Ekongelo Ka Losanganya L’olimu

Lomingu la Ngɔndɔ ka Samalo 14

Osambo  168

Min. 10: Waewoyelo. Waewoyelo w’oma l’Olimu Aso wa Diolelo. Kamba l’alako wa lo lɛkɛ 4 (naka sunganaka l’ɛtshi kanyu ka nkɛtɛ) dia mɛnya woho wa mbisha anto Tshoto y’Etangelo ya Ngɔndɔ ka Samalo 15 ndo Réveillez-vous! wa Ngɔndɔ ka Samalo 22.# Lo wɛnyɛlɔ ɔmɔtshi, ɛnya opandjudi asambisha lo mbilo k’amundji w’okanda. Nyu koka nto kamba la wɛnyɛlɔ wakoka.

Min. 20: “Jehowa Kimanyiyaka Wanɛ Wayaɛkɛ le Nde.”a Lam’akɛtshanyanyu odingɔ 4, dja kɔmatɛrɛ y’oma l’Olimu Aso wa Diolelo wa Ngɔndɔ ka Dikumi l’Ahende 1999, lɛkɛ 4, odingɔ 9-10, ndo y’oma lo dibuku Kalasa k’Olimu, lɛkɛ 67, odingɔ 2.

Min. 15: Lande na Kahombaso Mbewɔ Nɔnɔ dia Wolo? Ɔkɛtshanyelo l’ampokami wɔsami oma lo dibuku Comment raisonner, lɛkɛ 112-115. Anto efula wɔnɔka nɔnɔ dia wolo dia ndjangɛnyangɛnya. Anto efula tɛtɛka di’okambelo wa ngasɔ wa la nɔnɔ dia wolo kema kɔlɔ; ndo akina nyangaka dia okambelo wa la nɔnɔ dia wolo mbetawɔma le lɛɛta. Nyɔkɛtshanya woho wakokaso kana yimba l’anto wa woho ɔsɔ. Dja ndo kɔmatɛrɛ yele lo kiombo y’oma lo Réveillez-vous! wa Ngɔndɔ ka Dikumi l’Ɔtɔi 8, 1999, lɛkɛ 10.

Osambo 179 ndo dɔmbɛlɔ dia ndjihelo.

Lomingu la Ngɔndɔ ka Samalo 21

Osambo 29

Min. 10: Waewoyelo.

Min. 15: “Andjelo Wekɔ lo Tokimanyiya.”b Naka wonya wekekɔ, lɔmba ampokami dia vɔ mbisha kɔmatɛrɛ y’avɛsa woshilami.

Min. 20: Lomba l’oma l’Olongo Lekɔ Ɔlɔlɔ. (Jak. 3:17) Sawo ndo ɔkɛtshanyelo l’ampokami wɔsami oma lo dibuku Kalasa k’Olimu, lɛkɛ 251-252. Kakɔna kalembetshiya monga l’ekanelo k’ɔlɔlɔ? Lande na kele dikambo sɔ ohomba l’olimu aso w’esambishelo? Kakɔna kakokaso mbeka oma l’ɛnyɛlɔ kaki ɔpɔstɔlɔ Paulo? Ngande wakoka apandjudi mbeya yoho ya lɔsɛnɔ yele l’anto wa l’ɛtshi kawɔ ka nkɛtɛ? Ngande wakokaso kimanyiya ambeki wa Bible dia vɔ monga l’ekanelo k’ɔlɔlɔ? Talɔngɔsɔdi di’opandjudi ɔtɔi kana ahende ndjota awui wɛnya ɛlɔlɔ waya lo mbeya sawola l’anto dimɛna.

Osambo 53 ndo dɔmbɛlɔ dia ndjihelo.

