Ekongelo Ka Losanganya L’olimu

Lomingu la Ngɔndɔ ka Dikumi 11

Osambo  219

Min. 10: Waewoyelo. Waewoyelo w’oma l’Olimu Aso wa Diolelo. Keketsha anto tshɛ dia kamba la wembola wa lo lɛkɛ 1 dia vusola wa nɔtɛ yawɔ dia nɔngɔsɔla ɔkɛtshanyelo wa l’ampokami w’ekongelo ka Losanganya la Distrikɛ laki l’ɔtɛ a dui ɔnɛ: “Tɔkɛndɛkɛndɛ la Nzambi” wayosalema lomingu layaye lo Losanganya l’Olimu. Lo kamba l’alako wa lo lɛkɛ 8 (naka wekɔ ohomba lo ɛtshi kanyu ka nkɛtɛ), ɛnya woho wa mbisha anto Tshoto y’Etangelo ya Ngɔndɔ ka Dikumi 15 ndo Réveillez-vous! wa Ngɔndɔ ka Dikumi 22. Keketsha apandjudi dia vɔ mbidja divɛsa dimɔtshi di’oma l’Afundelo lo mbɔtwɛlɔ yawɔ. Kema kɔlɔ kamba la wɛnyɛlɔ okina wa dimɛna.

Min. 15: Ngɛnangɛna dia Kimanyiya Akina. (Joa. 4:34) Ɛkɔnya. Ekɔ ɔlɔ mɛna woho wangɛnangɛna onto ɔmɔtshi etena kekande awui w’oma l’Ɔtɛkɛta a Nzambi. (w94 1/3 lɛkɛ 29 od. 6-7) Kɔnya apandjudi kana ambatshi mboka ahende kana asato wakamba la Bible dimɛna l’esambishelo ndo dia tatɛ la nɔmbɔla wekelo wa Bible l’anto. Ngande walomialomiawɔ nsaki kɛnya anto? Ɔngɛnɔngɛnɔ akɔna wambowokondja lo sala ngasɔ? Lɔmbawɔ dia kɔndɔla kana sala wɛnyɛlɔ wa lo tɔjɛstɛ w’awui wambohomana lawɔ l’olimu awɔ w’esambishelo.

Min. 20: “Okahanyelo wa Lânde wa Biukubuku y’Oyoyo.”a Diayoshama oma le omendji w’olimu. Sala wɛnyɛlɔ wa mbɔtwɛlɔ yele lo sawo nɛ. Lo wɛnyɛlɔ ɔmɔtshi, onto lasawola l’opandjudi hɛnyisha nsaki k’efula lo kɛnɛ kowɛnyishawɔ oma l’Afundelo ndo wambowosha traktɛ l’ɔtɛ wa biukubuku.

Osambo 69 ndo dɔmbɛlɔ dia ndjihelo.

Lomingu la Ngɔndɔ ka Dikumi 18

Osambo  127

Min. 5: Waewoyelo. Sala ovuswelo wa tshena pe w’ekongelo k’okahanyelo wa lânde wa biukubuku y’oyoyo.

Min. 40: “Losanganya la Distrikɛ Tokeketshaka dia Kɛndakɛnda la Nzambi.” Diayosalema oma le ekumanyi kɛmɔtshi. L’ɔkɔngɔ wa mbɔtwɛlɔ ka minitɛ ɔtɔi kana kahakoke kânga minitɛ ɔtɔi, lɔmbɔla ɔkɛtshanyelo kâmɛ l’ampokami w’ekongelo ka losanganya lo kamba la wembola wele lo sawo nɛ. Kahanya minitɛ woho wa wɛ mbeya yɛdikɔ ya minitɛ yakoka lo wombola tshɛ, ondo lo nongola paka okadimwelo ɔtɔi lo wembola ɛmɔtshi. Aha avɛsa tshɛ mbayoyadia lo yɛdikɔ ya wonya yoshami; avɛsa asɔ wakashama dia tana ekadimwelo esadi. Kɔmatɛrɛ pombaka mbika epole ɔsɛkɛ lo wahɔ waya oma lo kamba l’awui wakekama.

