Ekongelo Ka Losanganya L’olimu
DIEWOYELO: Olimu Aso wa Diolelo ayongaka l’ekongelo ka Losanganya l’Olimu lɔmɔtshi lomingu tshɛ lo Ngɔndɔ k’Enanɛi la ka Divwa. Tshumanelo kokaka tshikitanya ekongelo kakɔ lo woho wahombama dia kondja diaaso dia mbɔtɔ lo Losanganya la Distrikɛ lele l’ɔtɛ a dui ɔnɛ: “Totombole Nzambi.” Naka kokaka, kete nyokambe la minitɛ 15 ya lo Losanganya l’Olimu l’ekomelo lele la ntondo ka nyu mbɔtɔ lo losanganya la woke dia vusola alako w’ohomba wele lo dikatshi di’okotsha di’Olimu Aso wa Diolelo wa ngɔndɔ kɛnɛ wendana la ngelo kanyu. Lo Ngɔndɔ ka Dikumi, Losanganya l’Olimu l’otondo layokongɛma dia mbohola akambo wakatama lo losanganya la distrikɛ. Dia ndjalɔngɔsɔla lo sawo sɔ, onto tshɛ la l’atei aso kokaka mbɔsa nɔtɛ y’ohomba lo losanganya mbidja ndo awui wayondokombola ndjokamba lawɔ lo lɔsɛnɔ lande hita ndo l’olimu w’esambishelo. Oma lâsɔ, sho kokaka ndjalɔngɔsɔla dia ndjolembetshiya woho wakatakambe l’alako akɔ tatɛ lam’akatɔtɔ lo losanganya.
Lomingu la Ngɔndɔ ka Nɛi 14
Min. 15: Waewoyelo. Waewoyelo w’oma l’Olimu Aso wa Diolelo. Kamba l’alako wa lo lɛkɛ 8, dia sala wɛnyɛlɔ ehende wotshikitanyi wɛnya woho wa mbisha anto Tshoto y’Etangelo ya Ngɔndɔ ka Nɛi 15 ndo Réveillez-vous! wa Ngɔndɔ ka Nɛi 22. Lo wɛnyɛlɔ tshɛ, periodikɛ yakɔ hiende mbeyaka mbishama oyadi kânga ɔtɔi oto mbayowosha onto.
Min. 10: Ekadimwelo lo Wembola Anyu. Sawo oma le ekumanyi kɛmɔtshi.
Min. 20: “Tɔhɛtɛ oko Esase.”a Kumiya la sawo dia minitɛ tshanu di’ɔsami oma lo Tshoto y’Etangelo ya ngɔndɔ ka Samalo 1, 1997, lɛkɛ 28-29 odingɔ 8-13. Ka epole ɔsɛkɛ dia mɛnya lande na kahatombe losango la Diolelo oko sheke le anto akina.
Osambo 134 ndo dɔmbɛlɔ dia ndjihelo.
Lomingu la Ngɔndɔ ka Nɛi 21
Min. 10: Waewoyelo. Alapɔlɔ wa falanga.
Min. 15: “Tosangane Kâmɛ dia Tombola Jehowa.”b Kamba la wembola woshami. Keketsha anto tshɛ dia monga lo nshi yakɔ shato ya losanganya, tatɛ Lushi la Tanu polo Lushi la Lomingu la dikɔlɔ. Ka epole ɔsɛkɛ l’ohomba wa kamba l’akambo wekaso lo dihole dia mbokaka tsho. Sɛdingola nɔtɛ kele la diko kendana l’ekongelo ka Losanganya l’Olimu la Ngɔndɔ ka Dikumi, etena kayosalema ovuswelo w’awui w’ohomba wa lo losanganya la distrikɛ. Keketsha anto tshɛ dia mbɔsa nɔtɛ.
Min. 20: “Onto Tshɛ Lakoka Mbetawɔ Dikambo Sɔ Adietawɔ.”c Kɔnya onto ɔtɔi kana anto ahende wakakambe dimɛna etena kakiwɔ enyemba dia tɔla wahɔ wa Diolelo otsha la ntondo. Wate awui amɔtshi wakâkimanyiya dia vɔ ngɛnangɛna olimu awɔ dimɛna.
Osambo 35 ndo dɔmbɛlɔ dia ndjihelo.
