Ekongelo Ka Losanganya L’olimu

Lomingu la Ngɔndɔ ka Samalo 9

Osambo 81

Min. 10: Waewoyelo. Waewoyelo w’oma l’Olimu Aso wa Diolelo. Lo kamba l’alako wa lo lɛkɛ la komelo, sala wɛnyɛlɔ ehende wotshikitanyi wɛnya woho wa mbisha anto Tshoto y’Etangelo ya Ngɔndɔ ka Samalo 15 ndo Réveillez-vous! wa Ngɔndɔ ka Samalo 22, naka nyekɔ la yɔ, naka numɛlɔ shɔ yatakome ko nyu kamba la numɛlɔ ya ngɔndɔ yetshi. Lo wɛnyɛlɔ tshɛ, paka mbisha onto periodikɛ yakɔ hiende, kânga mbele awui wa lo periodikɛ ɔtɔi mbayoyɔtɛkɛta. Kamba la divɛsa dimɔtshi lo wɛnyɛlɔ tshɛ.

Min. 15: “Olimu w’Okristo Wekɔ Olimu Aso Woleki Ohomba.”a Keketsha akɛnda dia vɔ sɛdingola ɛtshɔkɔ wakokawɔ kondja lo kamba olimu wa lo tena tshɛ. Dja ndo awui wofundami l’ɛse k’ɔtɛ wahɔnyi wata ɔnɛ: “Etena Kele Awui w’Ashidi wa lo Ngelo Kanyu Hawɔtɔnɛ la Nkum’Otema,” wa lo Tshoto y’Etangelo ya Ngɔndɔ ka Dikumi l’Ɔtɔi 1, 2000, lɛkɛ 19-20 lo Falase.

Min. 20: “Onde Pasiɔ Mbishaka Onto Diaaso dia Fudia Olimu Ande?b Naka kokaka, kete kɔnya lo tshena pe opandjudi ɔmɔtshi wakɔshi pasiɔ oma l’olimu ande wa l’emunyi dia ndjasha efula l’olimu wa Jehowa. Mbolande etshikitanu ɛmɔtshi wakandasale ndo ɛtshɔkɔ wambondokondja oma lo dikambo sɔ. Sawo nɛ diayoshama lo ndjela awui wa l’etshumanelo. Andola epalanga l’ɔtɛ w’etete kawɔ l’esambishelo.

Osambo 190 ndo dɔmbɛlɔ dia ndjihelo.

Lomingu la Ngɔndɔ ka Samalo 16

Osambo 55

Min. 8: Waewoyelo. Alapɔlɔ wa falanga.

Min. 12: Ehomba wa l’etshumanelo.

Min. 25: “Toyasha Tshɛ dia ‘Sambisha Dimɛna Dimɛna.’ ”c Kamba la wembola woshawɔ. Oma l’ɔkɔngɔ wa nyu kɛtshanya odingɔ 5 ndo 6, dja wɛnyɛlɔ ɔtɔi wa lo tshena pe wɛnya woho wa sambisha kapita kɛmɔtshi lo tshakitudi ndo woho wa mbisha onto traktɛ tshɛ kana kɛnɛ kata ɔnɛ Aimeriez-vous en savoir plus sur la Bible? naka nyekɔ la tɔ. Ntondo ka nyu kɛtshanya odingɔ 7 ndo 8, lɔmba onto ɔmɔtshi dia mbadia edingɔ ɛsɔ la dui dia wolo. Lo komelo, nyadia ndo nyɔkɛtshanya kiombo yele l’ɔtɛ a dui ɔnɛ: “Towaohɛke!”

Osambo 131 ndo dɔmbɛlɔ dia ndjihelo.

Lomingu la Ngɔndɔ ka Samalo 23

Osambo 95

Min. 10: Waewoyelo. Lo kamba l’alako wa lo lɛkɛ la komelo, sala wɛnyɛlɔ ehende wɛnya woho wa mbisha anto Tshoto y’Etangelo ya Ngɔndɔ ka Samalo 1 ndo Réveillez-vous! wa Ngɔndɔ k’Esambele 8, naka nyekɔ la yɔ, naka numɛlɔ shɔ yatakome ko nyu kamba la numɛlɔ ya ngɔndɔ yetshi. Lo wɛnyɛlɔ tshɛ, paka mbisha onto periodikɛ yakɔ hiende kânga mbele awui wa lo periodikɛ ɔtɔi mbayoyɔtɛkɛta. Lo wɛnyɛlɔ ɔmɔtshi, ɛnya woho wasambisha opandjudi lo shinga.

Min. 20: Kakɔna Kakoka Salema lo Kɛnɛ Kendana l’Ɔkɔmwɛlɔ w’Otema? Sawo ndo ɔkɛtshanyelo wa l’ampokami diɔsami oma lo Tshoto y’Etangelo ya Ngɔndɔ ka Dikumi l’Ɔtɔi 15, 1999, lɛkɛ 28-29, ndja ndo awui wele l’ɔtɛ a dui wata ɔnɛ: “Ohomba wa Nama Yimba y’Ɔlɔlɔ.” Vusola alako w’ɔlɔlɔ wa l’etenyi kɛsɔ ndo alako wele l’Afundelo. Kotalɔngɔsɔdi la ntondo di’opandjudi ɔtɔi kana ahende wakoka nembetshiya kɛnɛ kakakimanyiya di’aha shisha ɔngɛnɔngɛnɔ l’olimu awɔ w’esambishelo.

