Ovuswelo w’awui wakekama lo Kalasa k’olimu wa teokrasi

Ambola wayela anɛ wayɔkɛtshanyema oko ovuswelo wa l’onyɔ wa lo Kalasa k’olimu wa teokrasi lomingu la Ngɔndɔ ka hende 28, 2005. Omendji wa kalasa ayɔlɔmbɔla ovuswelo wa minitɛ 30 w’awui wakekama lo Kalasa k’olimu wa teokrasi tatɛ oma lo lomingu la Ngɔndɔ ka ntondo 3 polo lo Ngɔndɔ ka hende 28, 2005. [Diewoyelo: L’ahole wele bu rɛferansɛ l’ɔkɔngɔ wa dimbola, wɛmɛ mbahomba sala eyangelo dia tana ekadimwelo.​—⁠Enda Kalasa k’olimu, lɛkɛ 36-37.]

WAONGA W’ƆTƐKƐTSHI

1. Ngande wakokaso sala dia ɛtɛkɛta aso ndeka mbokɛma dimɛna? [be lɛkɛ 226 od. 1–lɛkɛ 227 od. 2]

2. Tɔtɛkɛta ta woho akɔna takoka nɔmba elembetshiyelo wa lâdiko? [be lɛkɛ 227 od. 3–lɛkɛ 228 od. 2]

3. Kakɔna kayotokimanyiya dia sho mbisha sawo lo yoho yayosha ampokami aso wetshelo? [be lɛkɛ 231 od. 1-3]

4. Ngande wakokaso sala dia wadielo wa divɛsa dimɔtshi dieyama efula mbisha ampokami aso wetshelo? [be lɛkɛ 231 od. 4-5]

5. Naka sho keketsha ampokami aso dia mbidja yimba lo kiambokambo tshɛ ya l’ɔkɔndɔ ɔmɔtshi wa lo Bible weyawɔ, kete dikambo sɔ koka monga la etombelo akɔna wakeketsha le ampokami aso? [be lɛkɛ 232 od. 2-4]

SAWO NO. 1

6. Kakɔna kendana nto la mbetsha anto dia ‘mboka Nzambi wɔma ndo namaka adjango ande’? (Und. 12:13) [be lɛkɛ 272 od. 3–lɛkɛ 273 od. 1]

7. Ngande wakokaso kotola yambalo y’onto aha tsho lo lokombo laki Jehowa koko ndo lo woho wa Nzambi wende? (Joe. 2:32) [be lɛkɛ 274 od. 3-5]

8. Ohomba akɔna wa kondja ewo kaki Yeso ndo sambisha dikambo diande? (Joa. 17:⁠3) [be lɛkɛ 275od. 7]

9. Woho akɔna wɔtɔnɛ monga la diɔtɔnganelo di’ɔlɔlɔ la Nzambi ndo monga la eokelo ka dimɛna ka Bible la ɔkɛndɛ wele la Yeso? [be lɛkɛ 276 od. 1]

10. Ngande wakokaso mɛnya dia tekɔ lo mbetawɔ mɛtɛ dia Yeso Kristo ekɔ Nkumekanga? [be lɛkɛ 277 od. 4]

WADIELO WA BIBLE WA LOMINGU LA LOMINGU

11. Onde Tɛra ka she Abarahama aki ɔtɛmɔdi wa dikishi? (Jas. 24:⁠2)

12. Onde Ngidiyɔna komonga la dihonga lo kotsha ɔkɛndɛ wakawosha Jehowa? Lande na kakadimolayɛ ngasɔ? (Emb. 6:​25-27)

13. Akokaso mbeka lo woho wakatɛkɛta Ngidiyɔna la ase dioho di’Efarayima? (Emb. 8:​1-3)

14. Kakɔna kakalangaka mɛnya woho wakatone ase Ngiba dia mɛnya olongwanelo? (Emb. 19:​14, 15)

15. Onde naka ‘onto l’onto aki la mbekelo ka salaka kɛnɛ kaki ɔlɔlɔ lo washo ande,’ kete lâsɔ ɔnɛ dikambo sɔ diakadjaka lofunge? (Emb. 21:25)