Ekongelo Ka Losanganya L’olimu

Lomingu la Ngɔndɔ ka Hende 10

Osambo 4

Min. 10: Waewoyelo. Waewoyelo w’oma l’Olimu Aso wa Diolelo. Kamba l’alako wa lo lɛkɛ 8 ndo sala wɛnyɛlɔ ehende wotshikitanyi wɛnya woho wa mbisha anto Tshoto y’Etangelo ya Ngɔndɔ ka Hende 15 ndo Réveillez-vous! wa Ngɔndɔ ka Hende 22. Lo ɛnyɛlɔ tshɛ, ɛnya yoho ya mbisha onto periodikɛ yakɔ hiende kânga mbele yambalo yayokotɔma paka lo periodikɛ ɔtɔi keto.

Min. 35: “Tosambisha Anto ndo Talembetshiya Akambo Dimɛna.”a Ayoshama oma le omendji w’olimu. Keketsha anto tshɛ wakoka kamba olimu w’ombatshi mboka wa tshanda lo Ngɔndɔ ka Sato la ka Nɛi. Lɔmba wanɛ wakakambe oko ambatshi mboka wa tshanda lo nshi ya Eohwelo ya mbala ketshi dia vɔ mbisha kɔmatɛrɛ. Ngande wakawayalɔngɔsɔla dia kamba oko ambatshi mboka wa tshanda na? Welo ndo etshikitanu akɔna wakalɔmbɛ dikambo sɔ? Ɛngɛnɔngɛnɔ ndo ɛtshɔkɔ akɔna wakawakondja? Vusola bɛnyɛlɔ dia dikongelo diele lo kiombo ya lo lɛkɛ 4. Ewoya di’onto tshɛ lalanga kokaka kondja dɛmandɛ di’olimu w’ombatshi mboka l’ɔkɔngɔ wa losanganya.

Osambo 30 ndo dɔmbɛlɔ dia ndjihelo.

Lomingu la Ngɔndɔ ka Hende 17

Osambo 48

Min. 10: Waewoyelo. Alapɔlɔ wa falanga. Tɛkɛta di’okanda wayotosha anto lo Ngɔndɔ ka Sato. Kamba la dako ɔtɔi kana ahende wele lo dikatshi di’okotsha di’Olimu Aso wa Diolelo wa Ngɔndɔ ka Ntondo 2002, wahomba kamba lawɔ dia mbisha anto dibuku Ewo. Dja dikako vɔlɛ l’oyango wele laso wa tatɛ mbeka l’anto Bible.

Min. 15: “Onde Wɛ Kokaka Kimɔ Luudu Layɛ?” Sawo diayoshama oma le omendji wa wekelo wa dibuku. Dja ndo kɔmatɛrɛ y’oma lo Ekadimwelo lo Wembola Anyu wa l’Olimu Aso wa Diolelo wa Ngɔndɔ ka Nɛi 2001 ndo Ngɔndɔ ka Divwa 1990. Ɛnya lofulo l’elui wa wekelo wa dibuku wa l’etshumanelo kanyu ndo lofulo la l’atei atei l’anto w’ɔtɔ lo losanganya lɔsɔ. Lɔmba opandjudi ɔtɔi kana ahende dia vɔ mɛnya wahɔ wakondjawɔ vɔ la nkumbo yawɔ lo woho wasalema wekelo wa dibuku lo luudu lawɔ. Onto tshɛ lalanga dia kimɔ luudu lande dia wekelo wa dibuku salemaka pombaka mbewoya omendji walɔmbɔla.

Min. 20: “Dui Diakɔna Dietshayɛ lo Dihole dia Ntondo?”b Talɔngɔsɔdi la ntondo woho w’opandjudi ɔtɔi kana ahende mbisha kɔmatɛrɛ lo woho wakawayalɔngɔsɔla dia vɔ nsala etshikitanu woho wa nyomoleka ndjasha l’olimu w’esambishelo.

Osambo 57 ndo dɔmbɛlɔ dia ndjihelo.

Lomingu la Ngɔndɔ ka Hende 24

Osambo 74

Min. 10: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Hende. Lo kamba l’alako wa lo lɛkɛ 8, sala wɛnyɛlɔ ehende wotshikitanyi wɛnya woho wa mbisha anto Tshoto y’Etangelo ya Ngɔndɔ ka Sato 1 ndo Réveillez-vous! wa Ngɔndɔ ka Sato 8. Lo wɛnyɛlɔ tshɛ, ɛnya yoho ya mbisha periodikɛ yakɔ hiende kânga mbayokotɔma yambalo paka lo periodikɛ ɔtɔi keto.

Min. 15: “Ekimanyielo ka l’Etena Kahombama.” Dako oma le ekumanyi kɛmɔtshi. Ɛnya dimɛna dia weolo wa lânde wadjama dia kimanyiya wanɛ wahayosambisha l’etena k’otale mɛnyaka woho wayakiyanya Jehowa la ngandji lo dikambo di’anto wakinde.

Min. 20: Ɛlɔlɔ Akɔna Wakondjayɛ oma lo Annuaire? Sawo ndo ɔkɛtshanyelo l’ampokami. Ntondotondo, adia ndo kotola yambalo y’anto l’awui w’ohomba wele lo “Mukanda w’oma le Olui-Walɔmbɔla.” Oma lasɔ ko wɛ nɔmba ampokami dia vɔ mbisha kɔmatɛrɛ l’alapɔlɔ ndo l’awui amɔtshi w’ekeketshelo ndo wakeketsha mbetawɔ w’oma l’Annuaire 2002. Keketsha anto tshɛ dia vɔ mbadia Annuaire 2003 oma l’etatelo polo l’ekomelo l’etena kayowoya ndo kamba lawɔ dia kimanyiya ambeki wa Bible woho wa vɔ mbɔtɔnɛ l’ɔlɔngɔswamelo waki Jehowa dimɛna.

Osambo 56 ndo dɔmbɛlɔ dia ndjihelo.

Lomingu la Ngɔndɔ ka Sato 3

Osambo 14

Min. 10 : Waewoyelo. Ɔkɛtshanyelo wa lo tshena pe w’ɔtɛ a dui wata ɔnɛ: “Yɛdikɔ y’Oyoyo Yendana la Bibliɔtɛkɛ ya lo Mbalasa ka Diolelo.” Ɛnya onto layohomba kambaka lo bibliɔtɛkɛ wa lo Mbalasa ka Diolelo.

Min. 15: Ehomba wa l’etshumanelo.

Min. 20: “Onga la Yimba y’Ɔlɔlɔ nɛ di’Ekomelo Kaya Nsuke.”c Lam’ayonyɔkɛtshanya odingɔ wa 3-4, lɔmba apandjudi dia vɔ mbuta eyango wa lo nyuma watawawese nshi nyɛ. Dja ndo kɔmatɛrɛ y’oma lo Dibuku Tɛmɔla Nzambi, lɛkɛ 176.

Osambo 127 ndo dɔmbɛlɔ dia ndjihelo.

[Nɔte ka l’ɛse ka dikatshi]