Lomingu la Ngɔndɔ ka Nɛi 28
Min. 10: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Nɛi. Kamba l’alako wele lo lɛkɛ 8, dia sala wɛnyɛlɔ ehende wotshikitanyi wɛnya woho wa mbisha anto Tshoto y’Etangelo ya Ngɔndɔ ka Tanu 1 ndo Réveillez-vous! wa Ngɔndɔ ka Tanu 8.
Min. 15: “Tosha Ɛnyɛlo lo Ditshelo di’Ɔlɔlɔ.”d Kamba la wembola woshami. Lembetshiya lande na kele ekɔ ohomba di’onto tshɛ monga la dionga di’ɔlɔlɔ.
Min. 20: “Waendelo w’Eyoyo Konyaka lo Wekelo wa Bible.”e Ayoshama oma le ekumanyi kɛmɔtshi lo kamba la wembola woshami. Lɔmba ampokami dia mbuta lo hiembola awui wakawɛnyi l’olimu w’esambishelo wakoka sukɛ awui watɛkɛtayɛ. Etena kakɛtshanyanyu odingɔ 5, sala wɛnyɛlɔ wele la kɛnyɔ ya la tɔjɛstɛ w’oma lo dikambo dimɔtshi diakete l’ɛtshi kanyu ka nkɛtɛ diakayokonyaka dia tatɛ wekelo wa Bible.
Osambo 89 ndo dɔmbɛlɔ dia ndjihelo.
Lomingu la Ngɔndɔ ka Tanu 5
Min. 10: Waewoyelo. Sala ovuswelo wa lo hiembola w’awui wele l’Olimu Aso wa Diolelo wa Ngɔndɔ ka Nɛi 2002, lɛkɛ 2, l’etenyi kele l’ɔtɛ a dui ɔnɛ: “Tokongɛ Akambo Wayotosala lo Nshi ya Vakashi la Ntondo.”
Min. 20: “Ɔlɔtɔ w’Ɔlɔlɔ Mɛnyaka dia Sho Tombolaka Nzambi.”f Oma le ekumanyi kɛmɔtshi. Kamba la wembola woshishami. Ɔnangɛso ɔmɔtshi leya mbadia dimɛna adia odingɔ tshɛ la dui dia wolo.
Min. 15: Alapɔlɔ wa Dimɛna Mbishaka Ɔngɛnɔngɛnɔ. (Tuk. 15:30) Ɔkɛtshanyelo l’ampokami dia mɛnya kɛnɛ kakasale etshumanelo oma lo welo wa lânde wakadjama lo Ngɔndɔ ka Sato la ka Nɛi. Lɔmba etshumanelo dia mbuta akambo amɔtshi washa ekeketshelo wakawɛnyi l’awui wayela anɛ: (1) kimanyiya onto lakayasha dia mbɔtɔ lo Eohwelo, (2) okambelo w’olimu w’ombatshi mboka wa tshanda, (3) okeketshelo w’opandjudi wahayosambisha dia nde tatɛ nsambisha nto kâmɛ l’etshumanelo, (4) okimanyielo w’opandjudi w’oyoyo dia nde tatɛ sambisha lo sɛkɛ, ndo (5) woho wakawayasha le anto wakɔtɔ lo Eohwelo. Kotalɔngɔsɔdi kɔmatɛrɛ mɔtshi y’endana l’akambo asɔ la ntondo. Andola, ndo keketsha anto tshɛ dia vɔ tetemala mbidja welo akɔ lo nshi yayaye.
Osambo 126 ndo dɔmbɛlɔ dia ndjihelo.
[Nɔte ka l’ɛse ka dikatshi]
a Sala mbɔtwɛlɔ kahakoke kânga minitɛ ɔtɔi ko wɛ ndjeta lo wembola la ekadimwelo.
b Sala mbɔtwɛlɔ kahakoke kânga minitɛ ɔtɔi ko wɛ ndjeta lo wembola la ekadimwelo.
c Sala mbɔtwɛlɔ kahakoke kânga minitɛ ɔtɔi ko wɛ ndjeta lo wembola la ekadimwelo.
d Sala mbɔtwɛlɔ kahakoke kânga minitɛ ɔtɔi ko wɛ ndjeta lo wembola la ekadimwelo.
e Sala mbɔtwɛlɔ kahakoke kânga minitɛ ɔtɔi ko wɛ ndjeta lo wembola la ekadimwelo.
f Sala mbɔtwɛlɔ kahakoke kânga minitɛ ɔtɔi ko wɛ ndjeta lo wembola la ekadimwelo.