Ovuswelo W’awui Wakekama Lo Kalasa K’olimu Wa Teokrasi
Wembola wayela ɛnɛ wayɔkɛtshanyema oko ovuswelo wa l’onyɔ wa lo Kalasa k’Olimu wa Teokrasi lomingu la Ngɔndɔ ka Hende 24, 2003. Omendji wa kalasa ayɔlɔmbɔla ovuswelo wa minitɛ 30 w’awui wakekama lo Kalasa k’Olimu wa Teokrasi tatɛ lomingu la Ngɔndɔ ka Ntondo 6 polo lomingu la Ngɔndɔ ka Hende 24, 2003. [Diewoyelo: L’ahole wele bu rɛferansɛ l’ɔkɔngɔ wa wombola, wɛmɛ mbahomba sala eyangelo dia tana ekadimwelo.—Enda lo Kalasa k’Olimu, lɛkɛ 36-37.]
WAONGA W’ƆTƐKƐTSHI
1. Mɛtɛ Kana Kashi: Kɛnɛ kaleka kimanyiya onto dia sala wadielo w’oshika ele ndjashikikɛ di’awui wadiemi wekɔ lo mbokɛma dimɛna, oyadi kânga awui akɔ tshikitana yema la kɛnɛ kofundami. Lembetshiya. [be lɛkɛ 83]
2. Kotsha Tɔtɛkɛta l’Ahole Anɛ: Dia wɛ sala wadielo wa dimɛna, ․․․․․․․․, ․․․․․․․․, ․․․․․․․․ ndo salaka dikambo sɔ la dui dia wolo. [be lɛkɛ 85]
3. Lande na ekɔ ohomba tɛkɛta woho wokɛma hwe? (1 Kor. 14:8, 9) [be lɛkɛ 86]
4. Naa akambo amɔtshi wakoka sala di’aha ɛtɛkɛta mbokɛma hwe, ndo kakɔna kakokaso sala di’awui watɛkɛtaso mbokɛma dimɛna? [be lɛkɛ 87-88]
5. Naa tɔtɛkɛta tɔmɔtshi tokambiso la tɔ lo Kalasa k’Olimu wa Teokrasi ngɔndɔ hiende yetshi tɛnayɛ dia ekɔ ohomba wɛ pemba dia titɛkɛta dimɛna? [be lɛkɛ 92]
SAWO NO. 1
6. Mɛtɛ Kana Kashi: Washo aso kokaka tokimanyiya dia mpokamɛ. Lembetshiya. [be lɛkɛ 14]
7. Kotsha Tɔtɛkɛta l’Ahole Anɛ: ․․․․․․․․, ․․․․․․․․, ndo ․․․․․․․․ vɔ tshɛ kambaka oko diangɔ diakatosha Nzambi dia sho mbɛdikaka wonya. [si lɛkɛ 279 od. 7]
8. Kotsha Tɔtɛkɛta l’Ahole Anɛ: Lo Bible vɔ koka kamba la “lushi” dia nembetshiya etena ka wenya ․․․․․․․․ wenya, ․․․․․․․․ edja k’ɛnɔnyi, ․․․․․․․․ kana edja ka ․․․․․․․․ di’ɛnɔnyi awui watɛkɛtama l’etenyi kokambiwɔ la tshɛkɛta shɔ mbahomba shikikɛ olembetshiyelo ayɔ. [si lɛkɛ 279 od. 8]
9. Ngande wakoka tokimanyiya ɛnyɛlɔ kaki Hana, Makɔ ndo k’Elidja dia ndɔshana l’ɔkɔmwɛlɔ w’otema? Ngande wakokaso kamba la bɛnyɛlɔ sɔ dia kimanyiya anto akina? [w01 1/2 lɛkɛ 20-23]
10. Ngande wele oshihodielo wa woho wakakɛnyamaka tɔkɛnyɔ lo nshi y’edjedja tokimanyiaka dia mana avɛsa amɔtshi wa lo Bible fundo? Shɛngiya yakɔna yahomba monga l’akambo asɔ lo nsɛnɔ yaso? [w01 1/1 lɛkɛ 28-31]
WADIELO WA BIBLE WA LOMINGU LA LOMINGU
11. Mɛtɛ Kana Kashi: Lam’ele Diolelo diaki Nzambi diakashile shikikɛma l’olongo lo 1914, aya ndoko nto ohomba nɔmbaka ɔnɛ, “Diulelu diaye diayi.” (Mat. 6:10) Lembetshiya. [be lɛkɛ 279; w96-OT 1/6 lɛkɛ 31]
12. Mɛtɛ Kana Kashi: Ɛtɛkɛta waki Yeso wele lo Mateu 11:24 nembetshiyaka di’anto wakadiakema oma le Jehowa la dja la Sɔdɔmɔ la Ngɔmɔra wayolwama. Lembetshiya.
13. Sɔna Okadimwelo Wele Mɛtɛ: Ɔhɔmbɔ wa kɔlamelo ndo wa kɛsɔ wakatɛkɛta Yeso lo Mateu 24:45-47 ko (a) Olui-Walɔmbɔla w’Ɛmɛnyi wa Jehowa; (b) Olui w’Akristo tshɛ w’akitami w’esɔ weke lanɛ la nkɛtɛ; (c) Yeso Kristo ndamɛ. Ɔhɔmbɔ ɔsɔ mbishaka ‘anto waki Nzambi’ mbo ya ndɛ ya lo nyuma la wonya, vɔ wekɔ (a) akitami w’esɔ lo mbaɔsa l’onto ndo l’onto; (b) ɛkɔkɔ ekina; (c) ambadi tshɛ w’ekanda w’Akristo. Owandji akakitsha ɔhɔmbɔ ɔsɔ lâdiko wa diangɔ diande tshɛ l’ɔnɔnyi (a) 1914; (b) 33 T.D.; (c) 1919.
14. Sɔna Okadimwelo Wele Mɛtɛ: Ɔtɛi watɛkɛtawɔ l’ɛnyɛlɔ kaki Yeso kele lo Mateu 13:47-50 akendanaka nto la etshumanelo k’Akristo w’akitami w’esɔ ndo (a) Diolelo dia Mɛsiya waki Nzambi; (b) asekawɔ ɛkɔkɔ ekina; (c) Lokristokristo.
15. Lo ndjela ɛtɛkɛta waki Yeso wele lo Mateu 5:24, kakɔna kahombayɛ sala naka wɛ ambɛna dia wɛ ambosalɛ osekayɛ ombetawudi ɔmɔtshi kɔlɔ? [g96 8/2 lɛkɛ 26-27]