Osambo 165 ndo dɔmbɛlɔ dia ndjihelo.

Lomingu la Ngɔndɔ ka Dikumi 25

Osambo 56

Min. 10: Waewoyelo. Alapɔlɔ wa falanga. Sala wɛnyɛlɔ ɔmɔtshi wendana l’okahanyelo wa biukubuku y’oyoyo wakonge l’etombelo w’ɔlɔlɔ l’ɛtshi kanyu ka nkɛtɛ. Naka wonya wekekɔ, kɔndɔla awui wakahomana lanyu l’okahanyelo ɔsɔ wa lânde.

Min. 15: Ehomba wa l’etshumanelo.

Min. 20: Sha Tolembetelo dia Sukɛ Ɔtɛkɛta Waki Nzambi. Ɔkɛtshanyelo l’ampokami w’awui wɔsami oma lo dibuku Kalasa k’Olimu, lɛkɛ 256-257. Ngande wakokaso kamba la tolembetelo tele bu oma l’atei wa Bible dia kimanyiya anto dia mbɔsa ekanelo k’ɔlɔlɔ k’Afundelo la nɛmɔ? Lɔmba ampokami dia mbisha kɔmatɛrɛ lo wembola wayela ɛnɛ: Bɛnyɛlɔ diakɔna di’oma l’olongo wɛnama diakoka kamba laso dia mɛnya ɔnɛ Otungi ɔmɔtshi ekɔ? (rs lɛkɛ 73-74) Ngande wakokaso kamba la kɔmatɛrɛ yasha wa nomb’ewo y’awui wa lo Bible la tomanyi tɔmɔtshi dia kimanyiya akina dia vɔ mɛna dia Bible mɛtɛ ekɔ Ɔtɛkɛta wa Nzambi? (rs lɛkɛ 55-57) Ɛnyɛlɔ kakɔna kakokaso kamba latɔ dia kimanyiya akina dia vɔ shihodia lande na katshika Nzambi akambo wa kɔlɔ? (rs lɛkɛ 239-40) Bɛnyɛlɔ diakɔna diamboyokambaka ladiɔ dia kimanyiya akina dia vɔ mɛna dia ekɔ dui dia lomba kamba l’alako w’oma lo Bible?

Osambo 62 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ɔtɔi 1

Osambo 15

Min. 10: Waewoyelo. Ohola apandjudi dia kimɔ alapɔlɔ awɔ w’olimu.

Min. 20: Woho wa Kimanyiya Wanɛ Watɛkɛta Ɔtɛkɛta Okina. Sawo ndo ɔkɛtshanyelo l’ampokami diɔsami oma lo biukubuku Lokumu l’Ɔlɔlɔ le Anto wa lo Wedja Tshɛ. Ɛnya awui wele lo biukubuku y’oyoyo. Nyɔkɛtshanya akambo asato wakokaso sala dia kimanyiya wanɛ watɛkɛta ɔtɛkɛta wahatoke. Dja ndo kɔmatɛrɛ y’oma l’Olimu Aso wa Diolelo wa Ngɔndɔ k’Esambele 2003 lɛkɛ 4. Ewoya dia fɔrmilɛrɛ Veuillez suivre l’intérêt (S-43) pombaka ndodiama oyadi kânga onto hɛnyisha nsaki lo losango la Diolelo. Dja ndo wɛnyɛlɔ ɔmɔtshi wɛnya woho wa kamba la biukubuku y’oyoyo.

Min. 15: Awui Wakahomana l’ase Etshumanelo l’Esambishelo. Lɔmba ampokami dia kɔndɔla awui wakahomana lawɔ l’okahanyelo wa lânde wa biukubuku y’oyoyo. Talɔngɔsɔdi la ntondo dia sala wɛnyɛlɔ wa lo tɔjɛstɛ w’awui amɔtshi w’ohomba wakahomana lanyu. Naka lofulo la tobukubuku lakalongola etshumanelo lotakitakita, kete lɔmba di’apandjudi kawoya kɔpi yahawatokamba layɔ oya lo eombelo k’ekanda.

Osambo 175 ndo dɔmbɛlɔ dia ndjihelo.

[Nɔte ka l’ɛse ka dikatshi]