Min. 15: “Esambishelo l’Andja Wahakɔhɛ Awui Tshikitana.”d Lam’akɛtshanyanyu odingɔ 2-3, mbola ampokami dia vɔ mbuta awui wêke katomba wakoka kamba laso lo mbilo kaso dia tatɛ la sawo. Lam’akɛtshanyanyu odingɔ 4, kanyosale wɛnyɛlɔ ɔmɔtshi lo tshena pe, lo kamba la mbɔtwɛlɔ yɛnyishawɔ.

Osambo 15 ndo dɔmbɛlɔ dia ndjihelo.

Lomingu la Ngɔndɔ ka Samalo 30

Osambo 3

Min. 10: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Samalo. Ewoya ekanda wayotosha anto Ngɔndɔ k’Esambele ndo k’Enanɛi. Ɛnya tobukubuku tohende tatanema lo eombelo k’etshumanelo. Sala wɛnyɛlɔ wakalɔngɔswami dimɛna wɛnya woho wa tisha anto l’esambishelo. Lo kɛnɛ kendana la woho wa tisha anto, enda lo lɛkɛ 8 l’Olimu Aso wa Diolelo wa Ngɔndɔ k’Enanɛi 1998. Mbɔtwɛlɔ kina koka tanema l’Index des publications de la Société Watch Tower l’ɛse k’ɔtɛ a dui wata ɔnɛ: “Présentation” kana wata ɔnɛ: “Liste par publication.”

Min. 15: “Kânga Akanga wa Dikɔmɔ Kondjaka Etombelo w’Ɔlɔlɔ.”e Lembetshiya ndo woho wakoka anto akina mbisha ekimanyielo kawɔ lo ndjela kɛnɛ kɔtɛkɛtami lo Réveillez-vous! wa Ngɔndɔ k’Enanɛi 22, 1990, lo lɛkɛ 22-23, l’ɛse k’ɔtɛ a dui wata ɔnɛ: “Kakɔna Kakoka Salema?”

Min. 20: Tokambe l’Ɔtɛkɛta wa Nzambi Dimɛna dia Sambisha Diolelo. Ɔkɛtshanyelo l’ampokami ndo omendji w’olimu mbayɔlɔmbɔla etenyi kɛnɛ. Sho salaka la wolo dia mbadiɛ anto wahomana la so l’esambishelo kanyi mɔtshi y’ɔlɔlɔ y’oma l’Afundelo yendana la Diolelo. Koko, hatokoke komɛ tsho lo mbadiɛ anto avɛsa. Sho la dia nembetshiya, mbisha ɛnyɛlɔ, ndo mɛnya woho wa kamba l’avɛsa akɔ. Ɛnyawɔ woho wakoka dui sɔ salema lo kamba oko la bɛnyɛlɔ avɛsa amɔtshi woshawɔ lo dibuku Comment raisonner, lɛkɛ 175-176, l’ɛse ka ɔtɛ a dui wata ɔnɛ: “Mandji y’ana w’anto hawokotsha ehomba w’anto wahomba kotshama aha la tshimbatshimba.” L’ɔkɔngɔ w’ɔkɛtshanyelo, opandjudi ɔmɔtshi wakayalɔngɔsɔdi dimɛna ɛnya woho wa kamba la divɛsa dimɔtshi dimɛna lo wendelo w’oyoyo lo mbisha olembetshiyelo wa mondo, ɛnyɛlɔ ka wɔdu ndo mɛnya lo tshena pe woho wa kamba la divɛsa diakɔ woho w’ompokami ande mɛna nganɛ wayondokoka kondja wahɔ oma l’ɛlɔmbwɛlɔ ka Diolelo. Opandjudi katate sala wɛnyɛlɔ la wadielo wa divɛsa. Oma l’ɔkɔngɔ wa wɛnyɛlɔ, ko wɛ vusola woho wolembetshiyisha opandjudi divɛsa, woho wokambinde l’ɛnyɛlɔ kendana la diɔ ndo woho wa kamba la divɛsa diakɔ. Keketsha anto tshɛ dia pamia akoka wa kamba l’Ɔtɛkɛta wa Nzambi dimɛna.

Osambo 171 ndo dɔmbɛlɔ dia ndjihelo.

Lomingu la Ngɔndɔ k’Esambele 7

Osambo 165

Min. 5: Waewoyelo.

Min. 15: Awui wendana l’etshumanelo kanyu. Kɔndɔla kana sala tɔkɛnyɔ ta lo tɔjɛstɛ t’awui amɔtshi wakakomɛ apandjudi etena (1) kakawasambishaka waoho w’anto wotshikitanyi kana anto watɛkɛta ɛtɛkɛta ekina kana (2) lam’akawatasambishaka anto lo toho tokina koko aha l’esambishelo ka lo luudu la luudu kana ka lo toshinga. Keketsha anto tshɛ dia kamba dimɛna l’ekanda watanema l’ɛtɛkɛta ekina etena kahomanawɔ la wanɛ wangɛnangɛna vɔ mbasambisha l’ɛtɛkɛta ekina.

Min. 25: “Teyanya Lokombo la Nzambi.”f Kamba la wembola woshawɔ. Lam’asɛdingolanyu odingɔ 4, dja kɔmatɛrɛ yele lo kiombo yele l’ɔtɛ a dui ɔnɛ: “Teyanya Lokombo la Nzambi” yele lo dibuku Proclamateurs lɛkɛ 124. Opandjudi ɔmɔtshi wakoka asale wɛnyɛlɔ wɛnya woho wa sala wendelo w’oyoyo. Lo kamba l’avɛsa ahende kana asato w’oma lo dibuku Comment raisonner, lɛkɛ 200-201, ɛnya lande na ekɔ ohomba mbeya ndo kamba la lokombo hita laki Nzambi.

Osambo 197 ndo dɔmbɛlɔ dia ndjihelo.

[Nɔte ka l’ɛse ka dikatshi]