Ekongelo Ka Losanganya L’olimu

Lomingu la Ngɔndɔ ka Divwa 8

Osambo 10

Min. 10: Waewoyelo. Waewoyelo w’oma l’Olimu Aso wa Diolelo. Keketsha anto tshɛ dia tovusola nɔtɛ yakawɔshi lo losanganya l’otshimbedi lakasalema l’ɔnɔnyi w’olimu wetshi dia nɔngɔsɔla Losanganya l’Olimu la lomingu layaye. Lo kamba l’awui wele lo lɛkɛ 4, sala wɛnyɛlɔ ehende wɛnya woho wa mbisha anto Tshoto y’Etangelo ya Ngɔndɔ ka Divwa 15 ndo Réveillez-vous! wa Ngɔndɔ ka Divwa 22 (naka nyekɔ la yɔ, naka numɛlɔ shɔ yatakome ko nyu kamba la numɛlɔ ya ngɔndɔ ketshi). Lo wɛnyɛlɔ ɔmɔtshi, ɛnya ombiki kana ombutshi ɔmɔtshi asambisha ombetsha wa la kalasa.

Min. 10: Mukanda w’oma le biro ka Filialɛ. Ɔkɛtshanyelo wa lam’asa opandjudi ɔmɔtshi waya edja efula lo mɛtɛ, ndeka dimɛna ekumanyi nde l’opandjudi weke dikɛnda. Opandjudi wa dikɛnda amombola opandjudi waya edja efula l’etshumanelo dia kana nde ambɛna mukanda w’oma le biro ka Filialɛ wele l’Olimu Aso wa Diolelo. Opandjudi ɔsɔ ambôlembetshiya dia kɛnɛ kofundami lo mukanda w’oma le Biro ka Filialɛ ɔsɔ kakatɛkɛtama l’Olimu Aso wa Diolelo wa l’ɛnɔnyi wa 1960 ndo wa 1970. Oma lâsɔ ko vɔ tatɛ kɛtshanya awui wele lo mukanda akɔ wele lo lɛkɛ la ntondo, lo mbika epole ɔsɛkɛ l’awui woleki ohomba.

Min. 25: “Ɛlɔngɔlɔngɔ​—⁠Nyoyâlɔngɔsɔlɛ Dimɛna Nshi Yanyu Yayaye.”a Sawo nɛ diayosalema oma le ekumanyi kɛmɔtshi ndo nde ayokamba la wembola wakawasha. Etena kakɛtshanyanyu odingɔ 5, ka epole ɔsɛkɛ l’ɔngɛnɔngɛnɔ ndo ɛtshɔkɔ waya oma l’olimu wa lo tena tshɛ.

Osambo 170 ndo dɔmbɛlɔ dia ndjihelo.

Lomingu la Ngɔndɔ ka Divwa 15

Osambo 199

Min. 10: Waewoyelo. Alapɔlɔ wa falanga.

Min. 10: “Wekelo wa Dibuku Tɛmɔla Nzambi.” Sawo diayosalema oma le omendji wa wekelo wa dibuku. Kotola yambalo y’anto l’ekongelo ka wekelo. Etena kakɛtshanyanyu odingɔ wa nɛi, kodje ndo awui wele lo dibuku dia Kalasa k’Olimu, lɛkɛ 28, odingɔ 1, ndo lɛkɛ 70.

Min. 25: “Ekamaki [Jehowa, ndo] Utshaki Ololo.” (Osam. 37:⁠3) Ɔkɛtshanyelo l’ampokami lo wembola wayela ɛnɛ waka epole ɔsɛkɛ l’awui w’ohomba wakatoke l’ekongelo ka losanganya l’otshimbedi l’olimu w’ɔnɔnyi wetshi. Lɔmba ampokami dia vɔ mbuta woho wakawakoke kamba l’awui w’ohomba asɔ l’onto ndamɛ kana lo nkumbo. Sɛdingola awui wa lo tenyi dia losanganya nɛ: (1) “Tokitsha Wɛkamu Aso le Jehowa.” Lande na ekɔ ohomba efula ndjaɛkɛ le Jehowa l’awui tshɛ wa lo lɔsɛnɔ? (it-2 lɛkɛ 429) Ngande wakoka tokimanyiya Index des publications de la Société Watch Tower? (2) “Toyalame oma l’Akambo w’Anyanya wa lo Lɔsɛnɔ.” (Und. 2:​4-8, 11) Oma lo weho akɔna w’akambo wahombaso ndjalama, ndo ngande wakokaso sala dui sɔ? (3) Tewɔ Akambo wa Kɔlɔ ndo Tônge Atshi w’Akambo w’Ɔlɔlɔ.” Lande na ekɔ ohomba sukɛka wadjango waki Jehowa? (Is. 5:20) L’elimu akɔna w’amɛna wahombaso ndjasha? (4) “Tokitsha Wɛkamu Aso le Jehowa.” Kakɔna kayotokimanyiya dia tshikala nge la ntondo k’ehemba ndo k’ekakatanu? Lande na kakokaso tshika akambo amɔtshi l’anya wa Jehowa? (5) “Onde Wɛ Ayadiema l’Ɔnɔngɔ wa Wanɛ Wayokita Diolelo Diaki Nzambi?” (Kol. 1:10) Bɛnyɛlɔ diakɔna dia lo Bible diatotshutshuya dia kɛndakɛnda lo mboka ya Jehowa? (6) “Toyaɛkɛ l’Alaka Waki Jehowa.” Lo sala dui sɔ ngande wayodionga la shɛngiya lo nsɛnɔ yaso?

