Waewoyelo

◼ Ekanda wayotosha anto Ngɔndɔ ka Dikumi l’Ɔtɔi 1-14: Okahanyelo wa lânde wa biukubuku Nyotetewmale Sungukala! Ngɔndɔ ka Dikumi l’Ɔtɔi 15-30: Etshama Oma le Ombetsha a Woke. Naka onto ambota dia nde bu l’ana, ko nyu mbosha biukubuku Katɔlɔmba. Etena kashanyu onto biukubuku, nyosale la wolo dia tatɛ wekelo wa Bible. Ngɔndɔ ka Dikumi l’Ahende: Onto Loleki Woke lo Tena Tshɛ.

◼ Omendji walɔmbɔla kana onto ɔmɔtshi layondɔsɔna pombaka mbɛdika kɔntɛ k’etshumanelo Ngɔndɔ ka Dikumi l’Ahende 1 kana yema l’ɔkɔngɔ kam’atanema etena. Naka nyekɔ la kɔntɛ ka falanga kina, ɛnyɛlɔ y’ɔlɔngɔswɛlɔ kana ya wokelo, pombaka nɔngɔsɔla dia mbɛdika ndo falanga yakɔ. Kam’ayonyotsha wɛdikelo ɔsɔ ko nyu mbewoya etshumanelo l’ɔkɔngɔ wa mbadia alapɔlɔ wa kɔntɛ wa mbala ketshi.

◼ Tshumanelo pombaka tatɛ nɔmba vɔlimɛ rɛlie ya Tshoto y’Etangelo ndo Réveillez-vous! 2004 lo kɔmandɛ kawɔ k’ekanda ka mbala kayaye. Listɛ l’ɛtɛkɛta watanema tɔvɔlimɛ rɛlie tɔsɔ layotanema lo mukanda wele l’ɔtɛ a dui ɔnɛ: “Avis aux congrégations,” watomɛwɔ tshumanelo ngɔndɔ tshɛ. Polo lam’ayoya ndo wayotomama tɔvɔlimɛ tɔsɔ, tayofundaka ɔnɛ “Noté pour plus tard.” Tɔvɔlimɛ rɛlie nɔmbamaka lo yoho ya lânde.

◼ Tatɛ lomingu la Ngɔndɔ ka Tanu 23, 2005, tayeka biukubuku Nyotetemale Sungukala! lo Wekelo wa Dibuku wa l’Etshumanelo.

◼ Biro ka filialɛ ekɔ l’ohomba wa kondja adrɛsɛ w’eyoyo la numɛlɔ ya telefɔnɛ y’eyoyo yaki emendji-walɔmbɔla tshɛ ndo yaki waa sekeletɛlɛ. Naka otshikitanu ɔmɔtshi wambonga, kete Kɔmite k’Olimu ka l’Etshumanelo pombaka ndodja, sinya ndo tomɛ esadi biro ka filialɛ fɔrmilɛrɛ kelɛwɔ Changement d’adresse du surveillant-président/secrétaire (S-29). Kɛsɔ mendanaka nto l’otshikitanyelo wa numɛlɔ ka telefɔnɛ.

◼ Lushi la Samalo, Ngɔndɔ ka Dikumi l’Ɔtɔi 27, 2004 ase nkumbo ka Bɛtɛlɛ wayosala paka elimu wendana lawɔ vɔamɛ ato, ndo Lushi la Samalo Ngɔndɔ ka Dikumi l’Ahende 4, 2004 olimu wa sola Bɛtɛlɛ k’otondo wayosalema. Ɔnkɔnɛ, tambonyɔsɛngasɛnga di’aha ndja ndjembola Bɛtɛlɛ kana ose nkumbo ka Bɛtɛlɛ ɔmɔtshi lo nshi shɔ hiende.