo koko hawosangana l’etshumanelo, kete nyosale la wolo dia mbasha dibuku Tɛmɔla Nzambi Ɔtɔi ka Mɛtɛ (lo Falase). Weolo wa lânde wayodjama dia tatɛ mbeka l’anto Bible, djekoleko naka amɔtshi l’atei awɔ wamboshilaka la mbeka dibuku Ewo ndo biukubuku Katɔlɔmba.

◼ Tatɛ oma lo Ngɔndɔ ka Hende, ndo la ntondo ka Ngɔndɔ ka Sato 2, emendji w’etshimbedi wayosha sawo dia lo sɛkɛ di’oyoyo diele l’ɔtɛ a dui ɔnɛ “Tambotshungɔ oma lo Wodjima wa l’Andja Ɔnɛ.”

◼ Tshumanelo kadiɔsɛ tɛdikɔ t’eshika dia sala losanganya la Eohwelo ɔnɔnyi ɔnɛ Lushi la Sato, Ngɔndɔ ka Nɛi 16, l’ɔkɔngɔ wa ɛɔtwɛlɔ ka wonya. Wetshetshelo wa mapa la vinyɔ pombaka tatɛ paka l’ɔkɔngɔ wa ɛɔtwɛlɔ ka wonya, oyadi kânga dako diakame esadi. Nyende dimɛna oshidi wɔtɔ wonya lo ngelo kanyu. Kânga mbele ndeka dimɛna dia etshumanelo l’etshumanelo sala Eohwelo lânde, aha nshi tshɛ mbatokokaka dikambo sɔ salema. L’ahole wele tshumanelo efula diekɔ lo mengɔnya Mbalasa ka Diolelo ɔtɔi, ondo ayokoka dia etshumanelo ɔtɔi kana efula l’atei adiɔ tosala losanganya lɔsɔ l’ahole akina la dikɔlɔ diakɔ. Lɛnɛ ele dikambo sɔ kokaka salema, vɔ kokaka tshika oko minitɛ 40 l’asa losanganya la losanganya di’onto tshɛ kondja ɛlɔlɔ w’oma lo losanganya lɔsɔ. Kanyokanane lo dikambo dia tshikanɛ ahole wa mbeta ndo wa memadja mitutu kana mbɛkɛ akalo. Olui wa dikumanyi kawɔsɛ tɛdikɔ tayoleka monga ɔlɔlɔ le etshumanelo.

◼ Tatɛ oma lo numɛlɔ kɛnɛ, listɛ l’ekanda w’eyoyo haloyotomba nto l’Olimu Aso wa Diolelo. Mukanda wele l’ɔtɛ a dui ɔnɛ “Diewoyelo le Tshumanelo Tshɛ,” diayewoyaka ekanda w’eyoyo watanema wayotomamaka lo tshumanelo ngɔndɔ tshɛ. Tambonyohola dia kam’ayonyolongolaka mukanda ɔsɔ, diewoyelo diayoshamaka lo Losanganya l’Olimu la mbala kayaye lo kɛnɛ kendana l’ekanda wakoka etshumanelo kanyu monga lawɔ ohomba. Oma lâsɔ, nyu mbeyaka panɛ diewoyelo sɔ lo dibaya dia waewoyelo. Ndo nto, okambi w’olimu wendana l’awui w’ekanda pombaka momba diewoyelo sɔ lo eombelo kande.