Ekongelo Ka Losanganya L’olimu

Diewoyelo: Olimu Aso wa Diolelo wayonga l’ekongelo ka Losanganya l’Olimu lɔmɔtshi lomingu tshɛ la lo Ngɔndɔ k’Enanɛi la ka Divwa. Tshumanelo kokaka tshikitanya ekongelo kakɔ lo woho wahombama dia kondja diaaso dia mbɔtɔ lo Losanganya la Distrikɛ lele l’ɔtɛ a dui ɔnɛ: “Tɔkɛndɛkɛndɛ la Nzambi.” Naka kokaka, kete nyokambe la minitɛ 15 ya lo Losanganya l’Olimu l’ekomelo lele la ntondo ka nyu mbɔtɔ lo losanganya la woke dia vusola alako w’ohomba wele lo dikatshi di’okotsha di’Olimu Aso wa Diolelo wa ngɔndɔ kɛnɛ wendana la ngelo kanyu. Lo Ngɔndɔ ka Dikumi, Losanganya l’Olimu l’otondo layokongɛma dia vusola awui wakatama lo losanganya la distrikɛ. Dia ndjalɔngɔsɔla lo sawo sɔ, onto tshɛ la l’atei aso kokaka mbɔsa nɔtɛ y’ohomba lo losanganya mbidja ndo awui wayondokombola ndjokamba la wɔ lo lɔsɛnɔ lande hita ndo l’olimu w’esambishelo. Oma lâsɔ, sho kokaka keketsha akina lo nembetshiya woho wakatakambe l’alako akɔ tatɛ lam’akatɔtɔ lo losanganya.

Lomingu la Ngɔndɔ ka Nɛi 12

Osambo 93

Min. 10: Waewoyelo. Waewoyelo w’oma l’Olimu Aso wa Diolelo. Lo kamba l’alako wa lo lɛkɛ 8, sala wɛnyɛlɔ ehende wɛnya woho wa mbisha anto Tshoto y’Etangelo ya Ngɔndɔ ka Nɛi 15 ndo Réveillez-vous! wa Ngɔndɔ ka Nɛi 22.# Lo ɛnyɛlɔ tshɛ, ɛnya yoho mɔtshi ya mbekola wekamu naka onto ambota ate: “Lekɔ l’olimu.”​—⁠Enda lo biukubuku Woho wa Tatɛ ndo Tetemala, lɛkɛ 11.

Min. 15: “Tosha Jehowa Kɛnɛ Koleki Ɔlɔlɔ le So.”a Etena kakɛtshanyanyu odingɔ 4, lɔmba ampokami dia mbisha kɔmatɛrɛ lo toho ta shikaa takokaso mɛnya anto ngandji lo kamba olimu aso w’esambishelo.

Min. 20: “Nyɛsɔ Totombole Lokombo Lande Kâmɛ.”b Ayoshama oma le sekeletɛlɛ ka l’etshumanelo lo kamba la wembola woshami. Ewoya losanganya lɔnɛ layɔtɔ etshumanelo. Ekongelo ka wenya kekɔ lo dikatshi di’okotsha di’Olimu Aso wa Diolelo wa Ngɔndɔ ka Dikumi l’Ahende 2003. Awui akina wa lo dikatshi di’okotsha kokaka tɔtɔmiyama naka ekɔ ohomba. Komiya lo mboka wembola ehende kana esato oma lo sawo diele l’ɔtɛ a dui ɔnɛ: “Mbo ya Ndɛ ya lo Nyuma lo Tena Diayɔ,” diayokɛtshanyema lo Losanganya l’Olimu la lomingu layaye.

Osambo 91 ndo dɔmbɛlɔ dia ndjihelo.

Lomingu la Ngɔndɔ ka Nɛi 19

Osambo 55

Min. 8: Waewoyelo.

Min. 17: “Tôkoya Woho wa Yimba ya Yeso.”c Kamba la wembola woshami. Etena kakɛtshanyanyu odingɔ 4, lɔmba wanɛ wakamba oko ambatshi mboka wa tshanda dia mbisha kɔmatɛrɛ l’ɛlɔlɔ wambowokondja lo kamba olimu ɔsɔ.

Min. 20: “Mbo ya Ndɛ ya lo Nyuma lo Tena Diayɔ.”d Kamba la wembola woshami. Etena kakɛtshanyanyu odingɔ 2, lɔmba onto ɔtɔi kana ahende l’atei w’ampokami dia mbisha kɔmatɛrɛ ya tomondo yendana la losanganya lɔmɔtshi lakawɔtɔ lahawohɛki. Komiya lo mboka wembola ehende kana esato oma lo sawo diele l’ɔtɛ a dui ɔnɛ: “Tônge Ekila lo Lɔkɛwɔ Laso Tshɛ,” diayɔkɛtshanyema lo Losanganya l’Olimu la lomingu layaye.

