Ekongelo Ka Losanganya L’olimu

Lomingu la Ngɔndɔ ka Tanu 12

Osambo 1

Min. 10: Waewoyelo. Waewoyelo w’oma l’Olimu Aso wa Diolelo. Lo kamba l’alako wa lo lɛkɛ la komelo, sala wɛnyɛlɔ ehende wɛnya woho wa mbisha anto Tshoto y’Etangelo ya Ngɔndɔ ka Tanu 15 ndo Réveillez-vous! wa Ngɔndɔ ka Tanu 22, naka nyekɔ layɔ, naka numɛlɔ shɔ yatakome ko nyu kamba la numɛlɔ ya ngɔndɔ ketshi. Lo wɛnyɛlɔ tshɛ, paka mbisha onto Periodikɛ yakɔ hiende, kânga mbele awui wa lo periodikɛ ɔtɔi mbayoyɔtɛkɛta. Tohɛke mbutɛ onto ekongelo ka woshasha wa la lolango.

Min. 20: Ambutshi​—⁠Nyokimanyiya Ananyu dia Vɔ Mpama. Sawo diayosalema oma l’akambo w’ohomba wele lo dibuku Kalasa k’Olimu, lɛkɛ 9-12 ndo 21-38. Keketsha ambutshi dia vɔ kamba l’akambo amɔtshi l’atei w’akambo asɔ lo wekelo awɔ wa lo nkumbo l’oyango wa mbetsha anawɔ dia vɔ nyomoleka ndjasha l’olimu w’esambishelo. Ɛnya awui shikaa wakoka ambutshi kamba lawɔ dia kimanyiya ɛlɔngɔlɔngɔ kana esekaseka dia vɔ mpamia diewo diahombama.

Min. 15: “Wambotosha Lokumu l’Ɔlɔlɔ.”a Lɔngɔsɔla la ntondo di’opandjudi ɔtɔi kana ahende tɛkɛta lo tshena pe di’etshikitanu wakawasale dia vɔ nyomoleka ndjasha l’olimu awɔ w’esambishelo.

Osambo 46 ndo dɔmbɛlɔ dia ndjihelo.

Lomingu la Ngɔndɔ ka Tanu 19

Osambo 62

Min. 15: Waewoyelo. Alapɔlɔ wa falanga. Tɛkɛta dikambo di’ɔtɛ a dui wata ɔnɛ “Wokelo wa Mbalasa ya Diolelo lo Wedja Efula lo Wedja Ɛmɔtshi wa l’Eropɛ.” Ɛnya dia weshasha wakimɔma dia Falanga ya Mbalasa ya Diolelo mbasukɛ wokelo wa Mbalasa ya Diolelo lo wedja wele kema l’ekondjelo k’efula ndo lo bɛtshi dia nkɛtɛ diendama oma le filialɛ kanyu.

Min. 15: Ehomba wa l’etshumanelo.

Min. 15: Totombole Jehowa lo Sambishaka lo Tshakitudi.” Dako ndo ɔkɛtshanyelo l’ampokami. Lam’ayonyɔkɛtshanya odingɔ 3, lɔmba ampokami dia vɔ mbuta woho wakokawɔ tatɛ sawola l’anto lo Bible l’ahole wayela anɛ: (1) etena kasombawɔ diangɔ lo lobingu kana lo makashinyi, (2) wonya wewɔ lo mutuka l’anto akina, (3) le osukanyi lalɔngɔsɔla sɛkɛ diande, (4) le osekayɛ ɔmɔtshi la l’olimu, (5) le osekayɛ la lo kalasa, ndo (6) l’ahole akina tshɛ wakokayɛ tanema. Lɔngɔsɔla la ntondo dikambo dimɔtshi diakasalema lo ngelo kanyu diɛnya woho wakatondoya opandjudi ɔmɔtshi esambishelo ka lo tshakitudi.

Osambo 135 ndo dɔmbɛlɔ dia ndjihelo.

Lomingu la Ngɔndɔ ka Tanu 26

Osambo174

Min. 10: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Tanu. Lo kamba l’alako wele lo lɛkɛ 8, sala wɛnyɛlɔ ehende wɛnya woho wa mbisha anto Tshoto y’Etangelo ya Ngɔndɔ ka Samalo 1 ndo Réveillez-vous! wa Ngɔndɔ ka Samalo 8. Lo wɛnyɛlɔ tshɛ, paka mbisha onto periodikɛ yakɔ hiende, kânga mbele awui wa lo periodikɛ ɔtɔi mbayoyɔtɛkɛta. L’ekomelo ka wɛnyɛlɔ ɔmɔtshi, sha onto lasawola la yɛ traktɛ kele l’ɔtɛ a dui ɔnɛ, Aimeriez–vous en savoir plus sur la Bible? naka nde ambotona mbɔsa periodikɛ.