Osambo 58 ndo dɔmbɛlɔ dia ndjihelo.

Lomingu la Ngɔndɔ ka Divwa 22

Osambo 7

Min. 10: Waewoyelo. Lo kamba l’alako wele lo lɛkɛ 4, sala wɛnyɛlɔ ehende wotshikitanyi wɛnya woho wa mbisha Tshoto y’Etangelo ya Ngɔndɔ ka Dikumi 1 ndo Réveillez-vous! wa Ngɔndɔ ka Dikumi 8. (naka nyekɔ la yɔ, naka numɛlɔ shɔ yatakome ko nyu kamba la numɛlɔ ya ngɔndɔ ketshi). Ɛnya ekumanyi kɛmɔtshi la opandjudi ɔmɔtshi wele l’ɛkɔmɔ wasambisha lo telefɔnɛ naka telefɔnɛ yekɔ lo ngelo kanyu.

Min. 15: Kakɔna Kakatasale Ɔnɔnyi Wetshi? Omendji w’olimu avusole awui amɔtshi w’ohomba w’oma l’alapɔlɔ w’etshumanelo w’ɔnɔnyi w’olimu 2003. Andola etshumanelo l’ɔtɛ w’akambo w’ɛlɔlɔ wakawasale. Dja ndo awui w’ohomba w’oma l’alapɔlɔ wa mbala ketshi waki omendji w’otshimbedi. Shila oyango ɔtɔi kana ehende wakoka etshumanelo kotsha l’ɔnɔnyi wayaye.

Min. 20: Onde Nzambi Mbetawɔka Ɛtɛmwɛlɔ Tshɛ? Ɔkɛtshanyelo l’ampokami w’awui wɔsami oma lo dibuku Comment raisonner. Ɛnya woho wakokaso kana l’onto ɔmɔtshi yimba lo dikambo sɔ. (rs lɛkɛ 310-311) Ka epole ɔsɛkɛ lo toho tɔmɔtshi tokokiso shikikɛ ɔtɛmwɛlɔ wa mɛtɛ. (rs lɛlɛ 316-318) Olimu aso kimanyiyaka anto akina dia sɔna woho w’ɔtɛmwɛlɔ wetawɔma le Nzambi.​—⁠Kol. 1:​9, 10.

Osambo 39 ndo dɔmbɛlɔ dia ndjihelo.

Lomingu la Ngɔndɔ ka Divwa 29

Osambo 194

Min. 10: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Divwa. Ewoya ekanda wayotosha anto Ngɔndɔ ka Dikumi. Sala wɛnyɛlɔ ɔmɔtshi wa lo tshena pe wɛnya woho wa tatɛ mbeka l’onto Bible lo biukubuku Katɔlɔmba.

Min. 15: Ehomba wa l’etshumanelo.

Min. 20: “Nyɔlɔtɛ Ndjakitshakitsha.”b Lɔmba ampokami wate woho wakambawɔ l’avɛsa.

Osambo 224 ndo dɔmbɛlɔ dia ndjihelo.

Lomingu la Ngɔndɔ ka Dikumi 6

Osambo 170

Min. 10: Waewoyelo. Ngɔndɔ kɛnɛ tayodja welo wa lânde dia tatɛ wekelo wa Bible l’anto. Vusola lo tshena pe awui wa l’Olimu Aso wa Diolelo wa Ngɔndɔ ka Tanu 2002, lɛkɛ 1, odingɔ 1.

Min. 15: “Têtsha Akambo Woleki Ohomba la Ntondo!” Sawo ndo ɔkɛtshanyelo l’ampokami lo sawo diɔsami oma lo Tshoto y’Etangelo ya Ngɔndɔ ka Divwa 1, 1998, lɛkɛ 19-21. Ewoya adatɛ w’awui amɔtshi wa teokrasi wayosalema lo ngɔndɔ yayaye, ndo keketsha anto tshɛ dia funda adatɛ asɔ l’alamanaka awɔ. Lɔmba ampokami dia vɔ mbuta kɛnɛ kasalawɔ di’aha pandja mbo ya ndɛ ya lo nyuma.

Min. 20: Woho wa Shikikala la Ntondo ka Tɔsɛngiya t’oma le Asekaso. Kɔnya ekumanyi kana okambi ɔmɔtshi w’olimu wakodiama lo nkumbo k’Akristo. Tɛkɛta awui amɔtshi wɔsɔtwami w’oma lo Tshoto y’Etangelo ya Ngɔndɔ ka Hende 15, 2003 lo Falase. Tɔsɛngiya takɔna takakomɛ ɔnangɛso lo kalasa? (lɛkɛ 24 od. 3; lɛkɛ 25 od. 4-5) Onde nde akahomana la tɔsɛngiya t’oma le asekande akina? (lɛkɛ 26 od. 4-6) Onde nde pomanaka la tɔsɛngiya t’oma le asekande polo ndo l’etena kayande opalanga kɛnɛ? Kakɔna kakokimanyiya dia mbikikɛ tɔsɛngiya takɔ? Komiya lo tshena pe l’awui w’oma lo Tshoto y’Etangelo ya Ngɔndɔ k’Enanɛi 1, 1999, lɛkɛ 24-25 lo Falase, ndo ka epole ɔsɛkɛ lo mɛnya ɛlɔlɔ waya lo monga l’angɛnyi w’ɔlɔlɔ.

Osambo 26 ndo dɔmbɛlɔ dia ndjihelo.

[Nɔte ka l’ɛse ka dikatshi]