Ekongelo Ka Losanganya L’olimu

Lomingu la Ngɔndɔ k’Esambele 14

Osambo 56

Min. 10: Waewoyelo. Waewoyelo w’oma l’Olimu Aso wa Diolelo. Lo kamba l’alako wa lo lɛkɛ la komelo, sala wɛnyɛlɔ ehende wɛnya woho wa mbisha anto Tshoto y’Etangelo ya Ngɔndɔ k’Esambele 15 ndo Réveillez-vous! wa Ngɔndɔ k’Esambele 22 (naka nyekɔ la yɔ, naka numɛlɔ shɔ yatakome ko nyu kamba la numɛlɔ ya ngɔndɔ ketshi) lo mbilo k’etshumanelo.

Min. 15: Ngande Walowanya Ɔtɛmwɛlɔ wa Jehowa Nsɛnɔ Yaso? Ɔkɛtshanyelo l’ampokami. Ɔtɛmwɛlɔ wa mɛtɛ tokimanyiyaka dia monga l’ɔngɛnɔngɛnɔ ndo la lɔsɛnɔ lele l’oyango. (1) Vɔ tokimanyiyaka dia ndɔshana l’ekakatanu ndo l’ekiyanu wa lo lɔsɛnɔ. (Fil. 4:​6, 7) (2) Vɔ tokeketshaka dia monga la waonga wangɛnyangɛnya Nzambi. (2 Pet. 1:​5-8) (3) Vɔ tokimanyiyaka dia kamba la wenya ndo la diangɔ diaso lo yoho yoleki dimɛna. (1 Tim. 6:​17-19) (4) Vɔ toshaka elongamelo ka shikaa lo kɛnɛ kendana la nshi yayaye. (2 Pet. 3:13) (5) Vɔ tokimanyiyaka dia monga la diokanelo di’oshika lam’asaso la Jehowa. (Jak. 4:⁠8) Ɛnya woho wele wanɛ waheye kana wahakambɛ Jehowa bu la waɛsɛ asɔ.

Min. 20: “Tɛnya Lowando lo Kɛtshi ka Jehowa.”a Lam’akɛtshanyanyu odingɔ 3, sha alako wɛnya woho wa tatɛ mbishaka anto amɔtshi periodikɛ mbala la mbala, wele l’Olimu Aso wa Diolelo wa Ngɔndɔ ka Samalo 1998, lɛkɛ 8. Kɔnya opandjudi ɔtɔi kana apandjudi ahende wakoka dia mbuta yoho yakawɛnyi ɔnɛ yekɔ dimɛna efula dia tatɛ mbeka l’anto Bible. Keketsha apandjudi tshɛ dia vɔ ndjadjɛ oyango wa tatɛ ndo tetemala nɔmbɔla wekelo wa Bible.​—⁠om lɛkɛ 91.

Osambo 176 ndo dɔmbɛlɔ dia ndjihelo.

Lomingu la Ngɔndɔ k’Esambele 21

Osambo 184

Min. 10: Waewoyelo. Alapɔlɔ wa falanga.

Min. 10: “Ekongelo ka Losanga l’Otshimbedi Layaye.” Dako ndo ɔkɛtshanyelo l’ampokami. Ewoya datɛ diayosalema losanganya l’otshimbedi layaye. Naka etshumanelo ayonga la losanganya lo ngɔndɔ ngana yayaye, kete ewoya dia wanɛ tshɛ walanga batizama pombaka mbewoya omendji walɔmbɔla. Keketsha ampokami tshɛ dia mbidja welo wa lânde dia mbelɛ ambeki wa Bible ndo monga lo tenyi tshɛ dia losanganya.

Min. 25: Tokoya Dihonga Diawɔ l’Olimu w’Esambishelo. Ɔkɛtshanyelo l’ampokami l’awui wele lo dibuku Tɛmɔla Nzambi, lɛkɛ 170-171. Elɛ ampokami dia kadimola lo wembola wele l’odingɔ 7 ndo mbidja avɛsa woshami lo kɔmatɛrɛ yawɔ. Sɔnɔla avɛsa amɔtshi angana wa mbadia. Ɛnya wetshelo wakondjaso oma l’ɛkɔndɔ ɛsɔ ndo woho watokimanyiyawɔ dia monga la sso di’ɔlɔlɔ lo kɛnɛ kendana l’ɔkɛndɛ aso wa sambisha.

Osambo 201 ndo dɔmbɛlɔ dia ndjihelo.

