Ekongelo Ka Losanganya L’olimu

Lomingu la Ngɔndɔ ka Dikumi l’Ɔtɔi 8

Osambo  180

Min. 10: Waewoyelo. Waewoyelo w’oma l’Olimu Aso wa Diolelo. Okahanyelo wa lânde wa biukubuku Nyotetemale Sungukala! wayokomɛ Ngɔndɔ ka Dikumi l’Ɔtɔi 14. Tayosha anto dibuku Etshama Oma le Ombetsha a Woke lo nshi yotshikadi ya Ngɔndɔ ka Dikumi l’Ɔtɔi. Vusola lo tshena pe mbɔtwɛlɔ yele l’Olimu Aso wa Diolelo wa Ngɔndɔ ka Tanu 2004, lɛkɛ 3.

Min. 15: Tokondja Wahɔ Efula oma lo Losanganya l’Olimu. Ɔkɛtshanyelo l’ampokami w’awui w’oma lo dibuku Notre ministère, lɛkɛ 71-72. Lo toho takɔna totanu tatokimanyiya Losanganya l’Olimu dia sho pama oko weso ekambi w’Akristo? Shila bɛnyɛlɔ di’oma l’ekongelo ka losanganya l’olimu la ngɔndɔ kɛnɛ. Naa ɛlɔlɔ waya oma lo ndjalɔngɔsɔlaka la ntondo? Lande na kahombaso mbɔtɔka mbala la mbala lo nsanganya? Onde tekɔ l’ɛnyɛlɔ kɛmɔtshi k’edjedja ka l’Afundelo kendana la losanganya lɔsɔ?

Min. 20: “Totetemale Sala Akambo la Shamanya!”a Dja ndo kɔmatɛrɛ yele lo Tshoto y’Etangelo ya Ngɔndɔ ka Hende 1, 2000, lɛkɛ 6-7.

Osambo 19 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ɔtɔi 15

Osambo  170

Min. 10: Waewoyelo. Naka kokaka kamba l’alako wele lo lɛkɛ la nɛi l’ɛtshi kanyu ka nkɛtɛ, kete nyokambe la wɔ dia mɛnya woho wa mbisha anto Tshoto y’Etangelo ya Ngɔndɔ ka Dikumi l’Ɔtɔi 15 ndo Réveillez-vous! wa Ngɔndɔ ka Dikumi l’Ɔtɔi 22. Nyu koka nto kamba la mbɔtwɛlɔ kina y’amɛna.

Min. 15: Onde Wɛ Mbeyaka Ɔngɛnɔngɛnɔ Waya oma lo Lokaho? Sawo diɔsami oma lo Tshoto y’Etangelo ya Ngɔndɔ ka Dikumi l’Ɔtɔi 1, 2004, lɛkɛ 19-23, lo Falase.

Min. 20: Tolomialomia Nsaki lo Kamba la Biukubuku y’Oyoyo. Sawo ndo ɔkɛtshanyelo l’ampokami. Diɔ diayosalema oma le omendji w’olimu. Sho pombaka kalola dia tolomialomia nsaki k’onto tshɛ laketawɔ kɔpi ka biukubuku Nyotetemale Sungukala! Lo kamba l’ɛtɛ w’awui wele lo lɛkɛ 2, lembetshiya lo tshena pe kɛnɛ kele lo biukubuku, kotola yambalo lo tenyi dia tomondo diofundami l’alɛta wedima (wofundami la tshina di’ɛtɛ w’awui wofundami l’alɛta w’edima). Awui asɔ mbeyaka sɛdingɔma lo tshena pe, lo yoho yasha wetshelo ndo yakeketsha kɛnɛ kakekama ntondo. Ɛnyɛlɔ, naka nyakatɛkɛta awui wa lo lɛkɛ 3-4 lam’akanyahomana mbala ka ntondo, kete lo wendelo w’oyoyo nyu mbeyaka tɛkɛta awui wofundami l’alɛta w’edima wele lo lɛkɛ 5 wata ɔnɛ: “Onde Mɛtɛ Nzambi Tokanɛka?” Nyɔkɛtshanya woho wakoka dikambo sɔ salema. Nyovusole tenyi dikina diofundami l’alɛta w’edima oko nɛ diele lo lɛkɛ 6-8 ndo 17-18 kana tenyi dikina diasungana l’ɛtshi kanyu ka nkɛtɛ. Nyɛnya woho wa sala wendelo w’oyoyo, lo kamba la tenyi diofundami l’alɛta w’edima. Divɛsa kana avɛsa woshilami pombaka mbadiema ndo kɛtshanyema. Opandjudi ayokomiya lo kotola yambalo y’onto l’etenyi kekina kofundami l’alɛta w’edima kayowoyɔtɛkɛta lo wendelo wayaye.

