Ekongelo Ka Losanganya L’olimu

Lomingu la Ngɔndɔ k’Enanɛi 11

Osambo 101

Min. 10: Waewoyelo. Waewoyelo w’oma l’Olimu Aso wa Diolelo. Lo kamba l’alako wele lo lɛkɛ la komelo, sala wɛnyɛlɔ ehende wotshikitanyi wɛnya woho wa mbisha anto Tshoto y’Etangelo ya Ngɔndɔ k’Enanɛi 15 la Réveillez-vous! wa Ngɔndɔ k’Enanɛi 22, naka nyekɔ la yɔ, naka numɛlɔ shɔ yatakome ko nyu kamba la ya ngɔndɔ ketshi. Lo wɛnyɛlɔ tshɛ, ɛnya woho wa mbekola wekamu naka onto ambota ate: “Lekɔ l’olimu.”​—⁠Enda lo Biukubuku Woho wa Tatɛ ndo Tetemala . . . , lɛkɛ 11.

Min. 15: “Tokoya Ɔlɔlɔ wa Jehowa.”a Lɔmba ampokami dia kɔndɔla lo tshena pe woho wele etsha awɔ wa ngandji akawasha diaaso dia sambisha anto. Andola etshumanelo lo welo wadjawɔ dia kimanyiya asekawɔ ambetawudi.

Min. 20: “Ɛtshɔkɔ Waya oma l’Olimu w’Ombatshi Mboka.”b Kamba la wembola woshawɔ. Lɔmba ombatshi mboka ɔtɔi kana ahende dia mbisha kɔmatɛrɛ lo ɛlɔlɔ wambowokondja lo kamba oko ambatshi mboka. Ewoya di’onto tshɛ lakombola kamba oko ombatshi mboka kokaka kondja dɛmandɛ oma le sekeletɛlɛ.

Osambo 11 ndo dɔmbɛlɔ dia ndjihelo.

Lomingu la Ngɔndɔ k’Enanɛi 18

Osambo 82

Min. 12: Waewoyelo. Alapɔlɔ wa falanga. Ɔmbɔla sawo diele l’ɔtɛ a dui ɔnɛ: “Ekongelo ka Losanganya la Lânde la Lushi Ɔtɔi Layaye.” Ewoya datɛ diayosalema losanganya la lânde la lushi ɔtɔi layaye ndo keketsha anto tshɛ dia mbɔtɔ lo losanganya lɔsɔ. Naka losanganya lɔsɔ layosalema lo ngɔndɔ nyɛ yayela, kete ewoya dia wanɛ walanga batizama pombaka mbewoya omendji-walɔmbɔla.

Min. 15: “Olimu Washa Ekeketshelo.”c Talɔngɔsɔdi la ntondo di’apandjudi ahende kana asato mbisha kɔmatɛrɛ lo woho wâkeketsha olimu w’Akristo.

Min. 18: “Nyɛsɔ Tolamake Dihole Diaso di’Ɔtɛmwɛlɔ Pudipudi.”d (Odingɔ 1-5) Kamba la wembola woshawɔ. Lam’akɛtshanyanyu odingɔ 3 ndo 4, vusola tɛdikɔ tambɔsama l’etshumanelo dia mɔmbaka kana solaka Mbalasa ka Diolelo. Kotola yambalo y’anto lo dui tshɛ diele ohomba mbidja yimba lɔkɔ. Andola etshumanelo lo welo wadjama dia nama dihole di’ɔtɛmwɛlɔ wa mɛtɛ pudipudi.

Osambo 114 ndo dɔmbɛlɔ dia ndjihelo.

Lomingu la Ngɔndɔ k’Enanɛi 25

Osambo 175

Min. 10: Waewoyelo. Lo kamba l’alako wa lo lɛkɛ la komelo, sala wɛnyɛlɔ ehende wɛnya woho wa mbisha anto Tshoto y’Etangelo ya Ngɔndɔ ka Divwa 1 ndo Réveillez-vous! wa Ngɔndɔ ka Divwa 8 (naka nyekɔ la yɔ, naka numɛlɔ shɔ bu ko nyu kamba la ya ngɔndɔ ketshi). Ɛnya woho wayalɔngɔsɔla ombutshi ɔmɔtshi nde l’ɔnande la pami kana la womoto dia tosha anto periodikɛ. Vɔ wekɔ lo sɛdingola ntondo kɛnɛ kayangawɔ tota, oma lâsɔ ko vɔ sala dui sɔ oko wɛnyɛlɔ.

