Waewoyelo

◼ Ekanda wayotosha anto Ngɔndɔ ka Samalo: Etshama Oma le Ombetsha a Woke. Naka anto wambota ɔnɛ vɔ kema l’ana, kete nyowasha biukubuku Katɔlɔmba. Lam’akambanyu la biukubuku Katɔlɔmba, nyosale la wolo dia tatɛ mbeka l’anto Bible lawakawɔ. Ngɔndɔ k’Esambele ndo k’Enanɛi: Tobukubuku tshɛ tele la ndjɛkɛ 32 l’atei wa tɔnɛ tayela: Diulelu ne diayela Paradisu; Doit-on croire à la Trinité ? ; ‘Enda! Dimi Leetɛ Diangɔ Tshɛ Eyoyo’; Etena Kavɔ Onto Ɔmɔtshi Lalangayɛ; Le nom divin qui demeure à jamais ; Ngande Wayalaso Lam’avɔso?; Nyudjase pundju l’ongenongeno la kete!; Onde Nzambi tokaneka mete ondo?; ndo Quel est le but de la vie? Comment le découvrir?

◼ Di’aha tshika Mbalasa ka Diolelo lo wâle, onto layotomba l’ekomelo oma lɔkɔ pombaka ndiha lokuke kana nkuke ya Mbalasa ndo lokuke kana nkuke ya lokombo. Naka nde heye woho wadihawɔ nkuke kana nde bu la sapi ya nkuke, kete nde pombaka mbelɛ onto ɔmɔtshi lakoka ndjidiha kana lele la sapi ndo nde hahombe ntshɔ paka onto ɔsɔ layanga ndjodiha nkuke ambokoma. Dikumanyi pombaka mongaka la listɛ l’oyoyo l’apandjudi wakawasha sapi ya Mbalasa ka Diolelo.

◼ Naka ombatshi mboka ambotshɔ otsha l’etshumanelo kekina, kete sekeletɛlɛ pombaka toma (S-202), naka etshumanelo kande k’oyoyo ambɔlɔmba fɔrmilɛrɛ kɛsɔ kâmɛ ndo (S-21), mbut’ate fɔrmilɛrɛ k’Activité du proclamateur (Fichier de la congrégation), kete sekeletɛlɛ la dia tomɛ dikumanyi dia l’etshumanelo kande k’oyoyo mukanda wayowolowola opandjudi ɔsɔ la ntondo k’etshumanelo. Sekeletɛlɛ ka l’etshumanelo k’oyoyo ayosala etshikitanu w’ohomba lâdiko dia divɔlɔpɛ diele la fɔrmilɛrɛ (S-202) ko nde tomɛ biro ka filialɛ. Lam’alanganyu, naka ombatshi mboka wa pondjo ambotshukana kana ambotshikitanya lokombo lande, kete nyofunde etshikitanu w’ohomba lo lɛkɛ la ntondo la fɔrmilɛrɛ (S-202) oma lâsɔ ko nyu kitomɛ biro ka filialɛ. Lo akambo ahende asɔ, l’ɔkɔngɔ wa sho funda etshikitanu wambosalema, tayotomɛ etshumanelo kahombama mukanda ɔsɔ wele l’awui wambotshikitanyema.

◼ Lam’ayotɔtɔ lo Losanganya la Distrikɛ lele l’ɔtɛ a dui ɔnɛ: “Tɔkɛndɛkɛndɛ la Nzambi,” tatohɛke ohomba wa mbɔsaka nɔtɛ ya tomondo yayoyotokimanyiya dia sho ndjosha ekadimwelo l’ovuswelo wa l’onyɔ wayosalema l’ɔkɔngɔ lo Losanganya l’Olimu.