Ekongelo Ka Losanganya L’olimu

Lomingu la Ngɔndɔ ka Dikumi 13

Osambo 215

Min. 10: Waewoyelo. Waewoyelo w’oma l’Olimu Aso wa Diolelo. Keketsha anto tshɛ dia kamba la wembola wa lo lɛkɛ 1 dia vɔ mboka sso lo nɔtɛ yawɔ, dia vɔ ndjalɔngɔsɔla dikambo di’ɔkɛtshanyelo wa l’ampokami wendana l’awui wakatama l’Ekongelo ka Losanganya la Distrikɛ laki l’ɔtɛ a dui ɔnɛ: “Tosha Nzambi Lotombo” wayosalema lo Losanganya l’Olimu la lomingu layaye. Lo kamba l’alako wa lo lɛkɛ 8,# sala wɛnyɛlɔ ehende wa mɛtɛ wɛnya woho wa mbisha anto Tshoto y’Etangelo ya Ngɔndɔ ka Dikumi 15 ndo Réveillez-vous! wa Ngɔndɔ ka Dikumi 22. Lo wɛnyɛlɔ tshɛ, paka mbisha onto periodikɛ yakɔ hiende, kânga mbele awui wa lo periodikɛ ɔtɔi mbayoyɔtɛkɛta. Lo wɛnyɛlɔ ɔmɔtshi, ɛnya woho wa kalola dia tenda onto latshikɛyɛ periodikɛ ngɔndɔ tshɛ. Tshika onto la dui dimɔtshi diayokokimanyiya dia wɛ towenda mbala kekina lo kotola yambalo yande lo kiombo yele l’ɔtɛ a dui ɔnɛ: “Lo Numɛlɔ Kaso Kayela.”​—⁠Enda l’Olimu Aso wa Diolelo wa Ngɔndɔ ka Samalo 1998, lɛkɛ 8, od. 1-2, 7.

Min. 20: “Tokambɛke Jehowa Olimu l’Ɔngɛnɔngɛnɔ.”a (Anto tshɛ pombaka monga la dikatshi di’okotsha di’Olimu Aso wa Diolelo wa Ngɔndɔ ka Ntondo 2002 dikambo di’ɔkɛtshanyelo ɔsɔ.) L’ɔkɔngɔ wa nyu kɛtshanya odingɔ 4, ewoya dia lo Ngɔndɔ ka Dikumi l’Ɔtɔi tayosha anto biukubuku Katɔlɔmba ndo dibuku Ewo. Vusola lo tshena pe mbɔtwɛlɔ kɛmɔtshi, l’atei wa nyɛ yele lo dikatshi di’okotsha di’Olimu Aso wa Diolelo wa Ngɔndɔ ka Ntondo 2002. Oma lâsɔ ɛnya l’etena kakɔna kasungana kamba la mbɔtwɛlɔ kosadinyu wɛnyɛlɔ. Keketsha anto tshɛ dia ndjalɔngɔsɔlaka dimɛna otsha l’esambishelo.

Min. 15: Mbeka l’Anto Bible Mbelaka Ɛtshɔkɔ. Sawo ndo ɔkɛtshanyelo l’ampokami. Kɔndɔla awui amɔtshi angana w’oma l’ekanda aso wendana l’ambeki wa Bible watahame. (w00 1/3 lɛkɛ 6, lo Falase; yb98 lɛkɛ 55-60) Lɔmba ampokami dia vɔ mbuta kɛnɛ kamboteka oma l’awui wakete l’esambishelo asɔ ndo wahɔ wakondjaso lo mbeka l’anto Bible.

Osambo 172 ndo dɔmbɛlɔ dia ndjihelo.

Lomingu la Ngɔndɔ ka Dikumi 20

Osambo 86

Min. 5: Waewoyelo.

