Ekongelo Ka Losanganya L’olimu

Lomingu la Ngɔndɔ ka Tanu 10

Osambo  193

Min. 10: Waewoyelo. Waewoyelo w’oma l’Olimu Aso wa Diolelo. Naka alako wa lo lɛkɛ 4 wekɔ ohomba l’ɛtshi ka nkɛtɛ k’etshumanelo kanyu, kete nyokambe la wɔ dia mɛnya woho wa mbisha anto Tshoto y’Etangelo ya Ngɔndɔ ka Tanu 15 ndo Réveillez-vous ! wa Ngɔndɔ ka Tanu 22.# Nyu koka kamba la wɛnyɛlɔ ekina. Lo wɛnyɛlɔ tshɛ, ɛnya yoho yotshikitanyi ya sala naka onto ona dia kumiya sawo diaso lo mbuta ɔnɛ: “Dimi lekɔ l’ɔtɛmwɛlɔ ami.”​—⁠Enda lo biukubuku Woho wa Tatɛ ndo Tetemala, lɛkɛ 10-11.

Min. 15: Onde Wɛ Ambosawolaka l’Owandji Ayɛ w’Olimu? Sawo ndo ɔkɛtshanyelo l’ampokami oma le ekumanyi kɛmɔtshi, diɔ mbɔsama oma lo sawo diele l’ɔtɛ a dui ɔnɛ: “Onde Wɛ Ayonga Lawɔ?” oma l’Olimu Aso wa Diolelo wa Ngɔndɔ ka Tanu 2000, lɛkɛ 1. Dja ndo kɔmatɛrɛ y’oma lo dibuku Kalasa k’Olimu, lɛkɛ 67.

Min. 20: ‘Todihwane Etema.’a Dja ndo kɔmatɛrɛ y’oma lo dibuku Tɛmɔla Nzambi, lɛkɛ 150, odingɔ 14.

Osambo 18 ndo dɔmbɛlɔ dia ndjihelo.

Lomingu la Ngɔndɔ ka Tanu 17

Osambo  188

Min. 10: Waewoyelo.

Min. 15: “Tɛnya Lowando Laso.”b Naka wonya wekekɔ, lɔmba ampokami dia vɔ nembetshiya avɛsa woshilami. Etena kakɛtshanyanyu odingɔ 3, lɔmba onto ɔtɔi kana ahende weke ka kamba olimu w’ombatshi mboka wa tshanda dia vɔ nembetshiya ɛlɔlɔ wakawakondja lo kamba olimu akɔ.

Min. 20: Sho Kananɛka Lam’asaso. (1 Kor. 12:​25, 26) Sawo ndo ɔkɛtshanyelo la ampokami. Diɔ mbɔsama oma lo dibuku Notre ministère lɛkɛ 156-158, l’ɔtɛ a dui wata ɔnɛ: “Soucions-nous les uns des autres” (Tokanane Lam’asaso). Kânga mbasɛna ekambi waki Jehowa l’ahole tshɛ wa l’okama a nkɛtɛ, sho tshɛ tekɔ kâmɛ. Sho tshɛ pombaka nɔmbaka dikambo di’anangɛso lushi tshɛ. Sho mongaka nto suke dia mbisha ekimanyielo ka l’emunyi naka ohomba w’efula wekɔ. Nyadia ndo nyɔkɛtshanya avɛsa w’ohomba, dja ndo dikambo ɔtɔi kana ahende w’oma l’ekanda aso.

Osambo 100 ndo dɔmbɛlɔ dia ndjihelo.

Lomingu la Ngɔndɔ ka Tanu 24

Osambo  128

Min. 12: Waewoyelo. Alapɔlɔ wa falanga. Ɛnya woho wa mbisha anto Tshoto y’Etangelo ya Ngɔndɔ ka Samalo 1 ndo Réveillez-vous ! wa Ngɔndɔ ka Samalo 8.# Sala dia wɛnyɛlɔ tshɛ wangɛnyangɛnya onto ɔmɔtshi la l’ɔtɛmwɛlɔ ɔmɔtshi wa lo ngelo kanyu.

Min. 15: “Mishiki wa Dimɛna.” Sawo ndo ɔkɛtshanyelo l’ampokami. Dja ndo kɔmatɛrɛ y’oma lo Annuaire 2002 lɛkɛ 175, ndo y’oma lo Tshoto y’Etangelo ya Ngɔndɔ ka dikumu l’ɔtɔi 1, 1999 lɛkɛ 22 odingɔ 1 polo lɛkɛ 22 odingɔ 2.

