Ekongelo Ka Losanganya L’olimu
Lomingu la Ngɔndɔ ka Sato 10
Min. 10: Waewoyelo. Waewoyelo w’oma l’Olimu Aso wa Diolelo. Lo kamba l’alako wa lo lɛkɛ 8, sala wɛnyɛlɔ wɛnya woho wa mbisha anto Tshoto y’Etangelo ya Ngɔndɔ ka Sato 15 ndo Réveillez-vous! wa Ngɔndɔ ka Sato 22. Lo wɛnyɛlɔ tshɛ, paka mbisha onto periodikɛ yakɔ hiende, kânga mbele awui wa lo periodikɛ ɔtɔi mbayoyɔtɛkɛta.
Min. 15: “Mɛtɛ lo Kɛnɛ Kendana la Maji, Dɔka ndo la Wetshi.” (Etenyi 1)a Kamba la biukubuku Mboka k’Otsha lo lɔsɛnɔ la Pondjo—Onde Wɛ Ambokitana? lo lɛkɛ 15, 16 (Odingɔ 1-9). Ayosalema oma le ekumanyi kɛmɔtshi ka manamana. Sha diewoyelo lo lomingu la ntondo la losanganya l’Olimu lo nɔmba ampokami dia vɔ nɔngɔsɔla etenyi kɛnɛ ndo dia ndja lushi lakɔ la biukubuku shɔ lo lomingu la Ngɔndɔ ka Sato 24. Adia odingɔ 6-9. Ka epole ɔsɛkɛ ɔnɛ hatohombe monga fumbe y’akambo wa kashi wadianganya Satana. Ekumanyi la dia ndjashikikɛ di’awui tshɛ wɔtɛkɛtshinde wambokɛma dimɛna ndo ɔnɛ anto hawosha kɔmatɛrɛ yele bu mɛtɛ lo kɛnɛ kendana l’awui akɔ. Kɔmatɛrɛ yayɛ ya ndjihelo la dia keketsha ampokami dia vɔ nɔngɔsɔla Etenyi 2 kayɔkɛtshanyema lo lomingu la Ngɔndɔ ka Sato 24.
Min. 20: “Tonge l’Ohetoheto l’Akambo w’Ɔlɔlɔ!”b (Odingɔ 1-12) L’ɔkɔngɔ wa nyu kɛtshanya odingɔ 6 ko wɛ sala wɛnyɛlɔ ɔmɔtshi wa lo tshena pe wɛnya woho wakamba opandjudi ɔmɔtshi la dikatshi dia leeta dia mbeta owotɔ, osukanyi, osekande la lo kalasa, kana osekande la l’olimu ɔmɔtshi lo Eohwelo. Naka akatshi wa leeta watakahanyema, kete vɔ pombaka kahanyema oma l’ɔkɔngɔ wa losanganya.
Osambo 19 ndo dɔmbɛlɔ dia ndjihelo.
Lomingu la Ngɔndɔ ka Sato 17
Min. 10: Waewoyelo. Alapɔlɔ wa falanga.
Min. 15: Onga la Lomba Lam’asɔnayɛ Angɛnyi Ayɛ. Sawo diayoshama oma le ekumanyi kɛmɔtshi. Diɔ mbɔsama oma lo Réveillez-vous! wa Ngɔndɔ ka Hende 22, 1997, lɛkɛ 13, ndo oma l’awui wele l’ɛse k’ɔtɛ a dui wata ɔnɛ: “Angɛnyi wa Kɔlɔ” lo dibuku Comment raisonner à partir des Écritures? lo lɛkɛ 192. Ɛnya woho wendana alako asɔ l’ɛlɔngɔlɔngɔ, l’esekaseka ndo l’epalanga. Ɛnya ɛlɔlɔ wakondja anto lo sɔna angɛnyi awɔ oma l’atei w’anto woka Jehowa ngandji ndo wɛnya dia vɔ salaka la wolo dia kitanyiya wadjango ande.