Osambo 66 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ɔtɔi 22

Osambo  199

Min. 10: Waewoyelo. Alapɔlɔ wa falanga.

Min. 15: Ehomba wa l’etshumanelo.

Min. 20: Totate Wekelo wa Bible l’Anto Waketawɔ Biukubuku y’Oyoyo. Sawo ndo ɔkɛtshanyelo l’ampokami. Diɔ diayosalema oma le omendji w’olimu. Nyovusole lo tshena pe wendelo w’oyoyo wakasalema lo Losanganya l’Olimu l’etshi, nyɔtɛkɛtɛ djekoleko dia etenyi kakatɛkɛtama l’ekomelo ka wendelo akɔ. Apandjudi akɔ wâmɛ (naka kokaka) wakambe l’awui asɔ dia mɛnya woho wayosalema wendelo w’oyoyo wayaye. Oma lâsɔ, opandjudi akambe la lohoso la biukubuku dia sɛngɔla onto dia vɔ tatɛ mbeka Bible, ndo wokane dia sɛdingola wekelo 1 lo biukubuku Katɔlɔmba lo wendelo wayaye. Keketsha apandjudi tshɛ dia sala la wolo dia tatɛ mbeka Bible la wanɛ waketawɔ biukubuku Nyotetemale Sungukala!

Osambo 58 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ɔtɔi 29

Osambo 23

Min. 10: Waewoyelo. Ohola apandjudi dia kimɔ alapɔlɔ w’olimu wa Ngɔndɔ ka Dikumi l’Ɔtɔi. Ɛnya woho wa mbisha anto Tshoto y’Etangelo ya Ngɔndɔ ka Dikumi l’Ahende 1 ndo Réveillez-vous! wa Ngɔndɔ ka Dikumi l’Ahende 8.

Min. 10: Ekadimwelo lo Wembola Anyu. Sawo oma le ekumanyi kɛmɔtshi.

Min. 25: “Tɔlɔmbɔlɛ Wekelo wa Bible Watahame​—⁠Etenyi 3.”b Kamba la wembola woshami. L’ɔkɔngɔ wa nyu kɛtshanya odingɔ 3, nyosale wɛnyɛlɔ wa lo tshena pe wa wekelo wa Bible lo biukubuku Katɔlɔmba, wekelo 5, odingɔ 1. Odingɔ wakashidi mbadiema ndo wombola wakashidi kadimɔma. Ɔnɔmbɔdi wa wekelo la ombeki wa Bible wambadia ndo wambɔkɛtshanya Isaya 45:18 ndo Undaki 1:⁠4. Ɔnɔmbɔdi ambokamba la wembola wa wɔdu dia kimanyiya ombeki dia nde nembetshiya woho wɔtɔnɛ divɛsa tshɛ l’akambo wasɛdingolawɔ.

Osambo 178 ndo dɔmbɛlɔ dia ndjihelo.

Lomingu la Ngɔndɔ ka Dikumi l’Ahende 6

Osambo 96

Min. 10: Waewoyelo. Ewoya ekanda wayotosha anto lo Ngɔndɔ ka Dikumi l’Ahende. Nyosale wɛnyɛlɔ wa mbɔtwɛlɔ ɔtɔi kana hiende yakokanyu kamba la yɔ etena kashanyu onto dibuku Onto Loleki Woke.

Min. 20: “Onde Wɛ Koka Kimanyiya?”c Kɔnya opandjudi ɔtɔi kana ahende wakangɛnangɛna ekimanyielo kana ekeketshelo kakawasha anto akina.

Min. 15: Awui wendana l’etshumanelo kanyu. Lɔmba ampokami dia vɔ kɔndɔla awui wakahomana lawɔ lo kahɛ anto biukubuku Nyotetemale Sungukala! Lɔngɔsɔla la ntondo dia sala wɛnyɛlɔ wa lo tɔjɛstɛ w’awui wakeketsha wakahomanawɔ. Andola anto tshɛ lo woho wakawasukɛ okahanyelo wa lânde ɔsɔ.

Osambo 101 ndo dɔmbɛlɔ dia ndjihelo.

[Nɔte ka l’ɛse ka dikatshi]