Min. 10: Ekadimwelo lo Wembola Anyu. Dako. Vusola lo tshena pe akambo amɔtshi wendana l’esambishelo ka lo telefɔnɛ wele l’Olimu Aso wa Diolelo wa Ngɔndɔ ka Hende 2001, lɛkɛ 6, odingɔ 12-15, kana alako amɔtshi wakakambe apandjudi lawɔ ko wakasha etombelo w’amɛna lo ngelo kanyu. Naka kana hanyokambe la telefɔnɛ dia sambisha lo ngelo kanyu, Vusola lo tshena pe ekadimwelo wa wembola akɔ ehende ndo ɛnya woho wakokaso mbewoya onto ekongelo kendana la weshasha wa la lolango.​—⁠km 1/00 lɛkɛ 1.

Min. 25: “Ɔtɛkɛta wa Nzambi Wekɔ Mɛtɛ.”b Kamba la wembola woshami. Lɔmba ampokami dia vɔ mbuta woho wakawakimanyiyama dia mbeka akambo wa mɛtɛ lo woho wakakambaka apandjudi la Bible dia kadimola lo wembola awɔ. Etena kakɛtshanyanyu odingɔ 4, opandjudi ɔmɔtshi wele l’akoka asale ɛnya woho wa kamba la Bible mbala ka ntondo kahomanaso l’onto, lo kamba l’alako amɔtshi wele lo sawo diele l’ɔtɛ a dui ɔnɛ: “Manyamanya Ɔtɛkɛta wa Nzambi Dimɛna.”​—⁠km 12/01 lɛkɛ 1 od. 3-4.

Osambo 188 ndo dɔmbɛlɔ dia ndjihelo.

Lomingu la Ngɔndɔ ka Samalo 2

Osambo 210

Min. 10: Waewoyelo. Vusola dikambo ɔtɔi kana ahende w’oma lo dikatshi di’okotsha di’Olimu Aso wa Diolelo wa Ngɔndɔ ka Ntondo 2002 diɛnya woho wa mbisha anto biukubuku Katɔlɔmba ndo dibuku Ewo.

Min. 20: Diwala dia Nɛmɔ​—⁠Kɛsɔ mbalɔmba Nzambi. Dako ndo ɔkɛtshanyelo l’ampokami. Lo wedja efula, atshukanyi mbidjasɛka kâmɛ aha la vɔ tshukana la ntondo ka lɛɛta. Anto amɔtshi mbutaka dia yoho ya diwala shɔ yekɔ ɔlɔlɔ. Ɛnya dimɛna kanyi yele lo Bible lo dikambo dia diwala, ndo shikikɛ dia Nzambi mbele kiɔkɔ ya diwala. (rs lɛkɛ 224-225) Naka pami la womoto mbidjasɛ kâmɛ oko wadi l’omi la ntondo ka vɔ tshukana la ntondo ka lɛɛta, kete vɔ wekɔ lo sala monanyi. (fy lɛkɛ 17) Koko otshikitanyi la kɛnɛ kakanyiya anto efula, eyangelo wasala anto amɔtshi mɛnyaka dia mbidjasɛ kâmɛ oko wadi l’omi la ntondo ka tshukana kitshakitshaka elongamelo ka monga la diwala di’oshika. (g02 8/3 lɛkɛ 29; g92 8/9 lɛkɛ 28; g91 8/5 lɛkɛ 28) Akristo tombolaka Jehowa lo ndjela ɛlɛmbɛ ande. Lo sala ngasɔ vɔ vɔamɛ kondjaka wahɔ.​—⁠Is. 48:​17, 18.

Min. 15: Ngande Wakondjanyu Wahɔ? Ɔkɛtshanyelo wa l’ampokami ayosalema oma le omendji wa kalasa. Tatɛ Ngɔndɔ ka Ntondo, takatatɛ ekongelo k’oyoyo ka Kalasa k’Olimu wa Teokrasi. Vusola lo tshena pe akambo amɔtshi w’eyoyo wele l’ekongelo ka kalasa. Ka epole ɔsɛkɛ l’etombelo ɛmɔtshi w’amɛna wambɛnama diɛsɛ oma l’ekongelo kɛsɔ. Onde anto efula wambofundja nkombo dia monga ambeki lo kalasa? Onde anto efula wekɔ la saki ka mbisha kɔmatɛrɛ? Ngande wambokondja ambeki wahɔ oma l’alako washama lo ndjela ekongelo k’oyoyo? Lɔmba ampokami dia vɔ mbuta wahɔ wambowokondja ndo woho w’ɔsawɔ di’ekongelo kakɔ kayowakimanyiya lo nshi yayaye.

Osambo 225 ndo dɔmbɛlɔ dia ndjihelo.

[Nɔte ka l’ɛse ka dikatshi]