Min. 20: “Tonge l’Ohetoheto l’Akambo w’Ɔlɔlɔ!”c (Odingɔ 13-26) Sawo diayoshama oma le omendji-walɔmbɔla. Lam’ayonyokoma l’odingɔ 14, ko wɛ sala wɛnyɛlɔ ɔmɔtshi wa lo tshena pe wɛnya woho wambotshɔ ekumanyi kɛmɔtshi dia tembola ɔnangɛso ɔmɔtshi lele l’ɛkɔmɔ l’oyango wa mbokeketsha. Lo wembwelo ɔsɔ, nde ekɔ lo mɛnya ɔnangɛso ɔsɔ nganɛ wakokande mbisha lonya di’etshumanelo sambisha efula lo nshi ya Eohwelo.
Osambo 53 ndo dɔmbɛlɔ dia ndjihelo.
Lomingu la Ngɔndɔ ka Sato 24
Min. 10: Waewoyelo. Lo kamba l’alako wa lo lɛkɛ 8, sala wɛnyɛlɔ wɛnya woho wa mbisha anto Tshoto y’Etangelo ya Ngɔndɔ ka Nɛi 1 ndo Réveillez-vous! wa Ngɔndɔ ka Nɛi 8.
Min. 15: “Mɛtɛ lo Kɛnɛ Kendana la Maji, Dɔka ndo la Wetshi.” (Odingɔ 2)d Kamba la biukubuku Mboka k’Otsha lo Lɔsɛnɔ la Pondjo—Onde Wɛ Ambokitana? lo lɛkɛ 16-18 (Odingɔ 10-17 ndo awui wa lo kiombo yele l’ɔtɛ a dui ɔnɛ: ‘Onde Akanga w’Alɔka Koka Toma Ndjadi?’ lɛkɛ 18). Sawo diayosalema oma le ekumanyi kɛmɔtshi ka manamana. Adia Odingɔ 10-14. Lo kɔmatɛrɛ ya mbɔtwɛlɔ, ohola ampokami awui ahende wa kashi wakatɛkɛtama l’Etenyi 1 wele Satana nangaka di’anto mbaetawɔ. Ekumanyi la dia ndjashikikɛ di’awui tshɛ wɔtɛkɛtshinde wambokɛma dimɛna ndo ɔnɛ anto hawosha kɔmatɛrɛ yele bu mɛtɛ lo kɛnɛ kendana l’awui asɔ. Ɛnya ɛlɔlɔ waya lo kambɛ Nzambi ka mɛtɛ latokokɛ nɛ dia sho kitanyiyaka awui ande.
Min. 20: Ɛmɛnyi wa Jehowa Wekɔ la Shɛngiya y’Ɔlɔlɔ lo Tshunda di’Anto. Sawo ndo ɔkɛtshanyelo l’ampokami. Mbala efula sho kondjaka diaaso dia mɛnya woho wakondja anto ɛlɔlɔ oma l’olimu aso w’esambishelo ndo oma lo lɔkɛwɔ laso. Lɔmba ampokami dia vɔ mbisha kɔmatɛrɛ l’awui wayela anɛ: (1) Sho mbetshaka anto dia kitanyiya ɛlɛmbɛ wa lo Bible wendana la lɔkɛwɔ. (2) Sho mbetshaka anto dia vɔ monga la losembwe ndo nɛmiya ewandji. (3) Sho mbetshaka anto dia diokanelo pombaka monga lam’asa anto wele la nkoho, wedja, ndo atshunda wotshikitanyi. (4) Sho kimanyiyaka anto akina dia vɔ ndowanya lɔsɛnɔ la lo nkumbo yawɔ lo mbakeketsha dia kamba l’alako w’oma lo Bible. (5) Tambetsha nunu di’anto woho wa mbeya mbadia ndo funda. (6) Sho salaka la wolo dia kimanyiya anto akina lam’awakomɛ mpokoso. (7) Sho tekɔ l’ɔnɔngɔ w’anto wakasale la wolo di’ɛtɛmwɛlɔ monga la lotshungɔ laya lawɔ vɔ tshɛ ɛlɔ kɛnɛ.—Enda lo dibuku Prédicateurs, lɛkɛ 699.
Osambo 121 ndo dɔmbɛlɔ dia ndjihelo.