Min. 40: “Nsanganya ya Distrikɛ ndo ya Wedja Efula Totshutshuyaka dia Mbisha Nzambi Lotombo!” Ayosalema oma le ekumanyi kɛmɔtshi. Oma l’ɔkɔngɔ wa sala mbɔtwɛlɔ ka minitɛ ɔtɔi kana kahakoke ndo minitɛ, ko wɛ nɔmbɔla ɔkɛtshanyelo wa l’ampokami w’awui wele l’ekongelo ka losanganya la distrikɛ lo kamba la wembola wele lo sawo. Kahanya wenya dimɛna woho wa wɛ mbeya sɛdingola wembola tshɛ, ondo lo sala di’okadimwelo ɔtɔi mbishamaka lo wembola ɛmɔtshi. Bu ohomba mbadia avɛsa tshɛ woshilami; avɛsa akɔ wekɔ paka dia mbokiya esadi eto ahole watanema ekadimwelo. Kɔmatɛrɛ la dia mendana l’ɛlɔlɔ wakondjaso lo kamba l’awui wakateke.

Osambo 112 ndo dɔmbɛlɔ dia ndjihelo.

Lomingu la Ngɔndɔ ka Dikumi 27

Osambo 64

Min. 12: Waewoyelo. Alapɔlɔ wa falanga. Ohola apandjudi dia vɔ kimɔ alapɔlɔ w’olimu wa Ngɔndɔ ka Dikumi. Keketsha anto tshɛ dia vɔ vusola nɔtɛ yakawɔshi lo losanganya la lânde la lushi ɔtɔi la l’ɔnɔnyi w’olimu wetshi dia nɔngɔsɔla Losanganya l’Olimu la lomingu layaye. Lo kamba l’awui wele lo lɛkɛ 8,# sala wɛnyɛlɔ ehende wotshikitanyi wɛnya woho wa mbisha anto Tshoto y’Etangelo ya Ngɔndɔ ka Dikumi l’Ɔtɔi 1 ndo Réveillez-vous! wa Ngɔndɔ Dikumi l’Ɔtɔi 8. Lo wɛnyɛlɔ tshɛ, paka mbisha onto periodikɛ yakɔ hiende, kânga mbele awui wa lo periodikɛ ɔtɔi mbayoyɔtɛkɛta. Lo wɛnyɛlɔ ɔmɔtshi, kɛnya woho wa mbekola wekamu naka onto ona dia komiya sawo lo mbuta ate: ‘Hangɛnyangɛnya.’​—⁠Enda lo biukubuku Woho wa Tatɛ ndo Tetemala, lɛkɛ 8.

Min. 20: Kamba la Yɔmbɔ ya Nyuma. (Ef. 6:17) Ɔkɛtshanyelo l’ampokami w’awui w’oma lo dibuku Kalasa k’Olimu, lɛkɛ 143-144. Lɔmba ampokami washa ekadimwelo lo wembola ɛnɛ: (1) Lande na kakambaso la Bible etena kakadimolaso lo wembola? (2) Lokombo laso l’Ɛmɛnyi wa Jehowa ɛnyalɔ lo dikambo diaso? (3) Naa ɛnyɛlɔ kakatotshikɛ Yeso ndo ngande wakokaso mbôkoya? (4) Lo mbilo kaso, naa toho tɔmɔtshi t’ɔlɔlɔ takokaso tatɛ sawola l’anto tokanyi t’oma lo Bible? (5) Lande na ekɔ dimɛna mbadiaka avɛsa mbala kakɔ ɔtɔi oma lo Bible etena tshɛ kɛnayɛ wate kokaka? (6) Ngande wakoka dikumanyi keketsha anto akina dia kamba dimɛna la Bible? Sala wɛnyɛlɔ ɔmɔtshi wa dimɛna wɔsami oma lo okambelo wa lo lɛkɛ 144 wɛnya woho wakamba opandjudi kânga la divɛsa ɔtɔi dia kadimola lo wombola ɔmɔtshi. Keketsha anto tshɛ dia vɔ ndjadjɛ oyango wa kambaka la Bible etena tshɛ kasambishawɔ.

