Waewoyelo

◼ Ekanda wayotosha anto Ngɔndɔ ka Divwa: La vie: comment est-elle apparue? Évolution ou création? Ngɔndɔ ka Dikumi: Tshoto y’Etangelo la Réveillez-vous! Naka onto ambɛnya nsaki, kete sho koka mbosha biukubuku Katɔlɔmba, ndo mbidja welo wa lânde dia tatɛ la nde wekelo wa Bible. Ngɔndɔ ka Dikumi l’Ɔtɔi: Kakɔna Katɔlɔmba Nzambi? kana Ewo Katɔla Otsha lo Lɔsɛnɔ la Pondjo. Naka onto ambotashilaka nongola ekanda ɛsɔ, kete sho koka mbosha dibuku Tɛmɔla Nzambi Ɔtɔi ka Mɛtɛ kana dibuku dimɔtshi di’edjedja. Ngɔndɔ ka Dikumi l’Ahende: Onto Loleki Woke lo Tena Tshɛ. Ekanda ekina wakoka kahanyema: Buku di’Ɛkɔndɔ wa lo Bible; La Bible: parole de Dieu ou des hommes?; Kokaka we monga la Loseno la Pondjo lo Paradiso ka la kete.

◼ Bɛtɛlɛ hatɔlɛmiya kɔmandɛ k’ekanda kosadi opandjudi lo ndamɛmɛ. Omendji-walɔmbɔla pombaka nɔngɔsɔla dia diewoyelo mbishamaka ngɔndɔ tshɛ la ntondo ka tomɛ Bɛtɛlɛ kɔmandɛ k’ekanda w’etshumanelo woho w’onto tshɛ lalanga kondja ekanda ande ndamɛ mbisha ɔnangɛso lendana l’awui w’ekanda kɔmandɛ kande. Tanyohɛke dikambo di’ekanda watɔlɔmbamaka paka lo yoho ya lânde.

◼ Tambohola dikumanyi dia vɔ ndjela dimɛna alako wele lo Tshoto y’Etangelo ya Ngɔndɔ ka Nɛi 15, 1991, lɛkɛ 21-23 lo kɛnɛ kendana l’onto lakatshanyema kana lakayatondja oma l’etshumanelo koko aya la nsaki ka kawola.

◼ Sawo dia lo sɛkɛ dia lânde diakalɔngɔswama dia salema lo nshi ya Eohwelo ka l’ɔnɔnyi 2004 diayoshama Lushi la Samalo, Ngɔndɔ ka Nɛi 18. Tayonyewoya ɔtɛ a dui wa sawo sɔ l’ɔkɔngɔ. Tshumanelo diayembwama oma le omendji w’otshimbedi kana diayonga la losanganya lɔmɔtshi lo wikɛndɛ ɔsɔ, diayohokamɛ sawo dia lânde lomingu layela. Ndoko etshumanelo kahomba mbisha sawo dia lânde sɔ la ntondo ka Ngɔndɔ ka Nɛi 18, 2004.