Lomingu la Ngɔndɔ ka Sato 31
Min. 12: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Sato. Ewoya ekanda wayotosha anto lo Ngɔndɔ ka Nɛi. Vusola kiombo yata ɔnɛ: “Tokambe la dibuku Tɛmɔla Nzambi dia Mbeka l’Anto Bible.”
Min. 13: Awui wakahomana l’ase etshumanelo. Lɔmba as’etshumanelo dia mbuta awui wakahomana lawɔ l’olimu w’efula wakawakambe lo Ngɔndɔ ka Sato. Andolawɔ lo welo wakawadje, ndo keketsha anto tshɛ dia sambisha efula lo Ngɔndɔ ka Nɛi lo yɛdikɔ yɛdimi l’akoka awɔ.
Min. 20: “Jehowa Sunganaka Mɛtɛ Tombwama.”e Ka epole ɔsɛkɛ l’ohomba wa Eohwelo. Ɛnya woho wakoka anto mbisha ekimanyielo kawɔ di’anto akina monga lushi lakɔ. Lembetshiya kɛnɛ kakoka salema dia tshɔ tenda anto wahayosambisha dia nomialomia nsaki kawɔ l’olimu w’esambishelo. Lɔmba ampokami dia mbuta awui wakawɛnyi lo Eohwelo ɔnɔnyi wetshi wakâkeketsha.
Osambo 173 ndo dɔmbɛlɔ dia ndjihelo.
Lomingu la Ngɔndɔ ka Nɛi 7
Osambo 191
Min. 10: Waewoyelo.
Min. 15: Woho wa Kana l’Anto Yimba oma l’Afundelo. Ɔkɛtshanyelo l’ampokami. Woho akɔna wakokaso monga la yewo ya kana l’anto yimba lam’eso l’esambishelo? (1) Sho pombaka monga l’ewo k’ɔlɔlɔ k’Afundelo oma l’ekimanyielo ka wekelo wa mbala la mbala w’onto ndamɛ ndo oma lo wɔtwɛlɔ wa nsanganya wa mbala la mbala. (2) Sho pombaka kanaka yimba l’awui wekaso, ndo nyangiayangia akambo wa mɛtɛ oma lo toho totshikitanyi. (3) Sho pombaka nyanga elembetshiyelo k’avɛsa ndo ɛkɔkɔ washa Afundelo lo kɛnɛ kendana l’elembetshiyelo akɔ. (4) Sho pombaka sɛdingola woho wayotolembetshiya avɛsa la ntondo ka weho w’anto wotshikitanyi. (5) Sho pombaka kanyiya woho wakokaso mbisha ɛnyɛlɔ dia nembetshiya akambo amɔtshi.
Min. 20: “Woho Watotshungola Akambo wa Mɛtɛ.”f Dja ndo kɔmatɛrɛ ya lo kiombo yele lo lɛkɛ 6 la Tshoto y’Etangelo ya Ngɔndɔ ka Dikumi 1, 1998. Lɔmba ampokami dia vɔ mbuta woho wambâtshungola akambo wa mɛtɛ w’oma l’Ɔtɛkɛta wa Nzambi.
Osambo 217 ndo dɔmbɛlɔ dia ndjihelo.
[Nɔte ka l’ɛse ka dikatshi]
a Sala mbɔtwɛlɔ kahakoke kânga minitɛ ɔtɔi, ko wɛ ndjeta lo wembola la ekadimwelo.
b Sala mbɔtwɛlɔ kahakoke kânga minitɛ ɔtɔi, ko wɛ ndjeta lo wembola la ekadimwelo.
c Sala mbɔtwɛlɔ kahakoke kânga minitɛ ɔtɔi, ko wɛ ndjeta lo wembola la ekadimwelo.
d Sala mbɔtwɛlɔ kahakoke kânga minitɛ ɔtɔi, ko wɛ ndjeta lo wembola la ekadimwelo.
e Sala mbɔtwɛlɔ kahakoke kânga minitɛ ɔtɔi, ko wɛ ndjeta lo wembola la ekadimwelo.
f Sala mbɔtwɛlɔ kahakoke kânga minitɛ ɔtɔi, ko wɛ ndjeta lo wembola la ekadimwelo.