Min. 13: Awui wendana l’etshumanelo kanyu. Lɔmba ampokami dia vɔ mbuta awui amɔtshi wakângɛnyangɛnya lam’akawɔtɔ lo losanganya la distrikɛ kana etena kakawasambishaka lo tshakitudi lo dihole di’olimu, la kalasa, kana l’ahole akina.

Osambo 52 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ɔtɔi 3

Osambo 147

Min. 5: Waewoyelo.

Min. 15: Ehomba wa l’etshumanelo.

Min. 25: Nyonge Ɛngɔnyi l’Elimu w’Ɔlɔlɔ. (1 Tim. 6:18) Lo kamba la wembola woshawɔ lanɛ, ekumanyi kɛmɔtshi ayɔkɛtshanya l’ampandjudi awui wakatɛkɛtama lo losanganya la lânde lakasalema l’ɔnɔnyi w’olimu wetshi. Lɔmba as’etshumanelo dia vɔ mbuta woho wakawakoke kamba l’awui wakaweke. (Wɛ koka takahe anto tenyi la ntondo.) Ɔmbɔla tenyi dia lo losanganya nɛ: (1) “Elimu w’Ɔlɔlɔ Mbelaka Wahɔ.” (Und. 2:11) Bonde kele ekambi wa Jehowa tetemalaka ndjasha l’elimu w’ɔlɔlɔ watɛkɛtawɔ l’Ɔtɛkɛta wa Nzambi lo dihole di’elimu w’anyanya wa l’andja ɔnɛ? (2) “Tonge Ɛngɔnyi lo Washo wa Nzambi.” (Mat. 6:20) Anto amɔtshi ngande ‘wakawayaombɛ diangɔ l’olongo,’ ndo wahɔ akɔna wakawakondja? (3) “Tɔngɔnya Olimu Aso lo Nɔmbɔla Wekelo wa Bible.” (om lɛkɛ 91) Kakɔna kakoka tokimanyiya dia tatɛ ndo tetemala nɔmbɔla wekelo wa Bible? (4) “Toyasha l’Elimu w’Ɔlɔlɔ l’Etena Kɛnɛ ka Dinela.” (Mat. 13:​37-39) Ɛnyɛlɔ kakɔna kendana l’elimu w’ɔlɔlɔ kakatotshikɛ Akristo wa lo nshi ya ntondo, ndo ngande wambohama olimu wa Diolelo lo nshi yaso nyɛ? (5) “Elimu Anyu w’Ɔlɔlɔ Watombole Jehowa.” (Mat. 5:​14-16) Anto amɔtshi ngande ‘wangamulawɔ osase awɔ’? (6) “Akɛnda Wakoka Mandɔma l’Ɔtɛ w’Elimu w’Ɔlɔlɔ Wakambawɔ lo Lotombo la Jehowa.” (Osam. 148:​12,13) Ɛlɔngɔlɔngɔ w’Akristo wa l’otshimbedi aso ngande washawɔ Jehowa lotombo? (7) “Totetemale Ndjasha l’Elimu w’Ɔlɔlɔ, ko Tayokondja Ɛtshɔkɔ oma le Jehowa.” (Tuk. 10:22) Naka sho tetemala ndjasha l’elimu w’ɔlɔlɔ, ɛtshɔkɔ akɔna wayotokondja onto l’onto, lo nkumbo, l’etshumanelo, ndo l’ɔlɔngɔswamelo wa l’andja w’otondo?

Osambo 180 ndo dɔmbɛlɔ dia ndjihelo.

[Nɔte ka l’ɛse ka dikatshi]

#Lam’alanganyu nyokambe l’alako w’oma lo numɛlɔ ya komelo ya periodikɛ yele lanyu.