Ekongelo ka losanganya l’olimu

Lomingu la Ngɔndɔ ka ntondo 10

Osambo 223

Min. 10: Waewoyelo. Waewoyelo w’oma l’Olimu aso wa Diolelo. Naka alako wa lo lɛkɛ 8 sunganaka lo ɛtshi kanyu ka nkɛtɛ, kete kamba la wɔ dia mɛnya woho wa mbisha anto Tshoto y’Etangelo ya Ngɔndɔ ka ntondo 15 ndo Réveillez-vous! wa Ngɔndɔ ka ntondo 22. Nyu mbeyaka kamba la wɛnyɛlɔ ekina wakoka. Lo wɛnyɛlɔ ɔmɔtshi, ɛnya woho wa mbisha owotɔ ɔmɔtshi wele bu Ɔmɛnyi wa Jehowa periodikɛ.

Min. 15: “Toleshamake la ɛtɛkɛta wa mbetawɔ.”a Naka wonya wekekɔ, kete nyu mbeyaka la mbadia ndo kɛtshanya avɛsa woshilami.

Min. 20: “Hemba mbɔtwɛlɔ kakoka tshikitanyema.” Ɔkɛtshanyelo la ampokami wa lɛkɛ 6 la dikatshi di’okotsha. Sala wɛnyɛlɔ ehende wa woho wakoka onto kamba la mbɔtwɛlɔ shɔ lo ekanda wayotosha anto ngɔndɔ kɛnɛ. Lo wɛnyɛlɔ tshɛ, opandjudi adia divɛsa dimɔtshi diɛnya kɛnɛ kayakiyanya ompokami.

Osambo 143 ndo dɔmbɛlɔ dia ndjihelo.

Lomingu la Ngɔndɔ ka ntondo 17

Osambo 34

Min. 10: Waewoyelo.

Min. 15: Ɛlɔngɔlɔngɔ l’esekaseka, onde nyekɔ lo tahame lo nyuma? Sawo diayoshama oma le ekumanyi kɛmɔtshi diɔsami oma lo Tshoto y’Etangelo ya Ngɔndɔ ka nɛi 1, 2003, lɛkɛ 30-32. Shila eyango ɛmɔtshi w’amɛna, wakoka onto kotsha ndo keketsha ɛlɔngɔlɔngɔ la esekaseka dia vɔ ndjadjɛ eyango wa shikaa wa lo nyuma dia wahɔ awɔ.

Min. 20: “Tɔlɔmbɔlɛ wekelo wa Bible watahame​—⁠Etenyi 5.”b Dja ndo wɛnyɛlɔ ɔmɔtshi wɛnya ombetsha ɔmɔtshi wa manamana asawola la opandjudi w’oyoyo woho wakokande mbewɔ tolonga totami lo odingɔ 4-5.

Osambo 78 ndo dɔmbɛlɔ dia ndjihelo.

Lomingu la Ngɔndɔ ka ntondo 24

Osambo 163

Min. 10: Waewoyelo. Alapɔlɔ wa falanga. Vusola lo tshena pe kiombo yele l’ɔtɛ a dui ɔnɛ: “Filmɛ vidɛo ya lo DVD.”

Min. 10: Ekadimwelo lo wembola anyu. Dako.

Min. 25: “Woho wa kamba la bɛnyɛlɔ dia mbɔtwɛlɔ.”c Kamba la wembola woshami. Ewoya dia lɛkɛ 3-5 la dikatshi di’okotsha dia ngɔndɔ kɛnɛ diekɔ la mbɔtwɛlɔ yendana la ekanda wayotosha anto. Omba dikatshi di’okotsha nɛ dia wɛ kamba ladiɔ lo ɔnɔnyi w’otondo ɔnɛ. Lo ɔsɛdingwelo wa sawo nɛ, nyɔkɛtshanya woho wakokaso mbisha anto Approchez-vous de Jéhovah lo Ngɔndɔ ka hende. Sala wɛnyɛlɔ wa mbɔtwɛlɔ hiende. Vɔ mbeyaka la mbɔsama oma lo bɛnyɛlɔ dia mbɔtwɛlɔ diele lo lɛkɛ 3 kana lo mbɔtwɛlɔ nkina yayonga la etombelo w’amɛna lo ɛtshi kanyu ka nkɛtɛ.

Osambo 200 ndo dɔmbɛlɔ dia ndjihelo.

Lomingu la Ngɔndɔ ka ntondo 31

Osambo 157

Min. 10: Waewoyelo. Ohola apandjudi dia vɔ kimɔ alapɔlɔ awɔ w’olimu wa Ngɔndɔ ka ntondo. Naka alako wa lo lɛkɛ 8 sunganaka lo ɛtshi kanyu ka nkɛtɛ, kete kamba la wɔ dia mɛnya woho wa mbisha anto Tshoto y’Etangelo ya Ngɔndɔ ka hende 1 ndo Réveillez-vous! wa Ngɔndɔ ka hende 8. Nyu mbeyaka kamba la mbɔtwɛlɔ nkina ya amɛna.

Min. 15: Ehomba wa l’etshumanelo.

Min. 20: Onde wɛ sɛdingolaka Afundelo lushi la lushi? Sawo ndo ɔkɛtshanyelo la ampokami diɔsami oma lo ɛtɛkɛta wa mbɔtwɛlɔ wa Tɔsɛdingolake Afundelo lushi la lushi​—⁠2005. Nyɔkɛtshanya ohomba wa anto tshɛ mbɔsaka minitɛ ngana tsho dia sɛdingolaka divɛsa ndo kɔmatɛrɛ kadiɔ lushi tshɛ. Talɔngɔsɔdi la ntondo dia onto ɔtɔi kana ahende tɛkɛta yema dia mbekelo yawɔ ya sɛdingolaka divɛsa ndo wahɔ wambowokondja. Komiya la ɔkɛtshanyelo wa lo tshena pe wa divɛsa dia ɔnɔnyi 2005.

Osambo 184 ndo dɔmbɛlɔ dia ndjihelo.

Lomingu la Ngɔndɔ ka hende 7

Osambo 97

Min. 10: Waewoyelo.

Min. 15: Tokimanyiya eyoyo dia vɔ mbeka woho wa mboka Nzambi ndo onyawɔ onto ngandji. Sawo diɔsami oma lo Tshoto y’Etangelo ya Ngɔndɔ ka samalo 1, 2004 lɛkɛ 29, odingɔ 7-9. Ka epole ɔsɛkɛ lo woho ɔnɛ wele onto tshɛ la l’etshumanelo ekɔ l’ɔkɛndɛ wa kimanyiya eyoyo dia vɔ koma ambeki wa Kristo.

Min. 20: Jehowa hatodime ndoko ɛngɔ ɔtɔi ka dimɛna. (Osam. 84:11) Kɔnya anangɛso la akadiyɛso amɔtshi wakalame kɔlamelo yawɔ l’atei w’ehemba. Ekakatanu akɔna wakawahomana lawɔ? Kakɔna kakâkimanyiya dia vɔ tondoya? Ɛngɛnɔngɛnɔ ndo ɛtshɔkɔ akɔna wakawakondja?

Osambo 104 ndo dɔmbɛlɔ dia ndjihelo.

[Nɔte ka l’ɛse ka dikatshi]