Lomingu la Ngɔndɔ ka Samalo 28

Osambo  139

Min. 12: Waewoyelo. Alapɔlɔ wa falanga. Lɔmba apandjudi dia vɔ kimɔ alapɔlɔ wa Ngɔndɔ ka Samalo. Lo kamba l’alako wa lo lɛkɛ 4 (naka sunganaka l’ɛtshi kanyu ka nkɛtɛ), ɛnya woho wa mbisha anto Tshoto y’Etangelo ya Ngɔndɔ k’Esambele 1 ndo Réveillez-vous! wa Ngɔndɔ k’Esambele 8.# L’etatelo ka wɛnyɛlɔ tshɛ, opandjudi akambe la kɔmatɛrɛ ya tomondo yele oko onto lasawola l’ɔngɛnyi. Ta dia lo sala ngasɔ opandjudi koka kimanyiya ompokami dia ndjaoka dimɛna.

Min. 15: Ehomba wa l’etshumanelo.

Min. 18: “Wekelo wa Dibuku wa l’Etshumanelo​—⁠Bonde Keso l’Ohomba Awɔ.”c Kamba la wembola woshami. Dja ndo kɔmatɛrɛ y’oma lo sawo diele l’ɔtɛ a dui ɔnɛ: “Kimanyiyaka Omendji Ayɛ wa Wekelo wa Dibuku,” diakatombe l’Olimu Aso wa Diolelo wa Ngɔndɔ ka Dikumi l’Ɔtɔi 2002, lɛkɛ 1.

Osambo 20 ndo dɔmbɛlɔ dia ndjihelo.

Lomingu la Ngɔndɔ k’Esambele 5

Osambo 3

Min. 10: Waewoyelo.

Min. 15: Kakɔna Kayoyota? Sawo ndo ɔkɛtshanyelo l’ampokami. Lo Ngɔndɔ k’Esambele la k’Enanɛi tayokimɔ tobukubuku. Tobukubuku takɔna tambɛna apandjudi dia tekɔ dimɛna l’ɛtshi kanyu ka nkɛtɛ? Nyovusole mbɔtwɛlɔ kina yele l’Olimu Aso wa Diolelo wa Ngɔndɔ k’Enanɛi 1998, lɛkɛ 8, kana oma numɛlɔ yambetaka y’Olimu Aso wa Diolelo. Ka epole ɔsɛkɛ lo mbuta dia mbɔtwɛlɔ tshɛ pombaka monga la (1) wombola ɔmɔtshi, (2) divɛsa dimɔtshi, ndo (3) dikambo dimɔtshi diayokokimanyiya dia wɛ kɛtshanya l’onto awui w’oma l’okanda aso ɔmɔtshi. Sala wɛnyɛlɔ ɔtɔi kana ehende. Keketsha anto tshɛ dia vɔ kambaka la Bible lam’atɛkɛtawɔ dia lokumu l’ɔlɔlɔ.

Min. 20: Kakɔna Kele l’Ana Ohomba le Ambutshi Awɔ. Sawo ndo ɔkɛtshanyelo l’ampokami diɔsami oma lo dibuku Etshama Oma le Ombetsha a Woke, lɛkɛ 6-7. Ekɔ ohomba efula le ana dia vɔ mbeka atɔndɔ wa lo Bible walɔmbɔla ɔtɛmwɛlɔ wa mɛtɛ ndo dia shihodia ɔkɛndɛ w’ohomba wele l’ambutshi awɔ lo kɛnɛ kendana la wetshelo. Nyɔkɛtshanya alako wakashama dikambo dia wekelo wa dibuku sɔ. Lɔmba ambutshi dia vɔ mbuta woho wakawakambe l’ehomɔ kɛsɔ ka wekelo. Lɔmba ɔna ɔtɔi kana ahende dia vɔ mbuta lande na kangɛnangɛnawɔ dibuku sɔ.

Osambo 65 ndo dɔmbɛlɔ dia ndjihelo.

[Nɔte ka l’ɛse ka dikatshi]

# Lam’alanganyu, nyokambe l’alako w’oma lo numɛlɔ ya komelo ya periodikɛ yele lanyu.