Ovuswelo W’awui Wakekama Lo Kalasa K’olimu Wa Teokrasi
Wembola wayela ɛnɛ wayɔkɛtshanyema oko ovuswelo wa l’onyɔ wa lo Kalasa k’Olimu wa Teokrasi lomingu la Ngɔndɔ k’Enanɛi 25, 2003. Omendji wa Kalasa ayɔlɔmbɔla ovuswelo wa minitɛ 30 w’awui wakekama lo Kalasa k’Olimu wa Teokrasi tatɛ lomingu la Ngɔndɔ k’Esambele 7 polo lo Ngɔndɔ k’Enanɛi 25, 2003. [Diewoyelo: L’ahole wele bu rɛferansɛ l’ɔkɔngɔ wa wombola, wɛmɛ mbahomba sala eyangelo dia tana ekadimwelo.—Enda lo Kalasa K’Olimu, lɛkɛ 36-37.]
WAONGA W’ƆTƐKƐTSHI
1. Wahɔ akɔna wakondjama naka sho mendaka elungi k’onto etena kasambishaso? [be lɛkɛ 125 od. 1-2; kiombo ya lo lɛkɛ 125]
2. Kakɔna kakoka kokimanyiya naka wɛ oka wɔma la ntondo ka tomba l’esambishelo? [be lɛkɛ 128 od. 4-5]
3. Kakɔna kayokokimanyiya dia wɛ tɛkɛta woho wokoyɔtɛkɛtaka ndo oko onto lasawola l’anto etena kashayɛ sawo lo lɔyɛnga? [be lɛkɛ 129 od. 2; kiombo ya lo lɛkɛ 129]
4. Shɛngiya yakɔna yakoka monga l’atɔndɔ wele l’Akambu w’Asi Lewi 16:4, 24, 26, 28; lo Joani 13:10; ndo l’Enyelo 19:8 l’ɛnamelo kaso, ndo bonde kele dikambo sɔ ohomba? [be lɛkɛ 131 od. 3; kiombo ya lo lɛkɛ 131]
5. Lembetshiya onto lele la dionga dia ndjakitshakitsha ndo la “memakana.” (1 Tim. 2: 9, 10) [be lɛkɛ 132 od. 1]
SAWO NO. 1
6. Kânga mbahomba Akristo mbikikanɛ kɔlɔ lam’asawɔ la solo dia lotutsha, kakɔna kahawetawɔ na? (Kol. 3: 13) [w01 15/7 lɛkɛ 22 od. 7-8]
7. Mɛtɛ kana Kashi: Lofulo l’ombadi wɛnya ɔnɔngɔ ekɔ lofulo l’otondo kana la kokele. Lembetshiya. [si lɛkɛ 282 od. 24-25]
8. Naa oyango woleki tshɛ wakoka totshutshuya dia mbadiaka Ɔtɛkɛta wa Nzambi, ndo lande na kele ekɔ ohomba monga la saki kɛsɔ? [be lɛkɛ 24 od. 1]
9. Ngande ‘womba kanga yimba ewo’ na? (Tuk. 10:14) [w01 15/7 lɛkɛ 27 od. 4-5]
10. Lande na kele mbekelo y’ɔlɔlɔ yaki la Jɔbɔ yaki ohomba efula? (Jobo 1: 1, 8; 2: 3) [w01 1/8 lɛkɛ 20 od. 4]
WADIELO WA BIBLE WA LOMINGU LA LOMINGU
11. Ngande wakayokomaka olui walɔmbɔla dia ‘vɔ tshɛ mbetawɔ’ ɔnɛ ambetawudi w’ase Wedja tâkawahombe paka mbahema ohekele dia vɔ kondja panda? (Etsha 15:25)
12. Ngande wakakoke olui walɔmbɔla nɔmba Paulo dia nde ndjela akambo amɔtshi wa l’Ɛlɛmbɛ wa Mɔsɛ etena kele Jehowa ambonyaka Ɛlɛmbɛ akɔ? (Etsha 21: 20- 26) [it-2 lɛkɛ 701 od. 4; it-2 lɛkɛ 1166 od. 2-lɛkɛ 1166 od. 5]
13. Naa akambo amɔtshi wa kashi wakawahindɛ ɔpɔstɔlɔ Paulo watohola akambo amɔtshi wakatɛkɛta anto lo lokombo l’Ɛmɛnyi wa Jehowa atete edja? (Etsha 24: 5, 6) [w01 15/12 lɛkɛ 22 od. 7-lɛkɛ 23 od. 2]
14. Ngande wakasha Paulo ɛnyɛlɔ ka dimɛna k’opandjudi wa Diolelo kânga lam’akinde ɛnɔnyi ehende w’etondo lo lokanu? (Etsha 28: 30, 31)
15. Lo woho akɔna wele “embuledi” etenyi kɛmɔtshi ‘k’ekongelo kaki Nzambi,’ ndo shɛngiya yakɔna yele la dikambo sɔ le Akristo? (Romo 13: 1, 2) [w00 1/8 lɛkɛ 4 od. 5]