Ekongelo Ka Losanganya L’olimu

Lomingu la Ngɔndɔ ka Dikumi l’Ahende 8

Osambo 221

Min. 10: Waewoyelo. Waewoyelo w’oma l’Olimu Aso wa Diolelo. Lo kamba l’alako wele lo lɛkɛ 8, sala wɛnyɛlɔ ehende wɛnya woho wa mbisha anto Tshoto y’Etangelo ya Ngɔndɔ ka Dikumi l’Ahende 15 ndo Réveillez-vous! wa Ngɔndɔ ka Dikumi l’Ahende 22#Lo wɛnyɛlɔ tshɛ, pombaka mbisha periodikɛ yakɔ hiende, kânga mbele awui wa lo periodikɛ ɔtɔi mbayoyɔtɛkɛta.

Min. 20: “Ngande Wonga Kâmɛ ka Mɛtɛ k’Akristo?”a Lam’ayonyɔkɛtshanya odingɔ 5, lɔmba ampokami dia kɔndɔla bɛnyɛlɔ diendana la nsanganya ya weke ya wedja efula, wokelo wa Mbalasa ya Diolelo ndo wa mvudu ya filialɛ, kana ekimanyielo katoyaka etena katomba mpokoso kɛmɔtshi, akambo wɛnya kâmɛ k’Akristo.

Min. 15: “Kalasa k’Olimu wa Teokrasi ka lo 2004.” Sawo diayoshama oma le ɔnɔmbɔdi wa kalasa. Mbidja ndo awui w’oma lo dikatshi di’okotsha di’Olimu Aso wa Diolelo wa Ngɔndɔ ka Dikumi 2003.

Osambo 108 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ahende 15

Osambo 71

Min. 10: Waewoyelo. Tɛkɛta awui wele lo kiombo yele l’ɔtɛ a dui ɔnɛ: “Towaênde Aha la Tshimbatshimba.” Ɛnya fɔrmilɛrɛ ka S-70 kɛmɔtshi naka nyekɔ latɔ. Ewoya tɛdikɔ ta lânde tambɔsama lo kɛnɛ kendana l’olimu w’esambishelo lo Ngɔndɔ ka Dikumi l’Ahende 25 ndo Ngɔndɔ ka Ntondo 1.

Min. 15: Wekelo w’Onto Ndâmɛ Ekɔ Etenyi Kɛmɔtshi ka l’Ɔtɛmwɛlɔ. Sawo diayɔsama oma lo Tshoto y’Etangelo ya Ngɔndɔ ka Dikumi 1, 2000, lɛkɛ 23-24, odingɔ 6-10.

Min. 20: “Tokimanyiya Wanɛ Wele ‘l’Etema w’Ɔlɔlɔ.’”b Kamba la wembola woshami. Vusola listɛ l’alako wendana la woho wa salaka waendelo w’eyoyo lo kiombo ya lo lɛkɛ 5 y’Olimu Aso wa Diolelo wa Ngɔndɔ ka Nɛi 1997.

Osambo 42 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ahende 22

Osambo 10

Min. 12: Waewoyelo. Alapɔlɔ wa falanga. Lo kamba l’alako wele lo lɛkɛ 8, sala wɛnyɛlɔ wɛnya woho wa mbisha onto Tshoto y’Etangelo ya Ngɔndɔ ka Ntondo 1 ndo Réveillez-vous! wa Ngɔndɔ ka Ntondo 8c Ohola onto tshɛ dia lo Losanganya l’Olimu la lânde layosalema lomingu layaye, mbayɔtɛkɛtama dikambo dia kartɛ ya Instructions médicales prévisionnelles.

Min. 15: Ehomba wa l’etshumanelo.

Min. 18: “Toyangake Anto Wakoka.”d Lembetshiya woho wakoka anto kamba l’awui asɔ l’ɛtshi kanyu ka nkɛtɛ. Wonya akɔna waleka anto tanema lo waa ngelo yawɔ? Etombelo akɔna wakakondjama lo sambisha l’ɔkɔngɔ a midi kana la dikɔlɔ? Toho takɔna takoka kamba lanyu dia pomana l’anto wahaleke tanema lo waa ngelo yawɔ?

