Waewoyelo

◼ Ekanda wayotosha anto lo Ngɔndɔ ka hende: Approchez-vous de Jéhovah. Ngɔndɔ ka sato: Nyotetemale sungukala! Ngɔndɔ ka nɛi la ka tanu: Ewo katɔla otsha lo lɔsɛnɔ la pondjo.

◼ Omendji walɔmbɔla kana onto ɔmɔtshi layondɔsɔna pombaka mbɛdika kɔntɛ k’etshumanelo Ngɔndɔ ka sato 1 kana yema tshitshɛ l’ɔkɔngɔ kam’atanema etena. Naka nyekɔ la kɔntɛ ka falanga kina, ɛnyɛlɔ oko y’ɔlɔngɔswɛlɔ kana ya wokelo, kete pombaka nɔngɔsɔla dia mbɛdika ndo falanga yakɔ. Kam’ayonyotsha wɛdikelo ɔsɔ ko nyu mbewoya etshumanelo l’ɔkɔngɔ wa mbadia alapɔlɔ wa kɔntɛ wa mbala ketshi.

◼ Sekeletɛlɛ nde l’omendji w’olimu la dia menda okambelo w’olimu waki ambatshi mboka wa pondjo tshɛ. Naka amɔtshi wekɔ l’okakatanu wa kotsha lofulo la wenya walɔmbama, kete dikumanyi pombaka ndjalɔngɔsɔla dia mbakimanyiya. Dia tana alako lo dikambo sɔ, nyovusole awui wele lo mukanda wa S-201 watomama ɔnɔnyi tshɛ.

◼ Dako dia lo sɛkɛ dia lânde dia lo 2005 diakalɔngɔswama dia salema lo nshi ya Eohwelo diayonga la ɔtɛ a dui ɔnɛ: “Lande na kakasowe Yeso ndo kakandavu?” Enda diewoyelo dia woho akɔ wâmɛ lo Olimu aso wa Diolelo wa Ngɔndɔ ka divwa 2004.

◼ Anto tshɛ pombaka monga lo losanganya la lo sɛkɛ layosalema Lushi la lomingu Ngɔndɔ ka sato 20, dikambo dia diewoyelo dimɔtshi dia lânde diendana la yɛdikɔ mɔtshi yayɔsama dikambo dia apandjudi.

◼ Bɛtɛlɛ hatɔlɛmiya kɔmandɛ kosadi opandjudi ndamɛ. Omendji-walɔmbɔla pombaka nɔngɔsɔla dia mbishaka diewoyelo ngɔndɔ tshɛ la ntondo ka tomɛ biro ka filialɛ kɔmandɛ k’ekanda w’etshumanelo woho w’onto tshɛ lalanga kondja ekanda ande ndamɛ mbisha ɔnangɛso lendana l’awui w’ekanda kɔmandɛ kande. Tanyohɛke dikambo di’ekanda watɔlɔmbamaka paka lo yoho ya lânde.