Ekongelo Ka Losanganya L’olimu

Lomingu la Ngɔndɔ ka Ntondo 13

Osambo 69

Min. 10: Waewoyelo. Waewoyelo w’oma l’Olimu Aso wa Diolelo. Lo kamba l’alako wa lo lɛkɛ 4, sala wɛnyɛlɔ ehende wotshikitanyi wɛnya woho wa mbisha anto Tshoto y’Etangelo ya Ngɔndɔ ka Ntondo 15 ndo Réveillez-vous! wa Ngɔndɔ ka Ntondo 22. Lo wɛnyɛlɔ tshɛ, paka mbisha onto periodikɛ yakɔ hiende, kânga mbele awui wa lo periodikɛ ɔtɔi mbayoyɔtɛkɛta.

Min. 20: Waketawɔ Ɔtɛkɛta l’Ɔtɛ wa Lɔkɛwɔ l’Ɔlɔlɔ Lakawɛnyi. Dako ndo ɔkɛtshanyelo l’ampokami. Lɔkɛwɔ l’ɔlɔlɔ l’Akristo ekɔ esambishelo ka woke. Lɔ lakatshutshuya atshukanyi amɔtshi waha ambetawudi dia koma atɛmɔdi wa Jehowa. (1 Pet. 3:​1, 2) Kɔndɔla ɛkɔndɔ wa lo Tshoto y’Etangelo ya Ngɔndɔ ka Ntondo 1, 1999, lɛkɛ 4; ya Ngɔndɔ ka Dikumi 1, 1995, lɛkɛ 22-23; ndo Annuaire 1995 lɛkɛ 46. Talɔngɔsɔdi la ntondo di’anto ahende kana asato mbisha yema ya kɔmatɛrɛ lo kɛnɛ kendana l’etombelo w’ɔlɔlɔ wakawɛnyi lo kitanyiya alaka wa lo Bible wendana la dikambo sɔ.

Min. 20: “Tokotsha Dɔkɔkɔlɔ Diendana la Ndjakimɔ Kaso.”a L’ɔkɔngɔ wa nyu sɛdingola awui wa l’odingɔ 3, kɔnya lo tshena pe ɔlɔngɔlɔngɔ kana dikɛnda dimɔtshi di’ɛnɔnyi dikumi l’ɛmɔtshi diambobatizama. Ehemba akɔna wambohomana lande tatɛ oma lo batismu kande? Kakɔna kakokimanyiya dia tondoya ehemba ɛsɔ? Ɛlɔlɔ akɔna wamondokondja oma lo kimɔ lɔsɛnɔ lande le Jehowa?

Osambo 22 ndo dɔmbɛlɔ dia ndjihelo.

Lomingu la Ngɔndɔ ka Ntondo 20

Osambo 44

Min. 8: Waewoyelo. Alapɔlɔ wa falanga.

Min. 15: Onde Wɛ Sɛdingolaka Afundelo Lushi la Lushi? Sawo ndo Ɔkɛtshanyelo l’ampokami. Keketsha anto tshɛ dia vɔ kambaka dimɛna la biukubuku Tɔsɛdingolake Afundelo Lushi la Lushi​—⁠2003. Nyɔkɛtshanya awui wa lo mbɔtwɛlɔ, lo lɛkɛ 3-4. Ɛnyawɔ woho wokoki nkumbo kɛtshanya kamɛ divɛsa dia lushi. Dia mɛnya ɛlɔlɔ waya lo sɛdingolaka divɛsa dimɔtshi lushi tshɛ, nyɔkɛtshanya bɛnyɛlɔ dihende kana sato dia avɛsa wayɔsɛdingɔma lo ngɔndɔ kayaye kamɛ la kɔmatɛrɛ y’avɛsa akɔ. Mbidja ndo wɛnyɛlɔ ɔmɔtshi wa mondo wɛnya woho wasɛdingola wadi l’omi kamɛ divɛsa dia lushi l’ɛlɔ la kɔmatɛrɛ yadiɔ.

Min. 22: “Tetsha Anto Akina Ɔtɛkɛta wa Pudipudi.”b L’ɔkɔngɔ wa nyu sɛdingola odingɔ 6, lɔmba opandjudi ɔmɔtshi wakoka dia nde mɛnya woho wa tatɛ mbeka l’onto Bible lo soko diande naka tambowembola nto, lo kamba la mbɔtwɛlɔ ya lo dikatshi di’okotsha di’Olimu Aso wa Diolelo wa Ngɔndɔ ka Ntondo 2002, lɛkɛ 4. Ɛnya ndo woho wa sɛdingola odingɔ ɔmɔtshi wa lo biukubuku Katɔlɔmba. Lɔmba opandjudi dia nde komiya lo monyiya wombola l’odingɔ wayela ndo nɔmba ɔnɛ lasawola la nde dia vɔ ndjokadimola wombola ɔsɔ mbala kayaye. Keketsha anto tshɛ dia vɔ menda kana anto watshɔwɔ dia tembola kokaka mbetawɔ dia vɔ mbeka Bible lo yoho shɔ.

Osambo 68 ndo dɔmbɛlɔ dia ndjihelo.