Lomingu la Ngɔndɔ k’Esambele 28

Osambo 45

Min. 10: Waewoyelo. Ohola apandjudi dia kimɔ alapɔlɔ w’olimu wa Ngɔndɔ k’Esambele. Lo kamba l’alako wa lo lɛkɛ la komelo, lɔngɔsɔla wɛnyɛlɔ ehende wotshikitanyi dia mɛnya woho wa mbisha Tshoto y’Etangelo ya Ngɔndɔ k’Enanɛi 1 ndo Réveillez-vous! wa Ngɔndɔ k’Enanɛi 8, naka nyekɔ la yɔ, naka numɛlɔ shɔ yatakome ko nyu kamba la numɛlɔ ya ngɔndɔ yetshi. Lo wɛnyɛlɔ ɔmɔtshi ɛnya opandjudi asambisha lo tshakitudi.

Min. 15: Ekadimwelo lo Wembola Anyu. Awui akɔna wahombaso nama lo yimba naka tshumanelo pende kana ndekana diasala nsanganya l’ɛtɛkɛta wotshikitanyi diekɔ lo kamba lo mbilo kakɔ ɔtɔi? Tshumanelo diaso dimɔtshi nɔmbamaka dia sambisha anto watɛkɛta ɔtɛkɛta awɔ. Ɔnkɔnɛ, tshumanelo pende kana sato diele l’ɛtɛkɛta wotshikitanyi kambaka lo mbilo kakɔ kâmɛ. Vɔ wayoyela alako asɔ.

Min. 20: “Esambishelo ka l’Olui Mbelaka Ɔngɛnɔngɛnɔ.”b Lam’akɛtshanyanyu odingɔ 3, dja kɔmatɛrɛ ya l’Olimu Aso wa Diolelo wa Ngɔndɔ ka Divwa 2001 lo kiombo yele l’ɔtɛ a dui ɔnɛ: Ekadimwelo lo Wembola Anyu. Lo tshena pe, kɔnya omendji ɔmɔtshi wa Wekelo wa Dibuku wa l’Etshumanelo. Mbolande tɛdikɔ tɔmɔtshi takandɔshi tendana l’olimu w’esambishelo w’olui ande wa wekelo wa dibuku ndo ɛlɔlɔ wambokondja as’olui ɔsɔ lo sambisha kâmɛ.

Osambo 36 ndo dɔmbɛlɔ dia ndjihelo.

Lomingu la Ngɔndɔ k’Enanɛi 4

Osambo 178

Min. 10: Waewoyelo. Ewoya ekanda wayotosha anto lo ngɔndɔ kɛnɛ. Sala wɛnyɛlɔ ɔtɔi kana ehende wakoka anto kamba la wɔ.

Min. 20: “Woho wa Mbisha Anto Ekanda lo Mbilo Katɛkɛtama Ɛtɛkɛta Efula.”c Kamba la wembola woshawɔ. Lam’akɛtshanyanyu odingɔ 3, sala wɛnyɛlɔ ɔmɔtshi wa wɔdu l’ɔtɛkɛta w’angɛndangɛnda watɛkɛtama lo mbilo kanyu wele ndoko etshumanelo ɔtɔi kasala nsanganya l’ɔtɛkɛta ɔsɔ.​—⁠km 7/02 lɛkɛ 1 od. 4.

Min. 15: Ɛlɔngɔlɔngɔ l’Esekaseka Wekɔ lo Tombola Jehowa! Dako ndo ɔkɛtshanyelo l’ampokami mbidja ndo ɛkɔnya. Sho ngɛnangɛnaka mpokamɛ ɛlɔngɔlɔngɔ l’esekaseka washa kɔmatɛrɛ y’ɔlɔngɔswami dimɛna lo nsanganya. Etete kawɔ ndo ohamelo awɔ lo Kalasa k’Olimu wa Teokrasi toshaka mɛtɛ ɔngɛnɔngɛnɔ. Vɔ mɛnyaka mbetawɔ k’oshika kele lawɔ lam’ashawɔ ɛnyɛlɔ k’ɔlɔlɔ l’olimu w’esambishelo. Lɔkɛwɔ lawɔ l’ɔlɔlɔ mbishaka Jehowa lotombo. (yb88 od. 53-54) Ohamelo awɔ wa lo nyuma ndjakimanyiyaka dia vɔ kondja waɛsɛ lo nshi yayaye. Kɔnya lo tshena pe ɛlɔngɔlɔngɔ kana esekaseka w’Akristo wayasha mbala la mbala l’elimu wa l’etshumanelo. La wangasanu tshɛ, andola ɛlɔngɔlɔngɔ l’esekaseka wa l’etshumanelo lo welo w’amɛna wadjawɔ dia tombola Jehowa.

Osambo 49 ndo dɔmbɛlɔ dia ndjihelo.

[Nɔte ka l’ɛse ka dikatshi]