Min. 18: Toyalɔngɔsɔlɛ dia Sambisha lo Tshakitudi. Sawo ndo ɔkɛtshanyelo l’ampokami. Diɔ mbɔsama oma l’Olimu Aso wa Diolelo wa Ngɔndɔ ka Samalo 2003, lɛkɛ 3. Talɔngɔsɔdi la ntondo dia anto amɔtshi mbuta awui wakâkomɛ etena kakawasambisha lo tshakitudi. Sala wɛnyɛlɔ ɔmɔtshi wa lo tshena pe wɛnya woho wakokaso mbisha anto traktɛ Aimeriez-vous en savoir plus sur la Bible ? ndo biukubuku Une bonne nouvelle pour toutes les nations etena kasambishaso lo tshakitudi.

Osambo 211 ndo dɔmbɛlɔ dia ndjihelo.

Lomingu la Ngɔndɔ ka Tanu 31

Osambo 26

Min. 8: Waewoyelo. Ohola apandjudi dia vɔ kimɔ alapɔlɔ awɔ wa Ngɔndɔ ka Tanu.

Min. 17: Lɔsɛnɔ Ekɔ Woshasha Wahombaso Mbɔsa la Nɛmɔ. Ɔkɛtshanyelo l’ampokami, vɔ mbɔsama oma lo dibuku Comment raisonner lɛkɛ 39-40. Dja ndo kɔmatɛrɛ y’oma lo Réveillez-vous ! wa Ngɔndɔ ka Tanu 22, 1993 lɛkɛ 10-11. Ngande wakokayɛ nembetshiya kanyi ya Jehowa lo dikambo di’otondjelo wa diemi le onto la fɔnya ɔnɛ womoto ekɔ la lotshungɔ la mbɔsa yɛdikɔ lo kɛnɛ kendana la demba diande ndamɛ? Kɔndɔla ɔkɔndɔ wele lo Tshoto y’Etangelo ya Ngɔndɔ ka Ntondo 1, 2000 lɛkɛ 4, odingɔ 4-5.

Min. 20: “Tosha Anto Dibuku Etshama Oma le Ombetsha a Woke.” Lo Ngɔndɔ ka Samalo tayosha anto dibuku nɛ. Ɛnya awui wɔkɔndwami lo lɛkɛ 7, odingɔ 1-3, la dibuku nɛ. Lɔmba ampokami dia vɔ mbuta kɛnɛ kangɛnangɛnawɔ lo kɛnɛ kendana la dibuku nɛ. Vusola wɛnyɛlɔ wɛnya woho wa mbisha anto dibuku nɛ. Ɛnya woho wa nembetshiya esato lam’ashaso onto dibuku nɛ. Dikɛnda dimɔtshi asale wɛnyɛlɔ wa ntondo, ndo opalanga wɛnyɛlɔ wa hende. Naka wɛnyɛlɔ ɔmɔtshi wotshikitanyi wayonga ohomba l’ɛtshi kanyu ka nkɛtɛ, kete nyu mbeyaka kɛtshanya wɛnyɛlɔ akɔ ndo kamba lawɔ lo dihole dia wɛnyɛlɔ wa komelo woshawɔ.

Osambo 24 ndo dɔmbɛlɔ dia ndjihelo.

Lomingu la Ngɔndɔ ka Samalo 7

Osambo  136

Min. 10: Waewoyelo. Nyɔkɛtshanya awui w’ohomba wa lo sawo diele l’ɔtɛ a dui ɔnɛ: “Woho wa Mbâkimanyiya.” Shila ɛtɛkɛta ɛmɔtshi watɛkɛtama lo lɛtshi lanyu la nkɛtɛ.

Min. 15: Totombole Nzambi lo Memba Esambo lo Yoho ya Dimɛna. Wadielo wa mukanda wa Ngɔndɔ ka Hende 1, 2004 ndo ɔkɛtshanyelo l’ampokami wa kɛnɛ kele lɔkɔ oma le ekumanyi kɛmɔtshi.

Min. 20: Tokambe Dimɛna la Bɛnyɛlɔ lo Wetshelo Aso. Sawo ndo ɔkɛtshanyelo l’ampokami. Diɔ mbɔsama oma lo Tshoto y’Etangelo ya Ngɔndɔ ka Divwa 1, 2002 lɛkɛ 30-32. Naa akambo anɛi wakimanyiya di’ɛnyɛlɔ monga l’etombelo w’ɔlɔlɔ? Lande na kele ekɔ ohomba dia bɛnyɛlɔ diakɔ monga dia wɔdu? Lende akokaso kondja bɛnyɛlɔ di’eshika? Sɛdingola bɛnyɛlɔ dimɔtshi lo kiombo ya lo lɛkɛ 31, ndo nyɔkɛtshanya kakɔna kakimanyiya di’ɛnyɛlɔ tshɛ monga l’etombelo w’ɔlɔlɔ.

Osambo 133 ndo dɔmbɛlɔ dia ndjihelo.

[Nɔte ka l’ɛse ka dikatshi]

# Lam’alanganyu, nyokambe l’alako w’oma lo numɛlɔ ya komelo ya periodikɛ yele lanyu.