Ekongelo Ka Losanganya L’olimu

Lomingu la Ngɔndɔ ka Dikumi l’Ɔtɔi 10

Osambo 212

Min. 10: Waewoyelo. Waewoyelo w’oma l’Olimu Aso wa Diolelo. Kamba l’alako wa lo lɛkɛ 4 dia sala wɛnyɛlɔ ehende wɛnya woho wa mbisha anto Tshoto y’Etangelo ya Ngɔndɔ ka Dikumi l’Ɔtɔi 15 ndo Réveillez-vous! wa Ngɔndɔ ka Dikumi l’Ɔtɔi 22 lo mbilo kanyu.# Lo wɛnyɛlɔ tshɛ, paka mbisha onto periodikɛ yakɔ hiende, kânga mbele awui wa lo periodikɛ ɔtɔi mbayoyɔtɛkɛta. Sala wɛnyɛlɔ ɔmɔtshi dia nembetshiya woho wasukamɛ olimu aso wa l’andja w’otondo.​—⁠Enda lo Tshoto y’Etangelo, lɛkɛ 2, kana Réveillez-vous! lɛkɛ 5.

Min. 15: “Nyoyalɔngɔsɔlake.”a Lɔmba ampokami dia mbisha kɔmatɛrɛ lo kɛnɛ kakâkimanyiya di’aha shisha wenya w’ɔlɔlɔ wahombawɔ mbetsha l’eyango wa lo nyuma lo tɔkɛnyɔ tekola yimba kana l’ekiyanu wa l’andja.

Min. 20: Ngande Wasɔnayɛ Angɛnyi Ayɛ? Ɔkɛtshanyelo kâmɛ l’ampokami w’awui wele lo dibuku Tɔtɛmɔlɛ Nzambi, lɛkɛ 47-49. Lo kamba la wembola ndo avɛsa woshilami wele l’odingɔ 13, lɔmba ampokami dia mbisha kɔmatɛrɛ l’atɔndɔ wa lo Bible wahomba tɔlɔmbɔla etena kasɔnaso angɛnyi aso.

Osambo 127 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ɔtɔi 17

Osambo 96

Min. 12: Waewoyelo. Kɔnya apandjudi ahende kana asato wakakondja etombelo w’amɛna oma l’okambelo wa l’ekanda weke ka tomba. Ondo amɔtshi wakonge l’akoka wa tatɛ wekelo wa Bible.

Min. 15: Ehomba wa l’etshumanelo.

Min. 18: “Lowando Keketshaka.”b Mbidja ndo kɔmatɛrɛ ya lo dibuku Ɔngɛnɔngɛnɔ wa lo Nkumbo, lɛkɛ 49-50, odingɔ 21. Lɔmba wanɛ wakawandola oma le anto akina dia mbisha kɔmatɛrɛ ya tomondo.

Osambo 58 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ɔtɔi 24

Osambo 213

Min. 12: Waewoyelo. Alapɔlɔ wa falanga. Kamba l’alako wa lo lɛkɛ 4 dia sala wɛnyɛlɔ ehende wɛnya woho wa mbisha anto Tshoto y’Etangelo ya Ngɔndɔ ka Dikumi l’Ahende 1 ndo Réveillez-vous! wa Ngɔndɔ ka Dikumi l’Ahende 8.# Mbeyaka kamba l’avɛsa wotshikitanyi woshilami lo lɛkɛ 4. Lo wɛnyɛlɔ tshɛ, paka mbisha onto periodikɛ yakɔ hiende, kânga mbele awui wa lo periodikɛ ɔtɔi mbayolembetshiyama. Lo wɛnyɛlɔ ɔmɔtshi, ɛnya onto asha periodikɛ lo tshakitudi lo mituka wɛmba anto tshɛ kana lo weho w’ahole akina wa lo mbilo.

Min. 10: Okadimwelo lo Wembola Anyu. Sawo oma le ekumanyi kɛmɔtshi.

Min. 23: “Tonge la Diɔtɔnganelo la Jehowa.”c Kamba la wembola wele lɔkɔ. Lɔmba ampokami dia mbisha kɔmatɛrɛ yɛnya woho wa kamba l’avɛsa asɔ. Talɔngɔsɔdi la ntondo di’opandjudi ɔtɔi kana ahende mbisha kɔmatɛrɛ lo kɛnɛ kakakimanyiya dia ndowanya wekelo awɔ wa Bible w’onto ndamɛ.

Osambo 202 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ahende 1

Osambo 138

Min. 10: Waewoyelo. Ohola apandjudi dia kimɔ alapɔlɔ wa ngɔndɔ ka Dikumi l’Ɔtɔi. Ewoya Ekanda wayotosha anto lo Ngɔndɔ ka Dikumi l’Ahende. Vusola lo tshena pe mbɔtwɛlɔ ɔtɔi kana hiende yakashama. Lembetshiya woho wakoka apandjudi kamba la Index des publications de la Société Watch Tower dia kondja mbɔtwɛlɔ kina.​—⁠Enda Olimu Aso wa Diolelo wa Ngɔndɔ ka Divwa 2001, lɛkɛ 2.

Min. 15: Tonge la Yimba ya Lokaho. Sawo diayoshama oma l’ekumanyi kɛmɔtshi, di’oma lo Tshoto y’Etangelo ya Ngɔndɔ ka Dikumi l’Ɔtɔi 1, lɛkɛ 27-30. (Lam’alanganyu, naka yɔ bu, ko nyu kamba la sawo diele l’ɔtɛ a dui ɔnɛ: “Ɔngɔnyi wa Lokaho Mbelaka Ɔngɛnɔngɛnɔ,” wa lo Tshoto y’Etangelo, ya Ngɔndɔ ka Dikumi l’Ɔtɔi 1, 2000, lɛkɛ 28-31).

Min. 20: Tekɔ l’Akoka Wahombama dia Mbetsha Akina. Ɔkɛtshanyelo kâmɛ l’ampokami lo kamba l’awui wele lo Tshoto y’Etangelo–(OT), ya Ngɔndɔ ka Samalo 1, 2000, lɛkɛ 28-29, odingɔ 9-13. Monga l’akoka wa mbetsha akina ekɔ oyango wa ntondo w’olimu aso. Otondoyelo aso etena kakimanyiyaso anto wele oko ɛkɔkɔ nɛmanɛka la dikoka diaso dia sambisha losango la Diolelo lo yoho yawasha wetshelo ndo yakeketsha. Nyɔkɛtshanya wembola wayela ɛnɛ: (1) Otshikitanu akɔna wele l’asa sambisha la mbetsha? (it-2 lɛkɛ 632 od. 4) (2) Bonde kele amɔtshi mbokaka wɔma nɔmbɔla wekelo wa Bible? (3) Ngande wakokaso ndowanya dikoka diaso dia mbetsha? (4) Ngande wakokaso shikikɛ di’ombeki aso ekɔ lo tôke akambo watandeke? (5) Oyango akɔna wahombaso nyanga dia kimanyiya ombeki dia nde kotsha?

Osambo 70 ndo dɔmbɛlɔ dia ndjihelo.

[Nɔte ka l’ɛse ka dikatshi]

# Lam’alangayɛ kamba l’alako woshami dia mbisha Periodikɛ y’eyoyo yele lanyu.