Osambo 80 ndo dɔmbɛlɔ dia ndjihelo.

Lomingu la Ngɔndɔ ka Nɛi 26

Osambo 46

Min. 12: Waewoyelo. Alapɔlɔ wa falanga. Ohola apandjudi dia kimɔ alapɔlɔ awɔ w’olimu wa Ngɔndɔ ka Nɛi. Ewoya ekanda wayotosha anto lo Ngɔndɔ ka Tanu. Lo kamba l’alako wele lo lɛkɛ 8, ɛnya woho wa mbisha anto Tshoto y’Etangelo ya Ngɔndɔ ka Tanu 1 ndo Réveillez-vous! wa Ngɔndɔ ka Tanu 8.# Lo wɛnyɛlɔ ɔmɔtshi, ɛnya onto asambisha osekande la l’olimu kana la la kalasa.

Min. 15: Ehomba wa l’Etshumanelo.

Min. 18: “Tônge Ekila lo Lɔkɛwɔ Laso Tshɛ.”e Kamba la wembola woshami. Lɔmba ampokami dia mbisha kɔmatɛrɛ lo woho wakawɛnyi dia lɔkɛwɔ l’ɔlɔlɔ longa laso lo nsanganya ya weke tombolaka Jehowa. Komiya lo mboka wembola ehende kana esato oma lo sawo diata ɔnɛ: “Tônge l’Ɛnamelo ka Pudipudi ndo Kasungana Mandɔma,” diayɔkɛtshanyema lo Losanganya l’Olimu la lomingu layaye.

Osambo 38 ndo dɔmbɛlɔ dia ndjihelo.

Lomingu la Ngɔndɔ ka Tanu 3

Osambo 48

Min. 10: Waewoyelo. Sha kɔmatɛrɛ ya tomondo yendana l’elimu wakakongɛma dia salema lo Ngɔndɔ k’Esambele ndo k’Enanɛi, oko: mbɔtɔ lo losanganya la distrikɛ, kamba oko ombatshi mboka wa tshanda, nɔngɔsɔla mvudu yaso, ndo ndjasha yema lo tɔkɛnyɔ tɔmɔtshi tele kema kɔlɔ. Naka etshumanelo kekɔ l’etenyi ka nkɛtɛ kele atakindjakindjama, kete ewoya ɛlɔngɔswɛlɔ wambɔsama dia kindjakindja ɛtshi ka nkɛtɛ kɛsɔ. Ekongelo k’ɔlɔlɔ ekɔ ohomba dia ndjashikikɛ dia hatonyisha yimba oma lo wekelo wa lo nkumbo, nsanganya ya l’etshumanelo, ndo oma l’olimu w’esambishelo naka kɛndɔ kana elimu ekina waya la shɛngiya lo ekongelo kaso ka lushi la lushi. (Tuk. 21:⁠5) Ohola anto tshɛ dia kimɔ alapɔlɔ awɔ w’olimu, oyadi lɛnɛ ewɔ la ngelo kana dihole dikina.

Min. 15: “Ɛlɔngɔlɔngɔ l’Esekaseka, Nyadiake Bible!”f Lɔngɔsɔla la ntondo di’ɛlɔngɔlɔngɔ ehende kana esato mbisha kɔmatɛrɛ lo kɛnɛ kendana l’ekongelo kawɔ ka wadielo wa Bible ndo nganɛ wakondjawɔ wahɔ oma lɔkɔ. Keketsha ɛlɔngɔlɔngɔ l’esekaseka dia ndjadjɛ oyango wa mbadia Bible k’otondo. Dja ndo kɔmatɛrɛ ya lo dibuku Kalasa k’Olimu wa Teokrasi, lɛkɛ 10, odingɔ 4.

Min. 20: “Tônge l’Ɛnamelo ka Pudipudi ndo Kasungana Mandɔma.”g Kamba la wembola woshami. Naka etena kekɔ, nyadia ndo nyɔkɛtshanya avɛsa woshilami.

Osambo 164 ndo dɔmbɛlɔ dia ndjihelo.

[Nɔte ka l’ɛse ka dikatshi]

# Lam’alanganyu, nyokambe l’alako w’oma lo numɛlɔ ya komelo ya periodikɛ yele lanyu.