Min. 15: Ehomba wa l’Etshumanelo.

Min. 20: Tonge la Dihonga dia Sambisha. (1 Tes. 2:⁠2) Sawo ndo ɔkɛtshanyelo wa l’ampokami. Lembetshiya lande na kele efula wekɔ la wɔma dia sambisha akina losango la Diolelo. Dui sɔ diekɔ mɛtɛ kânga le wanɛ wele aya ɛnɔnyi efula wewɔ lo sambisha la waasaso. Kɔndɔla awui amɔtshi wele lo Tshoto y’Etangelo ya Ngɔndɔ ka Dikumi l’Ahende 1, 1999-OT, lɛkɛ 20; Tshoto y’Etangelo ya Ngɔndɔ ka Ntondo 1, 2000-OT, lɛkɛ 12; ndo wa lo Tshoto y’Etangelo ya Ngɔndɔ ka Nɛi 1, 1996, lɛkɛ 31. Lɔmba ampokami dia mbisha kɔmatɛrɛ lo yoho yakawakoke monga la dihonga dia sambisha lokumu l’ɔlɔlɔ lo tena nɛ diakawokaka wɔma. Komiya la sawo diele lo Tshoto y’Etangelo ya Ngɔndɔ ka Ntondo 1, 2000-OT, lɛkɛ 15-16 dia keketsha anto dia kondja wolo oma le Jehowa.

Osambo 125 ndo dɔmbɛlɔ dia ndjihelo.

Lomingu la Ngɔndɔ ka Divwa 1

Osambo 84

Min. 10: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ k’Enanɛi. Ewoya ekanda wayotosha anto lo Ngɔndɔ ka Divwa. Talɔngɔsɔdi la ntondo di’opandjudi ɔtɔi kana ahende mbuta awui amɔtshi wakeketsha wakete lam’akawasambishaka lo tshakitudi lo nshi ya losanganya la distrikɛ, kana lo waaso akina lo Ngɔndɔ k’Esambele kana k’Enanɛi.

Min. 15: Onde wɛ Kawolaka dia Tenda Onto Lakɛnya Nsaki oko Wakayolake? Sawo ndo ɔkɛtshanyelo wa l’ampokami diele lo Tshoto y’Etangelo ya Ngɔndɔ ka Divwa 15, 1999, lɛkɛ 10-11, l’ɛse k’ɔtɛ a dui wata ɔnɛ: “Toho Tokina ta Kotsha Alaka Aso.” Lam’atanaso anto wɛnya wâhɔ lam’eso l’olimu aso, mbala efula sho mbɔsaka yɛdikɔ ya ndjotetemala la sawo wonya okina. Onde sho kawolaka dia towaenda oko wakatâlake? Vusola atɔndɔ wa lo Bible wahomba totshutshuyaka dia kotshaka alaka aso. Lɔmba ampokami dia kɔndɔla awui amɔtshi wɛnya woho wakawakondja ɛtshɔkɔ lo kalola tenda wanɛ wakawalake aha la tshimbatshimba.

Min. 20: “Nyɛsɔ Tolamake Dihole Diaso di’Ɔtɛmwɛlɔ Pudipudi.”e (Odingɔ 6-12) Kamba la wembola woshawɔ. Ka epole ɔsɛkɛ l’ohomba wa mbetɛka Mbalasa ka Diolelo pudipudi keto, lo tɛkɛta awui wa lo kiombo ya lo lɛkɛ 5. Sha alapɔlɔ wa lo tshena pe wɛnya woho wele Mbalasa kanyu ka Diolelo ndo tɛdikɔ tshɛ tamonyɔsa dia kilɔngɔsɔla.

Osambo 41 ndo dɔmbɛlɔ dia ndjihelo.

[Nɔte ka l’ɛse ka dikatshi]