Waewoyelo

◼ Ekanda wayotosha anto Ngɔndɔ ka Nɛi la ka Tanu: Tosha anto Tshoto y’Etangelo la Réveillez-vous! Lam’ayosalema wendelo w’eyoyo le anto wakɛnya nsaki mbidja ndo wanɛ wakɔtɔ lo Eohwelo kana l’ɛlɔngɔswɛlɔ ekina wa l’etshumanelo, koko hawɔtɔ lo nsanganya ya l’etshumanelo, tayoleka mona dia mbasha dibuku di’oyoyo Tɛmɔla Nzambi Ɔtɔi ka Mɛtɛ. Pombaka sala la wolo tshɛ dia tatɛ wekelo wa Bible, djekoleko naka anto amɔtshi wakashile la mbeka dibuku Ewo ndo biukubuku Kakɔna Katɔlɔmba Nzambi? Ngɔndɔ ka Samalo: Tayosha anto dibuku Ewo kana biukubuku Katɔlɔmba. Naka anto wasambishaso wambotashilaka la kondja ekanda ɛsɔ, kete sho koka kamba la tobukubuku tokina takoka tanema l’etshumanelo. Ngɔndɔ k’Esambele la k’Enanɛi: Tayosha anto tobukubuku tshɛ tele la ndjɛkɛ 32 l’atei a tɔnɛ tayela: Diulelu ne diayela Paradisu, Doit-on croire à la trinité?, ‘Enda! Dimi Leetɛ Diangɔ Tshɛ Eyoyo,’ Etena Kavɔ Onto Ɔmɔtshi Lalangayɛ, Le nom divin qui demeure à jamais, Ngande Wayalaso Lam’avɔso?, Nyudjase pundju l’ongenongeno la kete!, Onde na Nzambi tokaneka mete ondo?, ndo Quel est le but de la vie? Comment le découvrir?

◼ L’etatelo ka Ngɔndɔ ka Nɛi, totshapa ta losanganya la distrikɛ la l’ɔnɔnyi wa 2003 tayotomama mbala ɔtɔi kâmɛ l’ekanda. Hatonga ohomba sala kɔmandɛ ka totshapa tɔsɔ. Lo ndjela lofulo l’anto lele l’etshumanelo, totshapa tayotomama lo tɔɔmbɔ tele la totshapa 25 lo yɔmbɔ la yɔmbɔ.

◼ Ekɔ ohomba dia Société kondja adrɛsɛ w’eyoyo la numɛlɔ ya telefɔnɛ y’eyoyo yaki emendji-walɔmbɔla tshɛ la waki waa sekeletɛlɛ. Naka otshikitanu ɔmɔtshi wambonga, kete sekeletɛlɛ pombaka funda lo fɔrmilɛrɛ kelɛwɔ “Changement d’adresse du surveillant-président/secrétaire” (S-29) ko tomɛ Société esadi. Kɛsɔ mendanaka ndo l’otshikitanelo tshɛ wa kɔntɛ ka telefɔnɛ ka ngelo.

◼ Sekeletɛlɛ ya tshumanelo pombaka monga l’ekanda k’ɔlɔlɔ ka fɔrmilɛrɛ nyɛ: “Demande d’admission au service de pionnier permanent (S-205) ndo “Demande d’admission au service de ponnier auxiliaire” (S-205b). Fɔrmilɛrɛ shɔ koka nɔmbama lo “Demande de publications” (S-14). Nyonge l’ekanda k’ɔlɔlɔ ka fɔrmilɛrɛ shɔ kakoka kamba lanyu ɔnɔnyi w’otondo. Kanyɔsɛdingolake adɛmandɛ w’ambatshi mboka wa pondjo nto la ntondo ka nyu mbatoma dia menda kana wakalodjama dimɛna. Naka wanɛ walodja adɛmandɛ akɔ hawoyokoka mbohɔ datɛ dia batismu kawɔ, kete vɔ kokaka fɔnya datɛ dimɔtshi diosukanyi la nɛ diakawabatizama ko vɔ difunda dihole dimɔtshi di’aha vɔ ndjodiohɛ nto.

◼ Etena tshɛ kalangayɛ mɛngɔla, sala ekongelo ka wɛ ntɔtɔ lo nsanganya ya l’etshumanelo, y’otshimbedi, ya distrikɛ lo wodja okina, wɛ koka mimbola datɛ, wonya ndo dihole le Bɛtɛlɛ wenda wodja akɔ. Adrɛsɛ wa waa Bɛtɛlɛ tshɛ wekɔ lo lɛkɛ l’ekomelo l’Annuaire wêke katomba.

◼ Naka luudu la lokanu lekɔ l’ɛtshi ka nkɛtɛ kaki etshumanelo kɛmɔtshi, kete dikumanyi kawewoya Bɛtɛlɛ dia kondja ɛlɔmbwɛlɔ la ntondo ka nɔngɔsɔla nsanganya.

◼ Dibuku Kondja Wahɔ oma lo Kalasa k’Olimu wa Teokrasi diambokadimɔma lo weho w’ɛtɛkɛta suke la tshɛ wa lo mbilo kaso. Tshumanelo diele hawɔtɛkɛta ɔtɛkɛta wokadimɔmi dibuku Kondja Wahɔ oma lo Kalasa k’Olimu wa Teokrasi, mbeyaka kamba la dibuku diakɔ l’ɔtɛkɛta okina watɛkɛtama lo ngelo kakɔ ndo wokɛma dimɛna le anto efula wa l’etshumanelo ndo watanema dibuku diakɔ. Ɛlɔ kɛnɛ, dibuku di’oyoyo sɔ dia lo Kalasa k’Olimu wa Teokrasi diambokadimɔma lo Falase, Kiluba, Kisahidi, Lingala, Monokutuba, Oluba ndo l’Ɔtɛtɛla.