Lomingu la Ngɔndɔ ka Ntondo 27

Osambo 92

Min. 10: Waewoyelo. Ohola apandjudi dia kimɔ alapɔlɔ w’olimu. Lo kamba l’alako wa lo lɛkɛ 4, sala wɛnyɛlɔ ehende wotshikitanyi wɛnya woho wa mbisha anto Tshoto y’Etangelo ya Ngɔndɔ ka Hende 1 ndo Réveillez-vous! wa Ngɔndɔ ka Hende 8. Lembetshiya lo tshena pe woho wakokaso kalola dia tenda anto wakatasha periodikɛ.​—⁠Enda Olimu Aso wa Diolelo wa Ngɔndɔ k’Enanɛi 2002, lɛkɛ 8, l’odingɔ 10.

Min. 15: Onde Wɛ Nɛmiyaka Dihole Diayɛ di’Ɔtɛmwɛlɔ?c (w93 15/6 lɛkɛ 28-31) Dako ndo ɔkɛtshanyelo l’ampokami diayoshama oma l’ekumanyi kɛmɔtshi. Dja ndo kɔmatɛrɛ y’oma lo dibuku Notre ministère lɛkɛ 61-62 ndo ya lo Olimu Aso wa Diolelo wa Ngɔndɔ ka Dikumi l’Ɔtɔi, 1999 lɛkɛ 7.

Min. 20: Tokimanyiya Anto Akina dia Ndjasukanya le Jehowa. Sawo ndo ɔkɛtshanyelo l’ampokami. Tayosha dibuku di’oyoyo lo Ngɔndɔ ka Hende. Nyɔkɛtshanya diewoyelo diendana l’ambadi dia lo lɛkɛ 3, ndo ka epole ɔsɛkɛ l’awui amɔtshi wɔtɛkɛtami lo dibuku sɔ. Lo tenyi nɛi dia dibuku sɔ, etenyi tshɛ mbikaka epole ɔsɛkɛ lo dionga dimɔtshi dia woke diaki Jehowa. Etenyi tshɛ ekɔ nto la tshapita mɔtshi yɛnya woho wakakɛnɛmɔla Yeso dionga sɔ ndo la tshapita yɛnya woho wakokaso sala dikambo sɔ. Ekɔ ndjɛkɛ 17 yele l’esato wɛnya awui wakasalema lo nshi yakafundamaka Bible. “Awui wa Kana Lawɔ Yimba” tokimanyiyaka dia kana yimba l’akambo akina w’ohomba wendana la dikambo diɔkɛtshanyemi. Vusola awui wa lo kiombo yele l’ɔtɛ a dui ɔnɛ: “Mbɔtwɛlɔ Yendana la Woho wa Mbisha Anto Dibuku Approchez-vous de Jéhovah,” ndo opandjudi ɔmɔtshi wakoka asale wɛnyɛlɔ l’ekimanyielo ka mbɔtwɛlɔ kɛmɔtshi.

Osambo 124 ndo dɔmbɛlɔ dia ndjihelo.

Lomingu la Ngɔndɔ ka Hende 3

Osambo 9

Min. 15: Waewoyelo. Vusola kiombo yata ɔnɛ Ekadimwelo lo Wembola Anyu.

Min. 12: Tokoya Mbetawɔ Kawɔ. Kɔnya ekumanyi kɛmɔtshi kambokambɛ Jehowa ɛnɔnyi efula la ndjakitshakitsha ndo la kɔlamelo tshɛ. (Heb. 13:⁠7) Woho akɔna wakandeke akambo wa mɛtɛ? Wekamu akɔna wakahomana lande lam’akandɔshi yɛdikɔ ya mbeka akambo wa mɛtɛ? Awui akɔna wa lo nyuma kana ekeketshelo kakɔna kakokimanyiya dia nde tetemala mpama? Kakɔna kakandasale dia nde ndjokoma omendji l’atei w’etshumanelo? (1 Tim. 3:⁠1) Kakɔna kakokimanyiya dia nde monga la wɛdimo lam’asa ɛkɛndɛ wa l’etshumanelo la ɛkɛndɛ ande wa l’emunyi ndo wa lo nkumbo? (1 Tim. 5:⁠8) Ngande wɔsande diɛsɛ dia lânde diele lande dia kimanyiya anto akina wa l’etshumanelo?

Min. 18: “Olimu Walɔmba dia Monga la Ndjakitshakitsha.”d Etena kakɛtshanyanyu odingɔ 3, lɔmba ampokami dia vɔ mbuta woho wakokaso sala naka onto ɔmɔtshi la lo mbilo kaso olanga tosha sɔnyi, tohamwɛhamwɛ, mbidjana laso tâmu, kana momala. Etena kakɛtshanyanyu odingɔ 4, dja ndo kɔmatɛrɛ yele lo dibuku Étude Perspicace des Écritures, Vɔlimɛ 1, lɛkɛ 1158, odingɔ 3. Ɛnya di’olimu w’esambishelo nɔmbaka dia monga la ndjakitshakitsha kânga mbele anto wa lo mbilo kaso hawoleke tona sho sawola la wɔ.​—⁠w02 1/9 lɛkɛ 11.

Osambo 133 ndo dɔmbɛlɔ dia ndjihelo.

[Nɔte ka l’ɛse ka dikatshi]