Ekongelo ka Losanganya l’Otshimbedi Layaye
1 Yeso akatatshi ate ambeki ande wayosoyama. (Mat. 24:9) Ngande wahombaso mbɔsa ekakatanu? Kakɔna kayotokimanyiya dia mbikikɛ asui? Ekongelo ka losanganya l’otshimbedi l’ɔnɔnyi w’olimu 2004 ayokadimola lo wembola ɛsɔ. Lɔ layonga l’ɔtɛ a dui ɔnɛ: ‘Nyɔngɛnangɛnake lo Elongamelo. Nyokikɛ Asui.’—Romo 12:12.
2 Alako Ahende wa Tenyi Sato: Dako dia ntondo dia tenyi sato, diele l’ɔtɛ a dui ɔnɛ: “Tɔtɔ Elowa l’Ekikelo Tshɛ,” diayɛnya toho tatɔso elowa. Apandjudi efula wayɔkɔnyama lo kɛnɛ kendana la woho wa sambishawɔ ndo wetshawɔ anto weya di’etena kambotshikala kekɔ mondo. Lo yoho ya lânde, ambutshi wayohomba mbidja yimba l’etenyi kele l’ɔtɛ a dui ɔnɛ: “Etena Katosha Jehowa Engwelo.” Tɔ kayɛnya woho wakoka ambutshi kana yimba vɔ l’anawɔ. Ɔtɛkɛtshi wa komelo wayosha dako dia tenyi sato ayɛnya kɛnɛ kahombaso sala di’aha andja ɔnɛ toshimba dia tɔ elowa.—Mako 4:19.
3 Dako dia hende dia tenyi sato diayonga l’ɔtɛ a dui ɔnɛ: “Tolawɔ l’Etete Tshɛ.” Diɔ diayɛnya hwe dia yoho yaso ya lɔsɛnɔ ekɔ oko lowango latɔsɛmanɛka anto. Lande na kahombaso ndawɔ lo ndjela ɛlɛmbɛ? Ngande wakokaso ndjanyɛ wetsho tshɛ di’aha sho nɛmba l’esakelo kaso ka lowango k’otsha lo lɔsɛnɔ na? Alako w’eshika w’oma l’Afundelo wayoshama lo losanganya lɔsɔ wayotokimanyiya dia tetemala ndawɔ l’ekikelo.
4 Ekikelo Tokimanyiyaka dia Mbetawɔma le Nzambi: Alako wayoshama oma le emendji weteta wayokeketsha mbetawɔ ya wanɛ wahokamɛ ndo wakamba olimu l’alako walongolawɔ. Sawo dimɔtshi diayosha omendji wa distrikɛ diekɔ l’ɔtɛ a dui ɔnɛ: ‘Ekikelo Tokonyaka dia Mbetawɔma le Nzambi.’ Sawo dia lo sɛkɛ diayokadimola wembola ɛnɛ: Lo lokombo laki na lahomba wedja monga l’elongamelo, ndo kakɔna kalɔmbama? Dako di’ekomelo diele l’ɔtɛ a dui ɔnɛ: ‘Oma l’Ekikelo Kanyu Mbayonyoshimbela Anima Anyu,’ diayɛnya woho wakakikɛ Yeso wɛngiya aha la nde mombɛ anto tokumbɛkumbɛ.
5 Tatohɛke dia mɛmba dibuku diaso dia Kalasa k’Olimu la Tshoto y’Etangelo yayɔsɛdingwama lomingu lɔsɔ. Ɔsaka nɔtɛ dia wɛ mbeya shikikɛ yimba lo kɛnɛ katɛkɛtama ndo yɔ yayoyokokimanyiya lo nshi yayaye. Ovuswelo w’awui wɔtɛkɛtami lo losanganya lɔnɛ wayoyosalema l’ɔkɔngɔ l’etshumanelo.
6 Jehowa ndamɛ mbotɔlɔngɔsɔlɛ dambo nɛ dia lo nyuma. Yaka! Yôle! Tayoda ekoko w’ɔngɛnɔngɛnɔ naka tayonga dia kondja wahɔ l’ekongelo k’otondo ka losanganya.—Is. 65:14.