Osambo 209 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ahende 29

Osambo 200

Min. 5: Waewoyelo. Lɔmba apandjudi tshɛ dia kimɔ alapɔlɔ awɔ w’olimu wa Ngɔndɔ ka Dikumi l’Ahende. Ewoya ekanda wayotokahɛ anto lo Ngɔndɔ ka Ntondo.

Min. 17: Tamboyashikikɛ la Wolo Tshɛ dia Tona Dikila. (Euh. 12:23) Ɔkɛtshanyelo w’odingɔ l’odingɔ l’ampokami w’awui wele lo mukanda le Tshumanelo Tshɛ wa Ngɔndɔ ka Dikumi l’Ɔtɔi 1, 2002 wakawatomɛ tshumanelo tshɛ. (Diewoyelo: Mukanda ɔsɔ wekɔ l’alako wendana la woho wa tona okaloyelo wa dikila.) Edingɔ wayadiema oma le ombadi wa dimɛna. Lɔmba ampokami dia vɔ mbuta woho wakokanyu kamba l’awui asɔ l’ɛtshi kanyu ka nkɛtɛ.

Min. 23: Tokandole Ekakatanu Wendana l’Esakelo ka Laka Enganga la Dihonga. Sawo diayoshama oma le ekumanyi kɛmɔtshi ka manamana, lo kamba l’ekongelo kakatome biro ka filialɛ. Vusola awui w’ohomba w’oma lo kiombo yata ɔnɛ: “Tɛdikɔ Tatokimanyiya dia Tona Dikila.”

Osambo 182 ndo dɔmbɛlɔ dia ndjihelo.

Lomingu la Ngɔndɔ ka Ntondo 5

Osambo 103

Diewoyelo: Tshumanelo hadiohombe sɛkɔla Losanganya lawɔ l’Olimu la lomingu la Ngɔndɔ ka Ntondo 5, mbut’ate lisala la ntondo ka datɛ diele l’ekongelo onyake naka omendji w’otshimbedi ayowaembola lomingu lakɔ. Tshumanelo tshɛ pombaka sɛdingola dikatshi di’okotsha diatɛkɛta awui wa losanganya la distrikɛ paka lo Losanganya l’Olimu la lomingu lele l’ekongelo. Naka losanganya l’otshimbedi layosalema lomingu lɔsɔ, kete ɛnɔmbɔdi wa wekelo wa dibuku pombaka mbewoyaka dihole ndo datɛ diayosalema losanganya lakɔ lo wekelo wa dibuku.

Min. 5: Waewoyelo.

Min. 15: Pâ Kanyu Kema Anyanya. (1 Kor. 15:58) Ɔkɛtshanyelo l’ampokami. Talɔngɔsɔdi di’apandjudi amɔtshi wambosambisha la waasaso l’edja k’ɛnɔnyi efula kɔndɔla awui amɔtshi wakahomana lawɔ l’esambishelo atete edja. Anto angana wakasangana kâmɛ l’etshumanelo? Lo bɛtshi dia nkɛtɛ dingana diakasambisha etshumanelo? Ngande waki dionga di’anto lo losango la Diolelo? Ɔlɔshamelo wa ngande wakahomana lanyu? Ngande wakahame olimu wa Diolelo l’ɛtshi kanyu ka nkɛtɛ l’edja k’ɛnɔnyi?

Min. 25: “Losanganya la Distrikɛ l’Ɛmɛnyi wa Jehowa la l’Ɔnɔnyi 2004 Lele l’Ɔtɛ a dui ɔnɛ: ‘Tɔkɛndɛkɛndɛ la Nzambi.’” Oma le Sekeletɛlɛ k’etshumanelo. L’ɔkɔngɔ wa sɛdingola odingɔ 1, adia mukanda wendana la losanganya la distrikɛ. L’ɔkɔngɔ w’ɔsɛdingwelo w’odingɔ wa 10, onto ɔmɔtshi lalanga l’atei w’ampokami âdia awui tshɛ wele lo kiombo ya lo lɛkɛ 4. Keketsha anto tshɛ dia ndjalɔngɔsɔla la ntondo dikambo dia losanganya la distrikɛ.

Osambo 7 ndo dɔmbɛlɔ dia ndjihelo.

[Nɔte ka l’ɛse ka dikatshi]